2 Kroniklys 17:11 - An Bibel Kernewek 20234 (Kernewek Kemmyn)

¹¹ Re a'n Filistysi a dhros trubyt dhe Yehoshafat, ha shour a arghans; ha'n Arabyon ynwedh a dhros dhodho seyth kans hordh, ha seyth kans gaver gorow ha seyth mil.

2 Kroniklys 17:11 ပူးပေါင်းရင်းမြစ်များ

2 Samuel 8:2

Ev a fethas Moab ynwedh, hag ev a's gwrug dhe wrowedha war an leur ha'ga musura der an gordenn-vusura; ev a vusuras diw gordenn dhe worra dhe'n mernans, hag unn kordenn leun dhe witha yn few. Hag yndellma Moab eth ha bos gostydh dhe Davydh, ow tri trubyt dhodho.

1 Myghternedh 5:1

Hiram myghtern Tyr a dhannvonas y wesyon dhe Solomon, pan glewas i dh'y untya myghtern yn le y das; rag Hiram o pup-prys koweth dhe Davydh.

2 Myghternedh 3:4

Mesha myghtern Moab o mager a dheves, ha res o dhodho provia dhe vyghtern Ysrael kans mil oen ha kans mil hordh anknyvys.

2 Kroniklys 17:12

Gyllys o Yehoshafat moy ha moy krev. Ev a dhrehevis dinasow ha sitys-gwithva yn Yuda.

2 Kroniklys 17:5

Yndella an Arloedh a fastyas an wlaskor yn y leuv. Oll Yuda a dhros trubyt dhe Yehoshafat, hag ev a'n jevo rychys meur hag enor.

2 Kroniklys 21:16

An Arloedh a wrug dhe sorr an Filistysi difuna erbynn Yehoram, ha sorr an Arabyon usi ogas dhe'n Ethiopysi.

2 Kroniklys 26:8

An Ammonysi a ros trubyt dhe Uzzia, ha'y vri a lesas bys or Ejyp, rag gyllys fest krev ova.

2 Kroniklys 9:14

dres an pyth o dres gans an wikoryon ha gans an varchons; hag oll myghternedh Arabia ha governours an tir a dhros owr hag arghans dhe Solomon.

2 Kroniklys 9:24

Pubonan a dhros ro, lestri a arghans hag owr, mantelli, melysethow, spisys, mergh, ha mulyon, blydhen wosa blydhen.

Ysay 13:20

Ny vydh annedhys nevra, ha ny drig denvyth ynni a henedh dhe henedh; ny sett Arabyon aga thyldow ena, ha ny wra bugeledh greow dhe bowes ena.

Ezekiel 27:21

Arabia hag oll pennsevigyon Kedar o dha gowethysi yn kenwerth, gans eyn, hordhes, ha gever; y'n re ma i a genwertha genes.