2 Kroniklys 14:4 - An Bibel Kernewek 20234 (Kernewek Kemmyn)

⁴ Ev a worhemmynnis dhe Yuda hwilas an ARLOEDH, Duw aga thasow, ha bos gostydh dhe'n lagha ha'n gorhemmynn.

2 Kroniklys 14:4 ပူးပေါင်းရင်းမြစ်များ

Jenesis 18:19

Rag my re'n dewisas, may hwrella worhemmynna dh'y fleghes ha'y vayni war y lergh, hag i a wra gwitha fordh an Arloedh, dhe wul ewnder ha gwirvreus, may trollo an Arloedh war Abraham an pyth re leveris dhodho.’

2 Kroniklys 11:16

An re dhiworth pub loeth a Ysrael, re settsa aga holonn dhe hwilas an Arloedh, Duw Ysrael, a dheuth war aga lergh dhe Yerusalem, rag sakrifia dhe'n Arloedh, Duw aga thasow.

2 Kroniklys 14:3

Ev a gemmeras dhe-ves an alteryow estren ha'n tylleryow ughel, ev a dorras an peulveyn hag a droghas dhe'n dor an Asherim.

2 Kroniklys 14:5

Ynwedh ev a gemmeras dhe-ves, dhiworth oll sitys Yuda an tylleryow ughel ha'n alteryow a ynkys. Ha'n wlaskor a's tevo powes yn-danno.

2 Kroniklys 29:21

I a dhros seyth tarow, seyth hordh, seyth oen, ha seyth bogh avel offrynn pegh rag an wlaskor, rag an sentri ha rag Yuda. Ev a worhemmynnis dhe'n oferysi, mebyon Aron, aga offrynna war alter an Arloedh.

2 Kroniklys 29:27

Hezekia a worhemmynnis mayth offrynner an offrynn leskys war an alter. Pan dhallathas an offrynn leskys, an gan dhe'n Arloedh a dhallathas ynwedh, ha'n hirgern gans daffar Davydh myghtern Ysrael.

2 Kroniklys 29:30

Myghtern Hezekia ha'n soedhogyon a worhemmynnis dhe'n Levysi may kannens gormola dhe'n Arloedh gans geryow Davydh ha'n gwelesydh Asaf. I a ganas gormola gans lowena, hag i a blegyas dhe'n dor hag a wormolas.

2 Kroniklys 30:12

Yth esa leuv Duw war Yuda ynwedh rag ri dhedha unn brys dhe wul an pyth a worhemmynnis an myghtern ha'n soedhogyon dre er an Arloedh.

2 Kroniklys 30:19

re settyas y golonn dhe hwilas an Arloedh, Duw aga thasow, kyn nag o herwydh rewlys an sentri a-dro dhe lander.’

2 Kroniklys 33:16

Ev a ewnhas alter an Arloedh hag a offrynnas warnedhi sakrifisow kres ha grasow; hag ev a worhemmynnis dhe Yuda servya an Arloedh, Duw Ysrael.

Nehemia 13:9

My a erghis hag i a lanhas an chambouryow, ha my a wrug dhe dhaffar chi Duw, gans an offrynn greun ha'n frankynkys, bos dres ena arta.

Salmow 119:10

A leun golonn my re'th hwilas; na as vy dhe vos yn stray dhiworth dha worhemmynnow.

Amos 5:4

Rag yndellma y lever an Arloedh dhe ji Ysrael: Hwilewgh vy ha bewa,

Yoshua 24:15

Ha mars yw drog yn agas golok servya an Arloedh, dewisewgh hedhyw pyneyl a servyowgh, po an duwow a wrug agas tasow aga servya dres an avon, po duwow an Amorysi, mayth esowgh trigys yn aga thir; mes my ha'n teylu, ni a serv an Arloedh.’

1 Samuel 3:13

Rag my re leveris dhodho, a verr spys my dhe vreusi y ji bys vykken, rag an kammweyth a wodhya, drefenn bos y vebyon ow molleth Duw, ha ny's lettyas.