2 Kroniklys 17:3 - An Bibel Kernewek 20234 (Kernewek Kemmyn)

³ Yth esa an Arloedh gans Yehoshafat drefenn ev dhe gerdhes yn fordhow y das kyns; ny hwilas an Baalim,

2 Kroniklys 17:3 ပူးပေါင်းရင်းမြစ်များ

Jenesis 39:21

Mes yth esa an Arloedh gans Yosep. Ev a dhiskwedhas tregeredh dhodho ha gorra dhodho favour yn golok gwithyas an prison.

2 Samuel 5:10

Ha Davydh eth ha bos brassa ha brassa, rag yth esa an Arloedh, Duw an luyow, ganso.

2 Samuel 8:15

Davydh a reynyas war oll Ysrael; ha Davydh a wrug gwirvreus hag ewnder rag oll y bobel.

1 Myghternedh 11:6

Ytho Solomon a wrug drog yn golok an Arloedh, ha ny holyas yn tien an Arloedh, par dell wrussa y das Davydh.

1 Myghternedh 22:43

Ev a gerdhas yn fordh y das Asa; ny dreylyas a-denewen anedhi, ow kul an pyth o ewn yn golok an Arloedh; mes ny veu kemmerys dhe-ves an tylleryow ughel, ha'n bobel a besyas sakrifia hwath ha leski offrynnow y'n tylleryow ughel.

1 Myghternedh 3:3

Solomon a garas an Arloedh, ow kerdhes yn ordenansow Davydh y das: saw y hwre ev ladha ha leski sakrifisow y'n tylleryow ughel.

2 Myghternedh 14:3

Ev a wrug an pyth o ewn yn golok an Arloedh, mes a-der kepar ha Davydh y das; ev a wrug pup-tra kepar dell re wrussa Yoash y das.

2 Myghternedh 16:2

Ugens bloedh o Ahaz pan dhallathas reynya, hag ev a reynyas hwetek blydhen yn Yerusalem, ha ny wre an pyth o ewn yn golok an Arloedh y Dhuw, kepar ha Davydh y das.

2 Myghternedh 18:3

Ev a wrug an pyth o ewn yn golok an Arloedh, kepar ha pup-tra a wrug Davydh y das.

2 Myghternedh 22:2

Ev a wrug an pyth o ewn yn golok an Arloedh, ha kerdhes yn fordh Davydh y das, ha ny dreylyas a-denewen dhe'n dyghow na dhe'n kledh.

1 Kroniklys 22:18

‘A nyns usi an Arloedh agas Duw genowgh? Hag ev re ros powes dhywgh a bub tenewen? Rag ev re dhelivras trigoryon an pow yn ow leuv, hag yma'n pow fethys a-rag an Arloedh ha'y bobel.

2 Kroniklys 14:11

Asa a grias dhe'n Arloedh y Dhuw, ‘A Arloedh, nyns eus dihevelepter ragos yntra gweres an re grev ha'n re wann. Gweres ni, A Arloedh agan Duw, rag ni a drest ynnos, hag yn dha hanow ni re dheuva erbynn an routh ma. A Duw, na dryghes den marwel er dha bynn.’

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

2 Kroniklys 17:2

Ev a worras kasoryon yn oll an sitys kerys a Yuda hag a worras savleow-gwithysi yn pow Yuda hag y'n sitys a Efraym re beu kemmerys gans y das Asa.

2 Kroniklys 17:4

mes ev a hwilas Duw y das hag a gerdhas yn y worhemmynnow, a-der fordhow Ysrael.

2 Kroniklys 20:32

Ev a gerdhas yn fordh y das Asa ha ny dreylyas dhiworti, ow kul an pyth o ewn yn golok an Arloedh.

2 Kroniklys 21:12

Lyther a dheuth dhodho dhiworth an profoes Elias ow leverel, ‘Yndellma y lever an Arloedh, Duw dha das Davydh: Drefenn na gerdhsys yn fordhow dha das Yehoshafat nag yn fordhow Asa myghtern Yuda,

2 Kroniklys 22:9

Ev a hwilas Ahazia hag i a'n synsys hag ev owth omgudha yn Samaria. I a'n dros dhe Yehu ha'y ladha. I a'n ynkleudhyas, rag i a leveris, ‘Ev yw mab-wynn Yehoshafat neb a hwilas an Arloedh a leun golonn.’ Ha nyns o nagonan yn chi Ahazia gans nerth lowr dhe rewlya an wlaskor.

2 Kroniklys 27:6

Ytho Yotham eth ha bos krev drefenn ev dhe witha y fordhow kompes a-rag an Arloedh y Dhuw.

2 Kroniklys 29:2

Ev a wrug an pyth o ewn yn golok an Arloedh, kepar dell wrug Davydh y das.

2 Kroniklys 34:2

Ev a wrug an pyth o ewn yn golok an Arloedh, hag a gerdhas yn fordhow Davydh y das; ny dreylyas dhe denewen naneyl dhe'n dyghow na dhe'n kledh.

Salmow 46:11

Yma Arloedh an luyow genen ni; Duw Yakob yw agan skovva. Sela.

Salmow 46:7

Yma Arloedh an luyow genen ni; Duw Yakob yw agan skovva. Sela.

Eksodus 3:12

Ev a leveris, ‘Yn sur, my a vydh genes; ha hemma a vydh tokyn dhis my dhe'th tannvon: pan dhresys an bobel yn-mes a Ejyp, ty a wra servya Duw war an menydh ma.’

Eksodus 4:12

Ha lemmyn, ke, ha my, my a vydh gans dha anow ha dyski dhis an pyth a gewsydh.’

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Ysay 8:10

Omgusulyewgh war-barth, ha'n gusul a vydh lestys; leverewgh ger, ha ny sev, rag bos Duw genen.

Yeremia 2:23

Fatell yllydh leverel, ‘Nyns ov defolys, nyns idh war-lergh Baalim’? Gwel dha fordh y'n nans, godhvydh an pyth a wrussys: kasek-kowrvargh skav ow poenya a-dro yn hy fordhow;

Matthew 1:23

‘Awotta, an wyrghes a wra omdhoen ha dineythi mab hag i a'n henow Emmanuel’, yw dhe styrya, Genen ni Duw.

Matthew 18:20

Rag le may ma dew po tri kuntellys war-barth y'm hanow vy, ena yth esov yn aga mysk.’

Matthew 25:16

Hag ev neb a dhegemmeras an pymp talent eth ha kenwertha gansa hag a wrug prow a bymp moy.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

2 Timothi 4:22

An Arloedh re bo gans dha spyrys. Gras genowgh hwi.

Yoshua 1:5

Ny sev gour vyth er dha bynn oll dydhyow dha vewnans. Kepar dell en vy gans Moyses, my a vydh genes jy; ny wrav dha eskasa na'th forsakya.

Yoshua 1:9

A ny erghis dhis? Bydh krev ha bydh kolonnek; na borth own ha na vydh dyegrys, rag bos an Arloedh dha Dhuw genes plepynag yth edh.’

Breusysi 2:11

Ena mebyon Ysrael a wrug drogober yn golok an Arloedh hag a servyas an Baalim.

Breusysi 2:18

Peskweyth may trehevi an Arloedh breusysi ragdha, yth esa an Arloedh gans an breusyas, hag ev a wre aga sawya dhiworth diwla aga eskerens oll dydhyow an breusyas; rag an Arloedh a gemmeri truedh drefenn aga hanasa dre reson an re a wre aga duwenhe ha'ga gwaska.

Breusysi 6:12

el an Arloedh a omdhiskwedhas dhodho hag a leveris dhodho, ‘Yma an Arloedh genes, kasor galloesek.’

Breusysi 8:33

Kettell veu Gideon marow, mebyon Ysrael a dreylyas hag a farya avel horys gans an Baalim, ow kul Baal-berith aga duw

1 Samuel 18:12

Sowl a borthas own a Davydh, drefenn bos an Arloedh ganso, mes gyllys dhiworth Sowl.

1 Samuel 18:14

Yth esa sewena dhe Davydh yn oll y oberow; rag yth esa an Arloedh ganso.

1 Samuel 18:5

Davydh eth yn-mes hag yn pub le ma'n dannvonas Sowl, ev a sewenis; rakhemma, Sowl a'n settyas war an lu. Ha hemm o da yn golok an bobel oll, hag ynwedh yn golok gwesyon Sowl.