2 Kroniklys 18:3 - An Bibel Kernewek 20234 (Kernewek Kemmyn)

³ Ahab myghtern Ysrael a leveris dhe Yehoshafat myghtern Yuda, ‘A vynnydh mos genev dhe Ramoth-gilead?’ Ev a wovynnas dhodho, ‘Yth esov genes, ow fobel yw dha bobel. Ni a vydh genes y'n vresel.’

2 Kroniklys 18:3 ပူးပေါင်းရင်းမြစ်များ

1 Myghternedh 22:4

Ev a leveris dhe Yehoshafat, ‘A vynnydh mos genev dhe vatalyas orth Ramoth-gilead?’ Yehoshafat a worthybis dhe vyghtern Ysrael, ‘My yw avelos, ow fobel yw dha bobel, ow mergh yw dha vergh.’

1 Myghternedh 4:13

Ben-geber yn Ramoth-gilead – dhodho ev yth esa trevow Yair mab Manasse yn Gilead, hag ev a'n jevo ranndir Argob yn Bashan, tri-ugens sita veur gans fosow ha barrys a vrons;

2 Myghternedh 3:7

Ev eth ha dannvon messaj dhe Yehoshafat myghtern Yuda, ow leverel, ‘Myghtern Moab re rebellyas er ow fynn. A vynnydh mos genev dhe werrya erbynn Moab?’ Ev a leveris, ‘My a vynn mos. Yth ov kepar ha ty, ow fobel kepar ha dha bobel, ow mergh kepar ha dha vergh.’

2 Kroniklys 18:2

Wosa nebes blydhynyow ev eth yn-nans dhe Ahab yn Samaria. Ahab a ladhas kals a dheves hag a oghen ragdho ha rag an bobel esa ganso, hag a ynnias warnodho mayth ella yn-bann erbynn Ramoth-gilead.

2 Kroniklys 18:4

Mes Yehoshafat a leveris ynwedh dhe vyghtern Ysrael, ‘Hwila yn kynsa ger an Arloedh.’

2 Kroniklys 19:2

Yehu mab Hanani an gwelesydh eth dhe vetya ganso hag a leveris dhe vyghtern Yehoshafat, ‘Yw da ty dhe weres an tebelwas ha kara an re hag a gas an Arloedh? Rag henna sorr a dheu warnas dhiworth an Arloedh.

Salmow 139:21

A ny's kasav, A Arloedh, neb a'th kas jy? A ny'm beus keudh drefenn an re a sev er dha bynn?

Efesianys 5:11

Ha na gemmerewgh rann gans gwriansow difrut an tewlder; gwell yw aga heredhi.