2 Kroniklys 14:7 - An Bibel Kernewek 20234 (Kernewek Kemmyn)

⁷ Ev a leveris dhe Yuda. ‘Drehevyn an sitys ma, ha'ga hyrghynna gans fosow ha touryow, yetys ha barrys. Yma an tir dhyn hwath, drefenn ni dhe hwilas an Arloedh agan Duw; ni re'n hwilas hag ev re ros dhyn kres a bub tu.’ Ytho i a dhrehevis ha seweni.

2 Kroniklys 14:7 ပူးပေါင်းရင်းမြစ်များ

1 Myghternedh 15:23

Oll gweythresow erell Asa, oll y nerth, pup-tra a wrug, ha'n sitys a dhrehevis, a nyns yns i skrifys yn lyver kovadhow myghternedh Yuda? Mes yn y gothni ev a'n jevo kleves yn y dhewdroes.

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

2 Kroniklys 14:4

Ev a worhemmynnis dhe Yuda hwilas an ARLOEDH, Duw aga thasow, ha bos gostydh dhe'n lagha ha'n gorhemmynn.

2 Kroniklys 14:6

Ev a dhrehevis sitys kerys yn Yuda ha'n tir a'n jevo powes. Ny veu bresel er y bynn y'n blydhynyow na, rag an Arloedh a ros dhodho kres.

2 Kroniklys 15:15

Oll Yuda a lowenhas orth an ti; rag i re dosa gans oll aga holonn. I a'n hwilas gans oll aga bodh, hag ev o kevys gansa. Ha'n Arloedh a ros dhedha powes oll a-derdro.

2 Kroniklys 17:13

Ev a wrug oberow meur yn sitys Yuda. Ev a'n jevo soudoryon, kasoryon alloesek, yn Yerusalem.

2 Kroniklys 17:17

A Benyamin: Elyada, kasor galloesek, gans dew kans mil ervys gans gwarak ha skoes,

2 Kroniklys 20:30

Gwlaskor Yehoshafat o kosel, rag y Dhuw a ros dhodho powes oll a-derdro.

2 Kroniklys 25:5

Amasia a guntellas pobel Yuda, ha'ga gorra herwydh chi aga thasow yn-dann gaptenyon milyow ha kaptenyon kansow rag oll Yuda ha Benyamin. Ev a guntellas an re a ugens bloedh aga oes ha moy hag a gavas i dhe vos tri hans mil, kasoryon dhewisys gwiw rag bresel, gans an galloes dhe handla guw ha skoes.

2 Kroniklys 26:13

Yth esa yn-dann aga leuv lu a dri hans ha seyth a vilyow, pymp kans, hag a werrya gans nerth meur, rag gweres an myghtern erbynn an eskar.

2 Kroniklys 32:5

Hezekia a gemmeras kolonn, hag a dhastrehevis oll rannow an fos o koedhys yn-nans, hag a dhrehevis touryow warnedhi, ha tu a-ves dhedhi ev a dhrehevis fos arall; ha dres henna ev a grevhas Millo yn sita Davydh, hag ev a wrug arvow ha skoesow, pals anedha.

2 Kroniklys 8:5

Ev a dhrehevis ynwedh Beth-horon wartha ha Beth-horon is avel sitys kerys, gans fosow ha yetys gans barrys,

Yowann 9:4

Ni a res gul an oberow anodho ev neb a'm dannvonas hedre vo dydh; nos a dheu pan na yll denvyth oberi.

Oberow 9:31

Ytho, yth esa kres dhe'n eglos dres oll Yudi ha Galile ha Samaria, ha drehevys veu; ow kerdhes yn own an Arloedh hag yn konfort an Spyrys Sans, hi a balshas.

Yoshua 23:1

Lies blydhen a-wosa, a-ban rosa an Arloedh powes dhe Ysrael a-dhiworth oll aga eskerens y'n kyrghynn, ha pan o Yoshua gyllys koth yn y dhydhyow,

1 Peder 3:12

rag bos dewlagas an Arloedh war an re wiryon, hag igor yw y dhiwskovarn dh'aga fysadow, mes fas an Arloedh yw settys erbynn an re a wra drog.’