2 Kroniklys 17:9 - An Bibel Kernewek 20234 (Kernewek Kemmyn)

⁹ I a dhyski yn Yuda ha gansa lyver lagha an Arloedh; i e oll a-derdro der oll sitys Yuda ow tyski yn mysk an bobel.

2 Kroniklys 17:9 ပူးပေါင်းရင်းမြစ်များ

2 Kroniklys 15:3

Termyn hir y feu Ysrael heb an gwir Dhuw, ha heb oferyas dhe dhyski, ha heb lagha,

2 Kroniklys 19:8

Yn Yerusalem ynwedh Yehoshafat a apoyntyas re a'n Levysi ha'n oferysi ha pennow teyluyow Ysrael dhe ri breus an Arloedh, ha dhe vos maynoryon yn dadhlow rag an re trigys yn Yerusalem.

2 Kroniklys 35:3

Ev a leveris dhe'n Levysi esa ow tyski oll Ysrael hag o sakrys dhe'n Arloedh, ‘Gorrewgh an argh sans y'n chi a dhrehevis Solomon mab Davydh. Nyns yw res dhywgh y dhoen war agas diwskoedh. Lemmyn servyewgh an Arloedh agas Duw ha'y bobel Ysrael.

Nehemia 8:7

Ynwedh Yeshua, Bani, Sherebia, Yamin, Akkub, Shabbethay, Hodia, Maaseya, Kelita, Azaria, Yozabad, Hanan, ha Pelaya, an Levysi, a weresas an bobel dhe gonvedhes an lagha, ha'n bobel ow kortos yn aga thyller.

Ysay 8:20

rag dyskans ha dustuni?’ Yn sur mar leverons yndella, henn yw rag ny's teves golow banna.

Malaki 2:7

Rag y koedh dhe dhiwweus an oferyas gwitha skians, hag y tal dhe dus hwilas dyskans a'y anow, drefenn y vos kannas Arloedh an luyow.

Matthew 10:23

Pan y'gas helghyons y'n sita ma, fiewgh dhe onan arall; rag yn hwir y lavarav dhywgh, ny worfennowgh tremena dre sitys Ysrael kyns bos devedhys Mab an den.

Matthew 11:1

Ha pan worfennas Yesu y worhemmynnow dh'y dhewdhek dyskybel, ev a dremenas alena dhe dhyski ha dhe bregoth yn aga sitys.

Yowann 5:39

‘Hwi a hwila an skryptors, rag ynna y tybowgh hwi dhe gavoes bewnans heb diwedh. Hag i aga honan yw an re a dheg dustuni ahanav;

Yowann 5:46

Rag mar kwrellewgh krysi yn Moyses, hwi a gryssa ynnov vy; rag ev a skrifas ahanav.

Oberow 13:15

Wosa redyans an lagha ha'n brofoesi, routers an synaga a dhannvonas dhedha, ow leverel, ‘Breder, mars eus dhywgh neb ger a gennerth rag an bobel, leverewgh e.’

Oberow 15:21

Rag Moyses a-dhia henedhow koth a'n jeves an re neb a'n pregoth yn pub sita, ha lennys yw y'n synagys pub sabot.’

Oberow 28:23

I a settyas dydh ganso, hag i a dheuth yn y ji, meur aga niver. A vyttin bys yn gorthugher ev a styryas dhedha, ow toen dustuni a-dro dhe wlaskor Duw, hag owth assaya gul dhedha krysi a-dro dhe Yesu, dhiworth lagha Moyses keffrys dhiworth an brofoesi.

Oberow 8:40

Mes Felip a veu kevys yn Azotus, hag ow mos dres an pow ev a bregowthas an aweyl y'n sitys oll bys pan dheuth dhe Sesarea.

Romanyon 3:2

Meur war bub fordh. Wostalleth an Yedhewon a's teves gwitha lavarow Duw.

1 Peder 4:11

Den mar kews, kewses ev lavarow Duw; den mar konis, gonedhes gans nerth yw res gans Duw, may fo Duw gordhys yn pup-tra dre Yesu Krist, dhe neb re bo gordhyans ha nerth, trank heb worfenn. Amen.