2 Kroniklys 13:18 - An Bibel Kernewek 20234 (Kernewek Kemmyn)

¹⁸ Yndella mebyon Ysrael o iselhes y'n termyn na, ha mebyon Yuda a dryghis, drefenn i dhe drestya y'n Arloedh, Duw aga thasow.

2 Kroniklys 13:18 ပူးပေါင်းရင်းမြစ်များ

2 Myghternedh 18:5

Ev a drestyas yn Arloedh, Duw Ysrael, ma nag esa denvyth kepar hag ev yn mysk myghternedh Yuda a'y wosa, nag yn mysk an re kyns.

1 Kroniklys 5:20

I a dhegemmeras gweres er aga fynn, rag i a grias dhe Dhuw y'n vatel, ha'n Hagrysi hag oll esa gansa a veu res yn aga leuv, hag ev a wrontyas aga fysadow drefenn i dhe drestya ynno.

2 Kroniklys 13:17

Abia ha'y lu a's fethas gans ladhva veur; pymp kans mil wour dhewisys a Ysrael a goedhas ledhys.

2 Kroniklys 13:19

Abia a helghyas Yeroboam, hag a gemmeras sitys dhiworto; Bethel ha'y threvow, Yeshana ha'y threvow, hag Efron ha'y threvow.

2 Kroniklys 14:10

Asa eth yn-mes rag metya ganso, hag i a arayas aga honan rag batel yn nans Sefatha ryb Maresha.

2 Kroniklys 14:11

Asa a grias dhe'n Arloedh y Dhuw, ‘A Arloedh, nyns eus dihevelepter ragos yntra gweres an re grev ha'n re wann. Gweres ni, A Arloedh agan Duw, rag ni a drest ynnos, hag yn dha hanow ni re dheuva erbynn an routh ma. A Duw, na dryghes den marwel er dha bynn.’

2 Kroniklys 20:20

I a sevis ternos myttin ha mos yn-mes dhe wylvos Tekoa; hag i ow mos yn-mes, Yehoshafat a sevis ha leverel, ‘Goslowewgh orthiv, A Yuda ha trigoryon Yerusalem! Trestyewgh y'n Arloedh agas Duw ha hwi a vydh fastys; trestewgh yn y brofoesi ha hwi a sewen.’

Salmow 146:5

Gwynn y vys neb a'n jeves Duw Yakob yn gweres dhodho, hag yma y drest y'n Arloedh y Dhuw,

Salmow 25:2

Ow Duw, my a drest ynnos jy, na as vy dhe berthi meth; na vedhes ow eskerens heudhik a'm govis.

Daniel 3:28

[95] Ena Nebukadnessar a gewsis ow leverel, ‘Benniges re bo Duw Shadrak, Meshak hag Abednego, neb re dhannvonas y el, ha delivra y wesyon neb a drestya ynno, ha treylya ger an myghtern, ha ri aga horf rag na wrellons gologhas dhe dhuw vyth marnas dh'aga Duw i.

Nahum 1:7

Da yw an Arloedh, dinas yn dydh anken; hag ev a aswonn an re a drest ynno ev.

Efesianys 1:12

may fewen ni rag gormel y splannder, ni neb o an kynsa a'n jevo govenek yn Krist;