2 Kroniklys 13:10 - An Bibel Kernewek 20234 (Kernewek Kemmyn)

¹⁰ Mes ni, an Arloedh yw agan Duw, ha ny'n gessyn. Ni a'gan beus oferysi a venyster dhe'n Arloedh, mebyon Aron, ha Levysi rag aga servya.

2 Kroniklys 13:10 ပူးပေါင်းရင်းမြစ်များ

2 Kroniklys 13:11

I a lesk dhe'n Arloedh pub myttin ha pub gorthugher offrynnow leskys hag ynkys hweg, hag araya bara an wolok war an voes lan, hag i a enow an lugern war an kantolbrenn a owr pub gorthugher. Yndella ni a with charj an Arloedh agan Duw, mes hwi re'n gasas.

2 Kroniklys 13:9

A ny bellhasowgh oferysi an Arloedh, mebyon Aron, ha'n Levysi, ha gul oferysi ragowgh agas honan avel poblow a diryow erell? Piw pynag a dheffo dhe omsakra gans tarow yowynk po seyth hordh a yll dos ha bos oferyas a neppyth nag yw duw.

Nehemia 13:30

Yndella my a's lanhas dhiworth pup-tra estren, ha my a settyas deverow rag an oferysi ha'n Levysi, pubonan anedha dh'y oberenn y honan,

Zekaria 13:9

My a dhre an tressa rann dre'n tan, ha'ga furhe dell yw purhes an arghans, a'ga frevi dell yw prevys an owr. Ev a wra gelwel war ow hanow, ha my a worthyp dhodho; my a lever, ‘Ev yw ow fobel’, hag ev a lever, ‘An Arloedh yw ow Duw.’

Niverow 1:53

mes an Levysi a wra kampya a-dro dhe dylda an dustuni, ma na vo sorr war guntelles mebyon Ysrael; ha'n Levysi a with charj tabernakel an dustuni.’

Niverow 16:40

dhe vos kovheans dhe vebyon Ysrael, ma na wrello gour estren, ha nag yw a dhiyskynnysi Aron, dos nes dhe leski ynkys a-rag an Arloedh, ma na dheffo ha bos avel Koragh hag avel y gowethas – dell leveris an Arloedh dhe Eleazar dre leuv Moyses.

Yoshua 24:17

rag an Arloedh agan Duw yth yw neb a'gan dros yn-bann yn-mes a bow Ejyp, yn-mes a ji an gethneth, ha neb a wrug an toknys bras a-rag agan dewlagas, ha neb a'gan gwithas yn oll an fordh a gerdhsyn ynni, hag yn oll an poblow may tremensyn yn aga mysk;