2 Kroniklys 14:11 - An Bibel Kernewek 20234 (Kernewek Kemmyn)

¹¹ Asa a grias dhe'n Arloedh y Dhuw, ‘A Arloedh, nyns eus dihevelepter ragos yntra gweres an re grev ha'n re wann. Gweres ni, A Arloedh agan Duw, rag ni a drest ynnos, hag yn dha hanow ni re dheuva erbynn an routh ma. A Duw, na dryghes den marwel er dha bynn.’

2 Kroniklys 14:11 ပူးပေါင်းရင်းမြစ်များ

1 Myghternedh 8:44

‘Mars a dha bobel dhe werrya erbynn aga eskerens, dre fordh bynag y's dannvonydh, hag i a bys dhe'n Arloedh war-tu ha'n sita re dhewissys ha'n chi re dhrehevis vy rag dha hanow,

1 Kroniklys 5:20

I a dhegemmeras gweres er aga fynn, rag i a grias dhe Dhuw y'n vatel, ha'n Hagrysi hag oll esa gansa a veu res yn aga leuv, hag ev a wrontyas aga fysadow drefenn i dhe drestya ynno.

2 Kroniklys 13:12

Yma Duw genen orth agan penn, ha'y oferysi a's teves aga hirgern rag seni an galow dhe'n vatel er agas pynn. A vebyon Ysrael, na vatelewgh orth an Arloedh, Duw agas tasow, rag ny yllowgh seweni.’

2 Kroniklys 13:14

Pan dreylyas Yuda yth esa an vatel a-ragdha hag a-dryv dhedha. I a grias dhe'n Arloedh ha'n oferysi a hwythas an hirgern.

2 Kroniklys 13:15

Ena tus Yuda a grias garm an vatel. Pan armas gwer Yuda, Duw a fethas Yeroboam hag oll Ysrael a-rag Abia ha Yuda.

2 Kroniklys 13:18

Yndella mebyon Ysrael o iselhes y'n termyn na, ha mebyon Yuda a dryghis, drefenn i dhe drestya y'n Arloedh, Duw aga thasow.

2 Kroniklys 14:10

Asa eth yn-mes rag metya ganso, hag i a arayas aga honan rag batel yn nans Sefatha ryb Maresha.

2 Kroniklys 16:7

Y'n termyn na an gwelesydh Hanani a dheuth dhe Asa myghtern Yuda, hag a leveris dhodho, ‘Drefenn ty dhe fydhya yn myghtern Aram, a-der fydhya y'n Arloedh dha Dhuw, lu myghtern Aram re dhienkas dhiworthis.

2 Kroniklys 18:31

Pan welas kaslewydhyon an jarettow Yehoshafat, i a leveris, ‘Myghtern Ysrael ywa.’ Yndella i a dreylyas dhe omladh orto; ha Yehoshafat a grias, ha'n Arloedh a'n gweresas. Duw a's tennas dhiworto,

2 Kroniklys 20:12

A agan Duw ni, a ny wredh breus warnedha? Rag ni yw dialloes erbynn an routh vras ma, re dheuth er agan pynn. Ny wodhon pyth dhe wul, mes yma agan dewlagas warnas.’

2 Kroniklys 20:32

Ev a gerdhas yn fordh y das Asa ha ny dreylyas dhiworti, ow kul an pyth o ewn yn golok an Arloedh.

2 Kroniklys 25:8

Rag hwath mars edh gans an re ma ha bos krev yn batel, Duw a'th tomhwel a-rag an eskar; rag Duw a'n jeves galloes po dhe weres po dhe dhomhwel.’

2 Kroniklys 26:7

Duw a'n gweresas erbynn an Filistysi, hag erbynn an Arabyon trigys yn Gur-baal, hag erbynn an Meunysi.

2 Kroniklys 32:20

Ena myghtern Hezekia ha'n profoes Ysay mab Amos, a bysis a-dro dhe hemma, hag i a grias dhe nev.

2 Kroniklys 32:8

Yma ganso bregh a gig; mes yma genen ni an Arloedh agan Duw rag agan gweres ha dhe vatalyas agan batelyow.’ An bobel o kolonnekhes gans geryow Hezekia myghtern Yuda.

Salmow 120:1

Y'm anken my a armas war an Arloedh, hag ev a worthybis dhymm.

Salmow 18:6

Y'm anken my a elwis war an Arloedh, ha dhe'm Duw y kriis vy rag gweres. Ev a glewas ow lev yn-mes a'n tempel, ha'm kri a-dheragdho a dheuth bys yn y dhiwskovarn.

Salmow 20:5

Kriyn yn lowen y'th selwyans, hag yn hanow an Arloedh agan Duw ni a dhrehav agan baneryow. Re gowlwrello an Arloedh oll dha wovynnadow.

Salmow 20:7

Re a drest yn charettow ha re yn mergh; mes ni a berth kov a hanow an Arloedh agan Duw.

Salmow 20:8

Plegys yns dhe'n dor, ha koedhys; mes ni a omdhrehav, ha sevel a'gan sav.

Salmow 22:5

I a grias warnas, ha delivrys vons; i a drestyas ynnos, ha ny vons toellys.

Salmow 22:6

Ha my, pryv ov vy, a-der gour; skorn mab-den, ha dispresys gans an bobel.

Salmow 34:6

An den truan ma a elwis, ha'n Arloedh a glewas, ha'y sawya a'y ankenyow oll.

Salmow 37:5

Kommytt dha fordh dhe'n Arloedh; trest ynno, hag ev a'n gwra.

Salmow 50:15

Ha galw warnav yn dydh anken; my a'th telirv, ha ty a wra ow gordhya.

Salmow 9:19

Sav, A Arloedh, na as den dhe dryghi; bedhes an kenedhlow breusys a-dheragos

Salmow 91:15

Ev a elow warnav ha my a worthyp dhodho; yth esov ganso yn anken, my a'n delirv ha'y enora.

Eksodus 14:10

Pan dheuth Faro nes, mebyon Ysrael a dhrehevis aga dewlagas, hag otta, yth esa an Ejyptianys ow tos war aga lergh; hag own bras a's teva. Mebyon Ysrael a grias war an Arloedh;

Lavarow Koth 18:10

Hanow an Arloedh yw tour krev, an den gwiryon a boen a-bervedh ynno hag yw saw.

Ysay 10:20

Y'n jydh na remenant Ysrael, ha'n re a skapyas dhiworth chi Yakob, ny besyons na fella kregi war an den a's gweskis, mes i a greg war an Arloedh, Sans Ysrael.

Ysay 2:22

Na wra mellya gans den may ma y anall yn y dhewfrik: rag pandr'a amont ev?

Ysay 26:13

A Arloedh agan Duw, arlydhi erell re'gan rewlyas a-der ty, mes dha hanow unnsel ni a venek.

Yeremia 1:19

1 Hag i a wra omladh er dha bynn; mes ny wrons fetha; rag my a vydh genes, yn-medh an Arloedh, dhe'th telivra.

Levitikus 26:8

Pymp ahanowgh a jas kans, ha kans ahanowgh a jas deg mil, ha'gas eskerens a goedh dheragowgh der an kledha.

Amos 5:9

neb a wra dhe derroes tardha erbynn an dus krev, ha terroes a dheu dhe'n kastell.

Zekaria 2:8

Rag yndellma y leveris Arloedh an luyow, wosa y wolewder dhe'm dannvon dhe'n kenedhlow a wrug agas pylla; rag piwpynag a wrello agas tochya a doch bew y lagas.

Matthew 16:18

Ha my a lever dhis, ty yw Peder ha war an garrek ma y trehavav ow eglos, ha porthow ifarn ny wra hy thryghi.

Yowann 14:1

‘Na vedhes troblys agas kolonn; hwi a grys yn Duw, krysewgh ynwedh ynnov vy.

Yowann 14:27

Kres a asav dhywgh, ow kres a rov dhywgh; ny rov dhywgh kepar dell re an bys. Na vedhes dha golonn troblys, ha na berthes own.

Oberow 2:21

hag ena myns a gri war hanow an Arloedh a vydh selwys.”

Oberow 3:16

Ha'y hanow, dre fydh yn y hanow, a wrug krev an gour ma neb a welowgh hag aswonn, ha'n fydh dredho ev a ros dhodho an yeghes ma a-dheragowgh hwi oll.

Oberow 9:4

hag ev a goedhas dhe'n dor, ha klewes lev ow leverel dhodho, ‘Sowl, Sowl, prag y'm helghydh vy?’

Romanyon 8:31

Pandr'a leveryn dhe'n taklow ma ytho? Mars usi Duw a-barth dhyn, piw eus er agan pynn?

Dewteronomi 32:27

na ve my dhe berthi own a sorr an eskar, ma na wrella y envi kammgonvedhes, ma na lavarrens, ‘Agan leuv yw ughel; ny veu an Arloedh neb a wrug oll hemma.’

Dewteronomi 32:30

Fatell allsa unn den chasya mil, po dew fesya deg mil, mar ny's gwerthas aga Harrek, ha'n Arloedh a's daskorras.

Dewteronomi 32:36

Rag an Arloedh a vreus y bobel, ha kemmeres pita a'y servysi, pan wel aga nerth dhe vos gyllys, ha nag eus nagonan gesys, keth na rydh.

Breusysi 7:7

Ena an Arloedh a leveris dhe Gideon, ‘Gans an tri hans hag a lapyas, my a'th telirv, hag y rov an Midyanysi y'th leuv. Dehweles oll an re erell dh'aga thre.’

1 Samuel 14:6

Yonathan a leveris dhe'n gour yowynk deger y arvow, ‘Deus, ha treusyn dhe savla-goelyadoryon an re antrodreghys; martesen y hwarvo an Arloedh dhe oberi ragon; rag nyns eus travyth a yll lettya an Arloedh rag ri trygh gans lies po gans nebes.’

1 Samuel 17:47

ha may hwodhvo oll an kuntelles na wra an Arloedh sawya dre gledha ha guw; rag yma an vatel dhe'n Arloedh hag ev a'th re yn agan leuv.’

1 Samuel 2:9

‘Ev a with treys y dus lel, mes an debeles a vydh tawesek yn tewlder; rag dre alloes ny wra denvyth gwarthevya.