2 Kroniklys 13:11 - An Bibel Kernewek 20234 (Kernewek Kemmyn)

¹¹ I a lesk dhe'n Arloedh pub myttin ha pub gorthugher offrynnow leskys hag ynkys hweg, hag araya bara an wolok war an voes lan, hag i a enow an lugern war an kantolbrenn a owr pub gorthugher. Yndella ni a with charj an Arloedh agan Duw, mes hwi re'n gasas.

2 Kroniklys 13:11 ပူးပေါင်းရင်းမြစ်များ

Jenesis 26:5

rag Abraham re goelas orth ow lev ha gwitha ow charj, ow gorhemmynnow, ow ordenansow ha'm laghys.’

2 Kroniklys 13:10

Mes ni, an Arloedh yw agan Duw, ha ny'n gessyn. Ni a'gan beus oferysi a venyster dhe'n Arloedh, mebyon Aron, ha Levysi rag aga servya.

2 Kroniklys 2:3

Solomon a dhannvonas ger dhe Hiram myghtern Tyr: ‘Ty a dhannvonas prenn keder dhe Davydh ow thas dhe dhrehevel chi ragdho dhe driga ynno.

2 Kroniklys 2:4

Yth esov ow trehevel chi rag hanow an Arloedh ow Duw, ha'y sakra dhodho rag leski ynkys sawrek a-ragdho, ha rag offrynna bara an wolok heb hedhi, ha rag offrynnow leskys, myttin ha gorthugher, y'n sabotys ha'n loeryow nowydh ha rag goelyow apoyntys an Arloedh agan Duw; hemm yw dever bys vykken rag Ysrael.

2 Kroniklys 4:20

an kantolbrennyer ha'ga lugern a owr pur dhe leski a-rag an sentri, herwydh an rewlow;

Eksodus 29:38

Lemmyn hemm yw an pyth a offrynnydh war an alter: dew oen unn bloedh, dydh ha dydh heb hedhi.

Ezekiel 44:15

Mes an oferysi leviek, mebyon Sadok, an re a withas charj a'm sentri pan eth mebyon Ysrael yn sowdhan dhiworthiv, i a dheu nes dhymm dhe'm servya, hag i a sev a-ragov dhe offrynna dhymm blonek ha goes, yn-medh an Arloedh Duw.

Ezekiel 44:8

Ny withsowgh charj a'm taklow sans, mes hwi re settyas erell dhe witha charj a'm sentri.

Ezekiel 48:11

Y fydh rag an oferysi sakrys, mebyon Sadok, a withas ow charj, ha nag ethons yn sowdhan, dell wrug an Levysi.

Niverow 1:53

mes an Levysi a wra kampya a-dro dhe dylda an dustuni, ma na vo sorr war guntelles mebyon Ysrael; ha'n Levysi a with charj tabernakel an dustuni.’

Niverow 16:46

Ha Moyses a leveris dhe Aron, ‘Kemmer an ynkyslester, ha gorra tan ynno a-dhiworth an alter, ha'y dhoen yn uskis dhe'n kuntelles, ha gul prenedh ragdha; rag sorr res eth yn-mes dhiworth an Arloedh; an pla re dhallathas.’

Niverow 16:6

Gwrewgh hemma; kemmerewgh an ynkyslestri, Koragh ha'y gowetha oll;

Niverow 9:19

Hwath pan wre an gommolenn tarya a-ugh an tabernakel lies dydh, mebyon Ysrael a witha charj an Arloedh, ha nyns ens yn-kerdh.

Luk 1:9

war-lergh us an oferyaseth, ev dhe vos dewisys dre dewlel prenn dhe leski ynkys, ow mos yn sentri an Arloedh,