2 Kroniklys 12:5 - An Bibel Kernewek 20234 (Kernewek Kemmyn)

⁵ Ena an profoes Shemaia a dheuth dhe Rehoboam ha dhe bennsevigyon Yuda, o kuntellys yn Yerusalem drefenn Shishak, hag a leveris dhodho, ‘Yndellma y lever an Arloedh: Hwi a'm forsakyas, ytho my re'gas forsakyas dhe leuv Shishak.’

2 Kroniklys 12:5 ပူးပေါင်းရင်းမြစ်များ

2 Samuel 24:14

Ha Davydh a leveris dhe Gad, ‘Yth esov yn ahwer meur; koedhyn yn leuv an Arloedh, rag y druedh yw bras; mes na'm gas dhe goedha yn leuv mab-den.’

1 Myghternedh 12:22

Mes ger Duw a dheuth dhe Shemaia, gour Duw:

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

2 Kroniklys 11:2

Mes ger an Arloedh a dheuth dhe Shemaia gour Duw:

2 Kroniklys 12:15

Gweythresow Rehoboam, a'n kynsa dhe'n diwettha, a nyns i skrifys yn kovadhow Shemaia hag Iddo an gwelesydh, kovrestrys herwydh linyeth? Yth esa gwerrya heb hedhi yntra Rehoboam ha Yeroboam,

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

2 Kroniklys 24:20

Ena spyrys Duw a dheuth war Zekaria mab Yehoyada an oferyas; ev a sevis a-ugh an bobel hag a leveris dhedha, ‘Yndellma a lever Duw: Prag yth esowgh diwostydh dhe worhemmynnow an Arloedh? Ny sewenowgh. Drefenn hwi dhe forsakya an Arloedh ev re'gas forsakyas hwi.’

Salmow 37:33

Ny wra an Arloedh y asa yn y leuv, ha ny re ev drogvreus er y bynn pan yw breusys.

Yeremia 2:19

Dha dhrogedh dha honan a'th keredh, ha'th weythresow dislel a'th chasti: godhvydh ytho ha gweles y vos drog ha hwerow, ty dhe eskasa an Arloedh dha Dhuw, ha ma nag eus ow own ynnos, yn-medh an Arloedh, Duw an luyow.

Yeremia 23:33

Ha pan wovynn orthis an bobel ma, po an profoes, po oferyas, ‘Pyth yw begh an Arloedh?’ ty a lever dhedha, ‘Hwi yw an begh, ha my a wra agas forsakya, yn-medh an Arloedh.’

Yeremia 4:18

Dha fordh ha'th wriansow re dhros an traow ma warnas: hemm yw dha dhrogedh, ass yw hwerow! re dhrehedhas bys y'th kolonn.’

Yeremia 5:19

Hag y hwyrvydh, pan leverowgh, ‘Prag y hwra an Arloedh an traow ma dhyn?’ ena ty a worthyp dhedha, ‘Par dell wrussowgh ow eskasa, ha servya duwow estren yn agas tir, yndellma hwi a serv estrenyon yn tir nag eus dhywgh.’