2 Kroniklys 12:2 - An Bibel Kernewek 20234 (Kernewek Kemmyn)

² Y'n pympes blydhen a vyghtern Rehoboam, drefenn i dhe vos dislel dhe'n Arloedh, Shishak myghtern Ejyp a dheuth yn-bann erbynn Yerusalem

2 Kroniklys 12:2 ပူးပေါင်းရင်းမြစ်များ

1 Myghternedh 11:40

Ytho Solomon a hwilas ladha Yeroboam; mes Yeroboam a fias dison dhe Ejyp, dhe Shishak myghtern Ejyp, hag yth esa yn Ejyp bys yn mernans Solomon.

2 Myghternedh 7:6

Rag an Arloedh re wrussa dhe lu Aram klewes son charettow, son mergh, ha son lu bras, may lavarsons an eyl dh'y gila, ‘Otta, myghtern Ysrael re wobrenas er agan pynn myghternedh an Hittysi, ha myghternedh Ejyp dhe vatalyas orthyn.’

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

2 Kroniklys 14:8

Asa a'n jevo lu a dri hans mil a Yuda, ervys gans skoesow ha guwow, ha dew kans, peswar-ugens a vilyow a gasoryon a Benyamin, ervys gans skoesow ha guwow. Oll a'n re ma o kasoryon grev.

2 Kroniklys 14:9

Zeragh an Ethiopyas a dheuth er aga fynn gans lu a vilvil gasor ha tri hans charett, hag ev a dheuth bys Maresha.

2 Kroniklys 24:18

I a forsakyas chi an Arloedh, Duw aga thasow, hag a servya an Asherim ha'n peulveyn. Konnar a dheuth war Yuda ha war Yerusalem drefenn aga hammweyth.

Ysay 18:2

neb a dhannvon kannasow war an mor, yn lestri papyrus war enep an dowr. Kewgh, hwi gannasow skav, dhe genedhel hir ha smodh aga kroghen, dhe bobel ownys ogas ha pell, kenedhel grev ha breselek, neb yw hy thir rynnys gans avonyow.

Ysay 63:10

Mes i a rebellyas ha grevya y Spyrys sans; rakhenna ev a dreylyas dhe vos eskar dhedha, hag ev y honan a vatalyas orta.

Yeremia 2:19

Dha dhrogedh dha honan a'th keredh, ha'th weythresow dislel a'th chasti: godhvydh ytho ha gweles y vos drog ha hwerow, ty dhe eskasa an Arloedh dha Dhuw, ha ma nag eus ow own ynnos, yn-medh an Arloedh, Duw an luyow.

Kynvannow 5:15

Difygys yw joy agan kolonn; treylys dhe gynvann yw agan karoli.