2 Kroniklys 18:31 - An Bibel Kernewek 20234 (Kernewek Kemmyn)

³¹ Pan welas kaslewydhyon an jarettow Yehoshafat, i a leveris, ‘Myghtern Ysrael ywa.’ Yndella i a dreylyas dhe omladh orto; ha Yehoshafat a grias, ha'n Arloedh a'n gweresas. Duw a's tennas dhiworto,

2 Kroniklys 18:31 ပူးပေါင်းရင်းမြစ်များ

1 Kroniklys 5:20

I a dhegemmeras gweres er aga fynn, rag i a grias dhe Dhuw y'n vatel, ha'n Hagrysi hag oll esa gansa a veu res yn aga leuv, hag ev a wrontyas aga fysadow drefenn i dhe drestya ynno.

2 Kroniklys 13:14

Pan dreylyas Yuda yth esa an vatel a-ragdha hag a-dryv dhedha. I a grias dhe'n Arloedh ha'n oferysi a hwythas an hirgern.

2 Kroniklys 13:15

Ena tus Yuda a grias garm an vatel. Pan armas gwer Yuda, Duw a fethas Yeroboam hag oll Ysrael a-rag Abia ha Yuda.

2 Kroniklys 14:11

Asa a grias dhe'n Arloedh y Dhuw, ‘A Arloedh, nyns eus dihevelepter ragos yntra gweres an re grev ha'n re wann. Gweres ni, A Arloedh agan Duw, rag ni a drest ynnos, hag yn dha hanow ni re dheuva erbynn an routh ma. A Duw, na dryghes den marwel er dha bynn.’

2 Kroniklys 18:30

Lemmyn myghtern Aram re worhemmynnsa dhe gaslewydhyon y jarettow, ‘Na omledhewgh orth byghan na bras, saw unnsel gans myghtern Ysrael.’

2 Kroniklys 18:32

rag pan welas kaslewydhyon an charettow nag o myghtern Ysrael, i a gildennas a'y helghya.

2 Kroniklys 26:7

Duw a'n gweresas erbynn an Filistysi, hag erbynn an Arabyon trigys yn Gur-baal, hag erbynn an Meunysi.

Ezra 1:1

Yn kynsa blydhen Kyrus myghtern Persia, may fe kollenwys ger an Arloedh dre anow Yeremia, an Arloedh a wrug spyrys Kyrus myghtern Persia dhe dhifuna, may tannvonna gwarnyans der y wlaskor oll, hag ynwedh ev a'n gwrug yn skrif, ow leverel,

Ezra 7:27

Benniges re bo an Arloedh, Duw agan tasow, re worras mater a'n par ma yn kolonn an myghtern, rag ri enor dhe ji an Arloedh usi yn Yerusalem,

Nehemia 1:11

A Arloedh, my a'th pys, bedhes dha skovarn hewoel dhe bysadow dha was, ha dhe bysadow dha wesyon neb yw hwansek dhe berthi own a'th hanow. Ro sewena, my a'th pys, dhe'th was an jydh ma, ha gront dhodho truedh yn golok an gour ma!’ Yth en vy hanafor an myghtern.

Salmow 118:13

Ty re'm herdhyas yn feur rag may koetthiv, mes an Arloedh a'm gweresas.

Salmow 34:7

El an Arloedh a gamp a-dro dhe'n re a berth own anodho hag ev a's delirv.

Salmow 46:1

Duw yw agan skovva ha'gan nerth, gweres yn anken na fyll nevra.

Salmow 46:11

Yma Arloedh an luyow genen ni; Duw Yakob yw agan skovva. Sela.

Salmow 56:10

Yn Duw may hwormolav y er, y'n Arloedh may hwormolav y er,

Salmow 94:17

Na ve an Arloedh ow gweres, nammna drigsa ow enev yn taw.

Eksodus 14:10

Pan dheuth Faro nes, mebyon Ysrael a dhrehevis aga dewlagas, hag otta, yth esa an Ejyptianys ow tos war aga lergh; hag own bras a's teva. Mebyon Ysrael a grias war an Arloedh;

Lavarow Koth 16:7

Pan vo fordhow gour plegadow gans an Arloedh, ev a wra may fo ynwedh y eskerens yn kres ganso.

Lavarow Koth 21:1

Kolonn an myghtern yw gover a dhowr yn leuv an Arloedh; ev a's treyl py le pynag y fynno.