2 Kroniklys 18:2 - An Bibel Kernewek 20234 (Kernewek Kemmyn)

² Wosa nebes blydhynyow ev eth yn-nans dhe Ahab yn Samaria. Ahab a ladhas kals a dheves hag a oghen ragdho ha rag an bobel esa ganso, hag a ynnias warnodho mayth ella yn-bann erbynn Ramoth-gilead.

2 Kroniklys 18:2 ပူးပေါင်းရင်းမြစ်များ

1 Myghternedh 1:9

Adoniya a sakrifias deves hag oghen ha bualyon peskys ryb men Zoheleth, usi ryb En-rogel, hag ev a elwis oll y vreder, mebyon an myghtern, hag oll soedhogyon ryel Yuda.

1 Myghternedh 17:7

Mes wosa termyn an gover a dhesyghas, drefenn nag esa glaw y'n tir.

1 Myghternedh 4:13

Ben-geber yn Ramoth-gilead – dhodho ev yth esa trevow Yair mab Manasse yn Gilead, hag ev a'n jevo ranndir Argob yn Bashan, tri-ugens sita veur gans fosow ha barrys a vrons;

2 Myghternedh 9:1

Ena Elisha an profoes a elwis onan a vebyon an brofoesi ha leverel dhodho, ‘Grogys dha dhiwglun ha kemmer an kostrel ma a oyl y'th leuv ha mos dhe Ramoth-gilead.

2 Kroniklys 18:3

Ahab myghtern Ysrael a leveris dhe Yehoshafat myghtern Yuda, ‘A vynnydh mos genev dhe Ramoth-gilead?’ Ev a wovynnas dhodho, ‘Yth esov genes, ow fobel yw dha bobel. Ni a vydh genes y'n vresel.’

2 Kroniklys 19:2

Yehu mab Hanani an gwelesydh eth dhe vetya ganso hag a leveris dhe vyghtern Yehoshafat, ‘Yw da ty dhe weres an tebelwas ha kara an re hag a gas an Arloedh? Rag henna sorr a dheu warnas dhiworth an Arloedh.

Nehemia 13:6

Dres oll an termyn ma ny veuv yn Yerusalem, rag y'n dewdhegves blydhen warn ugens a Artakserkses myghtern Babylon, my eth dhe'n myghtern. Wosa dydhyow pals my a wovynnas kummyas a'n myghtern

Dewteronomi 4:43

Beser y'n gwylvos war an ughelgompesenn rag an Rewbenysi, ha Ramoth yn Gilead rag an Manassysi.

Yoshua 20:8

Dres an Yordan troha'n howldrevel a Yeriko, i a ros Beser y'n gwylvos war an ughelgompesenn, dhiworth loeth Rewben, ha Ramoth yn Gilead, dhiworth loeth Gad, ha Golan yn Bashan, dhiworth loeth Manasse.