2 Kroniklys 16:14 - An Bibel Kernewek 20234 (Kernewek Kemmyn)
14 I a'n ynkleudhyas y'n bedh re droghas ev ragdho y honan yn sita Davydh. I a'n gorras war eler kudhys gans spisys kemmyskys yn konnyk; hag i a wrug tan bras yn y enor.
“Ow thas a wrug dhymm gul ti, ow leverel, Otta, yth esov ow merwel. Ty a wra ow ynkleudhyas y'm bedh a wrug vy y gleudhya ragov yn pow Kanan.” Ytho lemmyn, gas vy dhe vos yn-bann, my a'th pys, hag ynkleudhyas ow thas, ha dehweles.’
I a gemmeras Asahel yn-bann, ha'y ynkleudhyas yn bedh y das, esa yn Bethlehem. Yoab ha'y wer a gerdhas der oll an nos na, hag i a dheuth dhe Hebron orth tardh an jydh.
Wosa neb termyn, dhe benn diw vlydhen, y golodhyon a dheuth yn-mes drefenn an kleves, hag ev a verwis yn payn a-has. Ny wrug y bobel tan yn y enor, avel an tanow a vedha gwrys rag y dasow.
Hezekia a goskas gans y dasow, hag i a'n ynkleudhyas war an fordh yn-bann dhe vedhow mebyon Davydh, hag oll Yuda ha trigoryon Yerusalem a ros dhodho enor yn y vernans. Y vab Manasse a reynyas yn y le.
Yndella y wesyon a'n kemmeras yn-mes a'y jarett ha'n dugons dh'y nessa charett, ha'y dhri dhe Yerusalem. Ena ev a verwis, hag a veu ynkleudhys yn bedhow y dasow. Oll Yuda ha Yerusalem a gynis war-lergh Yosia.
Pandra eus dhis omma, ha piw eus dhis omma, ty dhe dreghi bedh yn-mes ragos dha honan omma, ow treghi bedh yn tyller ughel, hag ow kervya trigva y'n garrek?
ty a verow yn kres. Ha dell vedha leskys spisyow rag dha dasow, an vyghternedh a-varra a dheuth a-ragos, yn kettellma i a lesk spisyow ragos ha kyni ragos, ow leverel “Ellas arloedh!” Rag my re gewsis an ger, yn-medh an Arloedh.’
pub gour kolonnek a sevis, ha vyajya der an nos, ha kemmeres korf Sowl ha korfow y vebyon dhiworth fos Beth-shan. I a dheuth dhe Yabesh ha'ga leski ena.