2 Kroniklys 15:2 - An Bibel Kernewek 20234 (Kernewek Kemmyn)

² Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

2 Kroniklys 15:2 ပူးပေါင်းရင်းမြစ်များ

1 Myghternedh 11:25

Ev o eskar Ysrael dydhyow oll Solomon, ow kul dregynn kepar dell wrug Hadad; ev a dhispresyas Ysrael hag a reynyas war Edom.

1 Myghternedh 18:18

Ev a worthybis, ‘Ny droblis Ysrael; mes ty ha chi dha das a'n gwrug, drefenn hwi dhe eskasa gorhemmynnow an Arloedh ha holya an Baalim.

2 Myghternedh 21:14

My a forsak remenant ow ertach, ha'ga gorra yn leuv aga eskerens; i a wra mos ha bos preydh ha pyth ravnys gans aga eskerens oll,

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

2 Kroniklys 11:12

Ev a worras skoesow ha guwow yn oll an sitys, hag a's gwrug fest krev. Yndella ev a synsis Yuda ha Benyamin.

2 Kroniklys 12:5

Ena an profoes Shemaia a dheuth dhe Rehoboam ha dhe bennsevigyon Yuda, o kuntellys yn Yerusalem drefenn Shishak, hag a leveris dhodho, ‘Yndellma y lever an Arloedh: Hwi a'm forsakyas, ytho my re'gas forsakyas dhe leuv Shishak.’

2 Kroniklys 13:12

Yma Duw genen orth agan penn, ha'y oferysi a's teves aga hirgern rag seni an galow dhe'n vatel er agas pynn. A vebyon Ysrael, na vatelewgh orth an Arloedh, Duw agas tasow, rag ny yllowgh seweni.’

2 Kroniklys 13:4

Abia a sevis war venydh Semaraym usi yn bro venydhyek Efraym, hag a leveris, ‘Goslowewgh orthiv, Yeroboam hag oll Ysrael!

2 Kroniklys 15:15

Oll Yuda a lowenhas orth an ti; rag i re dosa gans oll aga holonn. I a'n hwilas gans oll aga bodh, hag ev o kevys gansa. Ha'n Arloedh a ros dhedha powes oll a-derdro.

2 Kroniklys 15:4

mes pan dreylsons yn aga ahwer dhe'n Arloedh, Duw Ysrael, ha'y hwilas, kevys veu gansa.

2 Kroniklys 20:15

Ev a leveris, ‘Goslowewgh oll Yuda ha trigoryon Yerusalem, ha myghtern Yehoshafat: Yndellma y lever an Arloedh dhywgh: “Na vedhewgh ownek na digolonnek orth an routh vras ma; rag nyns yw an vatel dhywgh mes dhe'n Arloedh.

2 Kroniklys 20:17

Nyns yw an vatel ragowgh hwi dhe omladh; kemmerewgh agas le, sevewgh fyrv ha gwelewgh trygh an Arloedh a'gas govis, A Yuda ha Yerusalem.” Na vedhewgh ownek na digolonnek; a-vorow kewgh dh'aga dyerbynna, ha'n Arloedh a vydh genowgh.’

2 Kroniklys 20:20

I a sevis ternos myttin ha mos yn-mes dhe wylvos Tekoa; hag i ow mos yn-mes, Yehoshafat a sevis ha leverel, ‘Goslowewgh orthiv, A Yuda ha trigoryon Yerusalem! Trestyewgh y'n Arloedh agas Duw ha hwi a vydh fastys; trestewgh yn y brofoesi ha hwi a sewen.’

2 Kroniklys 24:20

Ena spyrys Duw a dheuth war Zekaria mab Yehoyada an oferyas; ev a sevis a-ugh an bobel hag a leveris dhedha, ‘Yndellma a lever Duw: Prag yth esowgh diwostydh dhe worhemmynnow an Arloedh? Ny sewenowgh. Drefenn hwi dhe forsakya an Arloedh ev re'gas forsakyas hwi.’

2 Kroniklys 26:5

Yth esa ow hwilas mynnas Duw yn dydhyow Zekaria, neb a'n dyskas yn own Duw. Hedre ve ow hwilas mynnas an Arloedh, Duw a wrug dhodho seweni.

2 Kroniklys 32:8

Yma ganso bregh a gig; mes yma genen ni an Arloedh agan Duw rag agan gweres ha dhe vatalyas agan batelyow.’ An bobel o kolonnekhes gans geryow Hezekia myghtern Yuda.

2 Kroniklys 33:11

Yndella an Arloedh a dhros er aga fynn kaslewydhyon lu myghtern Assyria, hag i a synsis Manasse avel prisner, ha gorra higenn yn y droen ha'y gelmi gans sprallow a vrons ha'y dhri dhe Babylon.

2 Kroniklys 33:12

Pan o yn ahwer ev a bysis favour an Arloedh y Dhuw hag yth omuvelhas yn fen a-rag Duw y dasow.

2 Kroniklys 34:3

Rag yn ethves blydhen y reyn, hag ev hwath maw, ev a dhallathas hwilas Duw Davydh y das, hag y'n dewdhegves blydhen, ev a dhallathas kartha dhiworth Yuda ha Yerusalem an tylleryow ughel, an Asherim, ha'n imajys gravys ha teudhys.

Ezra 8:22

Rag meth a'm bia govynn orth an myghtern kowethas soudoryon ha marghogyon dh'agan gweres erbynn ladron fordh; rag ni a leveris dhe'n myghtern, ‘Yma leuv agan Duw war oll an re a'n hwila; mes yma y alloes ha'y sorr erbynn oll a'n eskas.’

Salmow 34:4

My a hwilas an Arloedh, hag ev a worthybis dhymm, ha'm delivra dhiworth pup-tra a borthav own anodho.

Salmow 53:2

Duw a viras war-woeles dhiworth nev war vebyon den, dhe weles mars esa denvyth fur, ow hwilas Duw.

Ysay 45:19

Ny gewsis vy yn-dann gel, yn tyller tewl a'n norvys. Ny leveris dhe agh Yakob, ‘Hwilewgh my yn euver.’ My, an Arloedh a gews an gwir; my a dheriv an pyth yw ewn.

Ysay 51:1

Goslowewgh orthiv, hwi hag a jas war-lergh ewnder, hwi hag a hwila an Arloedh. Mirewgh orth an garrek may fewgh treghys dhiworti, hag orth an mengleudh may fewgh pelys dhiworto.

Ysay 7:13

Ena yn-medh ev: ‘Goslowewgh, chi Davydh! A'n synsowgh tra vyghan hwi dhe skwitha tus, mes hwi a vynn ynwedh skwitha ow Duw?

Yeremia 2:17

A ny wrussys dri hemma warnas dha honan, rag ty dhe eskasa an Arloedh dha Dhuw, pan esa orth dha hembronk y'n fordh?

Amos 5:14

Hwilewgh dader, a-der droktra, may fewewgh; ena Arloedh an luyow a vydh genowgh, poran kepar dell leversowgh.

Zekaria 1:3

Rakhenna lavar dhedha, Yndellma y lever an Arloedh: Dehwelewgh dhymmo vy, yn-medh Arloedh an luyow, ha my a dhehwel dhywgh, yn-medh Arloedh an luyow.

Niverow 14:42

Na yskynnewgh, rag nyns usi an Arloedh yn agas mysk, ma na vowgh gweskys a-rag agas eskerens,

Niverow 14:43

Rag yma an Amalekysi ha'n Kananysi ena a-ragowgh, ha hwi a wra koedha der an kledha; drefenn hwi dhe dreylya a-dhiworth an Arloedh, ny vydh an Arloedh genowgh.’

Matthew 13:9

Neb a'n jeves diwskovarn, ev klewes.’

Dewteronomi 20:1

Pan ewgh mes dhe'n gas erbynn dha eskar ha gweles mergh ha charettow, pobel moy agesos, na borth own anedha, drefenn an Arloedh dha Dhuw dhe vos genes, neb a'th tros yn-bann yn-mes a bow Ejyp.

Dewteronomi 31:17

Ow sorr a dheu warnedha y'n jydh na, ha my a's forsak, ha kudha ow fas dhiworta, hag i a vydh devorys. Lies drog hag ahwer i a's kyv, may leverons y'n jydh na, “A nyns yw rag nag usi agan Duw yn agan mysk, y teuth an drogow warnan?”

Dewteronomi 4:29

Mes mar hwilydh alena an Arloedh dha Dhuw, ty a'n kyv, mar mynnowgh y gavoes gans oll dha golonn hag oll dha enev.

Ebrowyon 10:38

mes ow den gwiryon a wra bewa dre fydh, ha mar kildenn, ny gemmer ow enev plesour ynno.’

Ebrowyon 12:25

Gwaytyewgh na'n nagghewgh neb a gews. Rag mar ny wrussons an re na dhiank pan naghsons neb a's gwarnyas war an nor, hwath dhe le y hwren ni diank anodho neb a'gan gwarn a nev.

Jamys 4:8

Dewgh nes dhe Dhuw, hag ev a dheu nes dhywgh hwi. Glanhewgh agas diwla, a beghadoryon, ha purhewgh agas kolonn, a dus dewblek agas brys.

Yoshua 22:31

Finehas an oferyas mab Eleazar a leveris dhe'n Rewbenysi ha dhe'n Gadysi ha dhe vebyon Manasse, ‘Hedhyw ni a woer bos an Arloedh yn agan mysk drefenn na wrussowgh travyth dislel erbynn an Arloedh; lemmyn hwi re sawyas an Ysraelysi yn-mes a leuv an Arloedh.’

Yoshua 24:20

Mar forsakyowgh an Arloedh ha servya duwow estren, ev a dreyl ha gul drog dhywgh, ha'gas distrui, wosa ev dhe wul da dhywgh.’

Diskwedhyans 2:11

Neb a'n jeffo skovarn, klewes ev an pyth a lever an Spyrys dhe'n eglosyow. Seul a fettho ny vydh pystigys der an nessa mernans.

Diskwedhyans 2:17

Seul a'n jeffo skovarn, klewes ev an pyth a lever an Spyrys dhe'n eglosyow. Dhe neb a fettho y rov a'n manna kudhys dhe dhybri, ha ganso ev men gwynn a rov hag y'n men hanow nowydh skrifys, nag aswonn denvyth marnas ev a'n degemmer.

Diskwedhyans 2:29

Neb a'n jeves skovarn, klewes ev an pyth a lever an Spyrys dhe'n eglosyow.

Diskwedhyans 2:7

Neb a'n jeffo skovarn, klewes ev an pyth a lever an Spyrys dhe'n eglosyow. Dhodho ev a fettho, my a re dhe dhybri a'n wydhenn a vewnans usi yn mysk paradhis Duw.

Diskwedhyans 3:13

Neb a'n jeffo skovarn, klewes ev an pyth a lever an Spyrys dhe'n eglosyow.

Diskwedhyans 3:22

Neb a'n jeves skovarn, klewes ev an pyth a lever an Spyrys dhe'n eglosyow.’

Diskwedhyans 3:6

Neb a'n jeves skovarn, klewes ev an pyth a lever an Spyrys dhe'n eglosyow.

Breusysi 10:13

Byttegyns hwi re'm gasas ha re servyas duwow erell, ytho ny'gas delivrav na fella.

Breusysi 9:7

Pan veu henna derivys dhe Yotham, ev eth hag a sevis war warthav menydh Gerizim, hag a grias yn ughel hag a leveris dhedha, ‘Goslowewgh orthiv, hwi arlydhi Shekem, rag may hwoslowo Duw orthowgh.

1 Samuel 12:14

Mar mynnowgh perthi own a'n Arloedh, ha'y servya, ha goslowes orth y lev, ha mar ny rebellyowgh erbynn arghadow an Arloedh, ena hwi hag ynwedh an myghtern neb a reyn warnowgh a wra pesya holya an Arloedh agas Duw;

1 Samuel 12:15

mes mar ny woslewowgh orth lev an Arloedh, mes rebellya erbynn arghadow an Arloedh, ena leuv an Arloedh a dheu er agas pynn, kepar dell veu erbynn agas tasow.