2 Kroniklys 13:7 - An Bibel Kernewek 20234 (Kernewek Kemmyn)

⁷ ha bagas a goeg vilens a omguntellas a-dro dhodho hag a dhefias Rehoboam mab Solomon, pan o Rehoboam yowynk ha heb prevyans, ha ny veu krev lowr dhe sevel orta.

2 Kroniklys 13:7 ပူးပေါင်းရင်းမြစ်များ

2 Samuel 3:39

Hedhyw my yw difredh, kynth ov untys myghtern; an wer ma, mebyon Seruya, yw re gales ragov. Re attallo an Arloedh dhe'n den neb a wra drog herwydh y sherewynsi!’

1 Myghternedh 21:10

settyewgh dew vilen a-dal dhodho dhe dhustunia er y bynn, ow leverel, “Ty re vollethis Duw ha'n myghtern.” Ena degewgh e yn-mes, ha'y labydha bys y'n mernans.’

1 Myghternedh 21:13

An dhew vilen a dheuth a-ji hag esedha a-dal dhodho; ha'n vilens a dhustunias erbynn Naboth yn lok an bobel, ow leverel, ‘Naboth a vollethis Duw ha'n myghtern.’ Ytho i a'n dug yn-mes a'n sita ha'y labydha bys y'n mernans.

2 Kroniklys 10:16

Pan gonvedhas oll Ysrael na vynna an myghtern goslowes orta, an bobel a worthybis dhe'n myghtern, ‘Pana rann a'gan beus yn Davydh? Ny'gan beus eretons yn mab Yesse. Dh'agas tyldow, A Ysrael! Mir lemmyn dhe'th chi dha honan, Davydh.’ Yndella oll Ysrael eth dhe-ves dh'aga thyldow.

2 Kroniklys 12:13

Myghtern Rehoboam a fastyas y honan yn krev yn Yerusalem hag a besyas avel myghtern. Rehoboam o unn bloedh ha dew-ugens pan dhallathas reynya; ev a reynyas seytek blydhen yn Yerusalem, an sita re dhewissa an Arloedh yn-mes a oll loethow Ysrael rag gorra y hanow ena. Hanow y vamm o Naama an Ammonyades.

Job 30:8

Mebyon goeg ha vil, i re beu tewlys yn-mes a'n tir.

Salmow 26:4

Ny esedhis vy gans koegyon, ha ny gowethyav gans tus fekyl.

Lavarow Koth 12:11

Neb a wonedh y dir a'n jevydh meur a vara, mes neb a hol gweythresow euver ny'n jeves skians.

Lavarow Koth 28:19

Neb a wonedh y dir a'n jevydh meur a vara, mes neb a hol gweythresow euver a'n jevydh meur a voghosogneth.

Ekklesiastes 10:16

Go-jy, A dir, pan vo dha vyghtern flogh, ha'th pennternedh a dheber myttinweyth.

Ysay 3:4

My a re mebyon dhe vos aga fennsevigyon, ha fleghes a's govern.

Oberow 17:5

Mes an Yedhewon eth ha bos leun a avi hag ow tri gansa drogwesyon a'n losels yn plen an varghas, i a guntellas routh ha gul deray y'n sita, hag ow fyski dhe ji Yason i a's hwilas rag aga dri a-rag kuntelles an bobel;

1 Korinthianys 14:20

Breder, na vedhewgh fleghes yn agas tybyans, mes bedhewgh babanes yn droktra, hag yn tybyans bedhewgh adhves.

Dewteronomi 13:13

bos gwer bilyek sevys yntredhowgh, hag i re dhynyas trigoryon aga thre, ow leverel, ‘Deun ha servyn duwow erell’, na's aswonnsys,

Titus 1:10

Rag yma lies den heb rewl a gews yn euver hag yn hwowek, dres oll tus an trodreghyans.

Ebrowyon 5:12

Rag kyn talvia dhywgh bos dyskadoryon erbynn an termyn ma, edhomm a'gas beus nebonan dhe dhyski dhywgh an kynsa elvennow a lavarow Duw. Edhomm a'gas beus a leth, yn le boes kales;

Breusysi 11:3

Ena Yefthagh a fias a'y vreder hag a drigas yn pow Tob. Outlayers a omguntellas a-dro dhe Yefthagh ha'y holya.

Breusysi 9:4

I a ros dhodho deg shekel ha tri-ugens a arghans yn-mes a dempel Baal-berith gansa mayth arvethas Abimelek drokpolatys ha javelyon, neb a'n holyas.

1 Samuel 22:2

Ha pub gour esa yn ahwer, ha pub gour esa yn kendon ha pub gour a'n jevo hwerowder yn y enev, a omguntellas dhodho; hag ev a dheuth ha bos kapten warnedha. Hag yth esa ganso a-dro dhe beswar kans gour.