2 Kroniklys 13:16 - An Bibel Kernewek 20234 (Kernewek Kemmyn)

¹⁶ Mebyon Ysrael a fias dhe'n fo a-rag Yuda, ha Duw a's ros yn aga diwleuv.

2 Kroniklys 13:16 ပူးပေါင်းရင်းမြစ်များ

Jenesis 14:20

Ha benniges re bo Duw Ughella neb a dhaskorras dha eskerens a-berth yn dha dhorn.’ Hag ev a ros dhodho dega a bup-tra.

2 Kroniklys 13:17

Abia ha'y lu a's fethas gans ladhva veur; pymp kans mil wour dhewisys a Ysrael a goedhas ledhys.

2 Kroniklys 16:8

A nyns o an Ethiopysi ha'n Libysi lu bras, gans pur lies charett ha marghoglu? Byttegyns drefenn ty dhe fydhya y'n Arloedh, ev re's ros y'th leuv.

Dewteronomi 2:36

Dhiworth Aroer usi ryb amal nans Arnon, ha'n dre usi y'n nans, bys yn Gilead, nyns esa tre re grev ragon. An Arloedh agan Duw a ros pup-tra a-ragon.

Dewteronomi 3:3

Ytho an Arloedh agan Duw a ros yn agan leuv ynwedh Og myghtern Bashan hag oll y bobel. Ni a's gweskis, ma na veu denvyth gesys dhodho dhe skapya.

Yoshua 10:12

Ena Yoshua a gewsis dhe'n Arloedh y'n jydh pan dhelivras an Arloedh an Amorysi dhe'n Ysraelysi, hag ev a leveris yn golok Ysrael, ‘Howl, sav stag yn Gibeon, ha ty Loer, yn nans Ayyalon.’

Yoshua 21:44

Ha'n Arloedh a ros dhedha powes oll a-derdro, war-lergh oll a dosa dh'aga thasow; ha nyns esa gour dhiworth oll aga eskerens a allas sevel er aga fynn; rag an Arloedh a ros oll aga eskerens yn aga leuv.

Breusysi 1:4

Ena yth eth Yuda war-vann ha'n Arloedh a ros an Kananysi ha'n Perizzysi yn aga leuv, ha'ga gweskel yn Bezek, deg mil wour.

Breusysi 11:21

Ena an Arloedh, Duw Ysrael, a ros Sihon hag oll y dus yn leuv Ysrael, hag i a's fethas; ytho Ysrael a eritas oll pow an Amorysi, esa trigys y'n tir na.

1 Samuel 23:7

Y feu derivys dhe Sowl Davydh dhe dhos dhe Keila. Yn-medh Sowl, ‘Duw re'n delivras a-berth y'm leuv; rag ev re dhegeas y honan a-bervedh, owth entra yn sita a's teves porthow ha barrys.’