Oll gweythresow erell Asa, oll y nerth, pup-tra a wrug, ha'n sitys a dhrehevis, a nyns yns i skrifys yn lyver kovadhow myghternedh Yuda? Mes yn y gothni ev a'n jevo kleves yn y dhewdroes.
Pan dheuth Yehoshafat ha'y bobel dhe gemmeres an preydh, i a gavas chatel pals, shour a dhaffar, dillas, ha taklow drudh, hag i a's pyllas ragdha aga honan bys pan na's tevo degi moy. Tri dydh yth esens ow pylla an preydh, drefenn y balster.
Y garrek a dremen dhe-ves rag euth, ha'y bennsevigyon a gilfi dhiworth an baner yn skruth’, yn-medh an Arloedh, mayth usi y dan yn Sion, ha'y fornes yn Yerusalem.
Dha lovanweyth a greg lows, ny yllons synsi fast sel aga gwern, na gwitha an goel lesys yn-mes. Ena preydh pals a vydh kevrennys; hwath evredhyon a yll pylla.
Hedhyw my a dhalleth settya agha ahanas hag own ahanas war an kenedhlow yn-dann an nevow oll, neb a glew derivas ahanas, hag i a gren ha bos yn gloesow a'th wovis.’
Pan glewas oll myghternedh an Amorysi a'n howlsedhes dhe'n Yordan, hag oll myghternedh an Kananysi ryb an mor, an Arloedh dhe dhesygha dowrow an Yordan a-rag mebyon Ysrael bys pan dreussens, aga holonn a deudhis, ha nyns esa ynna spyrys na fella, drefenn mebyon Ysrael.
Ena spyrys an Arloedh a fyskas warnodho, hag ev eth yn-nans dhe Ashkelon. Ev a ladhas deg gour warn ugens a'n dre, hag a gemmeras aga freydh, hag a ros an dillasennow dhe'n re re a dhisplegsa an govynn koynt. Yn sorr poeth ev a dhehwelis dhe ji y das.
Yth esa kren y'n lu, y'n gwel, hag yn mysk oll an bobel; an savla-goelyadoryon, bagas an ravnoryon a grenas ynwedh, ha'n dor a grysyas; hag y teuth ha bos skruth pur vras.