2 Kroniklys 15:15 - An Bibel Kernewek 20234 (Kernewek Kemmyn)

¹⁵ Oll Yuda a lowenhas orth an ti; rag i re dosa gans oll aga holonn. I a'n hwilas gans oll aga bodh, hag ev o kevys gansa. Ha'n Arloedh a ros dhedha powes oll a-derdro.

2 Kroniklys 15:15 ပူးပေါင်းရင်းမြစ်များ

2 Myghternedh 23:3

An myghtern a sevis ryb an goloven ha gul kevambos a-dherag an Arloedh, dhe holya an Arloedh, dhe witha y worhemmynnow ha'y dhustuniow ha'y ordenansow gans oll aga holonn hag oll aga enev, dhe fastya geryow an kevambos ma a veu skrifys y'n lyver ma. Hag oll an bobel a sevis y'n kevambos.

1 Kroniklys 16:10

Bostyewgh yn y hanow sans; lowenhes kolonn an re a hwila an Arloedh.

2 Kroniklys 11:16

An re dhiworth pub loeth a Ysrael, re settsa aga holonn dhe hwilas an Arloedh, Duw Ysrael, a dheuth war aga lergh dhe Yerusalem, rag sakrifia dhe'n Arloedh, Duw aga thasow.

2 Kroniklys 14:6

Ev a dhrehevis sitys kerys yn Yuda ha'n tir a'n jevo powes. Ny veu bresel er y bynn y'n blydhynyow na, rag an Arloedh a ros dhodho kres.

2 Kroniklys 14:7

Ev a leveris dhe Yuda. ‘Drehevyn an sitys ma, ha'ga hyrghynna gans fosow ha touryow, yetys ha barrys. Yma an tir dhyn hwath, drefenn ni dhe hwilas an Arloedh agan Duw; ni re'n hwilas hag ev re ros dhyn kres a bub tu.’ Ytho i a dhrehevis ha seweni.

2 Kroniklys 15:12

I a entras yn kevambos dhe hwilas an Arloedh, Duw aga thasow, gans oll aga holon ha gans oll aga enev.

2 Kroniklys 15:14

I a dos ti dhe'n Arloedh gans lev ughel, ha gans garma, ha gans hirgern ha gans kern.

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

2 Kroniklys 15:4

mes pan dreylsons yn aga ahwer dhe'n Arloedh, Duw Ysrael, ha'y hwilas, kevys veu gansa.

2 Kroniklys 15:6

Terrys yn temmigow yth ens, gwlaskor erbynn gwlaskor ha sita erbynn sita, rag yth esa Duw orth aga throbla gans ankres a bub eghenn.

2 Kroniklys 19:3

Byttegyns neppyth a dhader yw kevys ynnos, rag ty re dhiswrug an Asheroth yn-mes a'n tir, ha re settyas dha golonn dhe hwilas Duw.’

2 Kroniklys 20:30

Gwlaskor Yehoshafat o kosel, rag y Dhuw a ros dhodho powes oll a-derdro.

2 Kroniklys 29:10

Yndella yma y'm kolonn gul kevambos gans an Arloedh Duw Ysrael, rag may treyllyo y sorr dhiworthyn.

2 Kroniklys 29:36

Hezekia hag oll an bobel a lowenhas drefenn an pyth a wrussa Duw a-barth an bobel; rag an dra re hwarvia yn uskis.

2 Kroniklys 34:31

An myghtern a sevis yn y dyller hag a wrug kevambos a-rag an Arloedh, dhe holya an Arloedh, ow kwitha y worhemmynnow, y vreusow, ha'y ordenansow, gans golonn leun ha gans oll y enev, dhe oberi geryow an kevambos o skrifys y'n lyver ma.

Nehemia 8:9

Ena Nehemia, an governour, hag Ezra an oferyas ha'n skriba, ha'n Levysi a dhyski an bobel, a leveris dhe oll an bobel, ‘Sans yw an jydh ma dhe'n Arloedh agas Duw; na gynewgh, na nag oelewgh.’ Rag oll an bobel a oelas, pan glewsons geryow an lagha.

Job 34:29

‘Mes pan yw ev tawesek, piw a'n dampen? Pan gudh ev y fas, piw a'n aspi? Mes yma ev a-ugh kenedhel hag a-ugh densys,

Salmow 119:10

A leun golonn my re'th hwilas; na as vy dhe vos yn stray dhiworth dha worhemmynnow.

Salmow 119:106

My re dos hag afydhya, my dhe synsi dha vreusow gwiryon.

Salmow 119:111

My re gemmeras dha dhustuniow yn ertach bys vykken, rag lowena ow holonn yns i.

Salmow 32:11

Lowenhewgh y'n Arloedh, ha bedhewgh heudhik, hwi an re wiryon, germewgh yn lowen, oll hwi yw ewnhynsek agas kolonn.

Eksodus 24:3

Moyses a dheuth ha leverel dhe'n bobel geryow oll an Arloedh hag oll an ordenansow; ha'n bobel oll a worthybis gans unn lev, ha leverel, ‘Oll an geryow re gewsis an Arloedh, ni a's gwra.’

Lavarow Koth 3:17

Hy fordhow yw fordhow a hwekter, hag oll hy hynsyow yw kres.

Ysay 26:8

Yn hyns dha vreusow, ni a'th worta A Arloedh; dha hanow ha dha govadh yw hwans an enev.

Ysay 45:19

Ny gewsis vy yn-dann gel, yn tyller tewl a'n norvys. Ny leveris dhe agh Yakob, ‘Hwilewgh my yn euver.’ My, an Arloedh a gews an gwir; my a dheriv an pyth yw ewn.

2 Korinthianys 1:12

Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

Dewteronomi 26:11

Ha ty a lowenha yn pup-tra da re ros dhis an Arloedh dha Dhuw, ha dhe'th chi, ty ha'n Levyas ha'n alyon usi yn agas mysk.

Filippianys 1:23

Yth esov vy yn kaletter ynter an dhew, ow pos hwansek dhe vos dhe-ves ha bos gans Krist, rag henn yw meur gwell;

Yoshua 23:1

Lies blydhen a-wosa, a-ban rosa an Arloedh powes dhe Ysrael a-dhiworth oll aga eskerens y'n kyrghynn, ha pan o Yoshua gyllys koth yn y dhydhyow,

Yoshua 24:25

Ytho Yoshua a wrug kevambos gans an bobel y'n jydh na, ha settya ordenans ha lagha ragdha yn Shekem.