2 Kroniklys 15:16 - An Bibel Kernewek 20234 (Kernewek Kemmyn)

¹⁶ Ynwedh ev a wordhellos Maaka mamm myghtern Asa dhiworth hy soedh avel mamm-vyghternes, drefenn hi dhe wruthyl imaj kasadow a Ashera. Asa a droghas dhe'n dor hy thra gasadow ha'y vrewi ha'y leski yn nans Kidron.

2 Kroniklys 15:16 ပူးပေါင်းရင်းမြစ်များ

1 Myghternedh 15:10

ev a reynyas unn vlydhen ha dew-ugens yn Yerusalem. Hanow y vamm o Maaka myrgh Abishalom.

1 Myghternedh 15:2

Ev a reynyas teyr blydhen yn Yerusalem. Hanow y vamm o Maaka myrgh Abishalom.

2 Myghternedh 23:12

An myghtern a dorras dhe'n dor an alteryow war an to ryb chambour gwarthav Ahaz gwrys gans myghternedh Yuda, ha'n alteryow gwrys gans Manasse yn dew glos chi an Arloedh; ev a's tennas dhe'n leur ha'ga brewi dhe dhoust ha tewlel aga doust yn nans Kidron.

2 Myghternedh 23:15

Ynwedh ev a dennas dhe'n dor an alter yn Bethel, an tyller ughel gwrys gans Yeroboam mab Nebat, a wrug dhe Ysrael pegha, an alter na hag ynwedh an tyller ughel. Ev a loskas an tyller ughel, orth y vrewi dhe dhoust; ynwedh ev a loskas an Ashera.

2 Myghternedh 23:4

An myghtern a worhemmynnis dhe Hilkia an arghoferyas, ha'n isarghoferyas, ha gwithysi an treudhow, may trollens mes a dempel an Arloedh oll an daffar a veu gwrys rag Baal, ha rag Ashera, ha rag oll lu an nev; ev a's loskas a-ves dhe Yerusalem yn gwelyow Kidron, ha doen aga lusu dhe Bethel.

2 Myghternedh 23:6

Ev a gemmeras an Ashera dhiworth chi an Arloedh a-ves dhe Yerusalem, dhe nans Kidron, ha'y leski yn nans Kidron, ha'y brewi dhe dhoust ha tewlel hy doust war ynkleudhva an werin.

2 Kroniklys 15:17

Nyns o an tylleryow ughel kemmerys yn-mes a Ysrael. Byttegyns kolonn Asa o perfydh oll y dhydhyow.

2 Kroniklys 29:16

An oferysi eth a-berth yn pervedh chi an Arloedh rag y lanhe. I a dhros yn-mes oll an avlander a gavsons yn sentri an Arloedh, dhe glos chi an Arloedh; ha'n Levysi a'n kemmeras ha'y dhoen yn-mes dhe nans Kidron.

2 Kroniklys 30:14

I a dhallathas oberi hag a dhug dhe-ves an alteryow esa yn Yerusalem, hag i a dhug dhe-ves oll an alteryow rag offrynna ynkys ha'ga thewlel y'n nans Kidron.

2 Kroniklys 34:7

ev a dorras dhe'n dor an alteryow, hag a vrewis an Asherim ha'n imajys gravys dhe bolter hag a dhistruis oll an alteryow ynkys der oll pow Ysrael. Ena ev a dhehwelis dhe Yerusalem.

Eksodus 32:20

Hag ev a gemmeras an leugh re wrussons, ha'y leski gans tan, ha'y velyas dhe bolter, ha'y skoellya war an dowr hag a wrug dhe vebyon Ysrael y eva.

Eksodus 34:13

Ty a derr dhe'n dor aga alteryow, ha terri dhe demmyn aga feulveyn, ha treghi aga Asherim,

Levitikus 26:30

Ha my a dhiswra agas tylleryow ughel, ha terri dhe'n dor agas alteryow ynkys, ha tewlel agas korfow war gorfow agas idolys, ha'm spyrys a wra agas aborrya.

Zekaria 13:3

Mar kwra nebonan profoesa hwath, ena y das ha'y vamm a'n dineythis a lever dhodho, ‘Ny vewydh; rag ty re wowleveris yn hanow an Arloedh.’ Y das ha'y vamm a'n dineythis a wra y wana pan wra ev profoesa.

Mark 3:21

Ha pan glewas y gerens henna, i eth yn-mes rag settya dalghenn ynno; rag i a leveri, ‘Varyes yw.’

Yowann 18:1

Wosa leverel an taklow ma, Yesu eth dhe-ves gans y dhyskyblon dres an keynres Kedron, le mayth esa lowarth, hag ev ha'y dhyskyblon a entras ynno.

2 Korinthianys 5:16

Ytho, alemma rag, ny aswonnyn ni denvyth yn maner dhenel; yn tevri, mar aswonnsyn ni Krist yn maner dhenel, lemmyn ny'n aswonnyn yndella na fella.

Dewteronomi 33:9

neb a leveris dh'y das ha dh'y vamm, Ny wrugavy y weles; ha ny wrug vri a'y vreder, na aswonn y vebyon y honan; rag i a withas dha lavar, ha'th kevambos i a synsis.

Dewteronomi 7:5

Mes yndella y hwrewgh dhedha: hwi a derr dhe'n dor aga alteryow, ha brewi aga feulveyn, ha treghi aga Asherim, ha leski aga imajys gravys gans tan.

Dewteronomi 9:21

Ena my a gemmeras agas peghes a wrussowgh, an leugh, ha'y leski y'n tan, orth y vrewi, orth y velyas yn teg bys may feu melys dhe dhoust; ha my a dewlis y dhoust y'n gover esa ow tiyskynna dhiworth an menydh.