2 Kroniklys 10:16 - An Bibel Kernewek 20234 (Kernewek Kemmyn)

¹⁶ Pan gonvedhas oll Ysrael na vynna an myghtern goslowes orta, an bobel a worthybis dhe'n myghtern, ‘Pana rann a'gan beus yn Davydh? Ny'gan beus eretons yn mab Yesse. Dh'agas tyldow, A Ysrael! Mir lemmyn dhe'th chi dha honan, Davydh.’ Yndella oll Ysrael eth dhe-ves dh'aga thyldow.

2 Kroniklys 10:16 ပူးပေါင်းရင်းမြစ်များ

2 Samuel 15:13

Kannas a dheuth dhe Davydh, ha leverel, ‘Yma kolonn gwer Ysrael war-lergh Absalom.’

2 Samuel 16:11

Ena Davydh a leveris dhe Abishay, ha dhe oll y wesyon, ‘Awotta, ow mab, neb a dheuth yn-mes a'm kolodhyon vy, a hwila ow bewnans; pygemmys moy lemmyn y hyll an Benyaminyas ma y wul! Gesewgh ev dhodho y honan, ha gesewgh ev dhe vollethi; rag an Arloedh re worhemmynnis dhodho.

2 Samuel 20:1

Y hwarva bos gour Belial ena, ha'y hanow Sheba mab Bikri, Benyaminyas. Ev a hwythas an hirgorn ha garma, ‘Nyns eus dhyn rann vyth yn Davydh, na eretons yn mab Yesse. Pub gour dh'y dylda, A Ysrael!’

1 Myghternedh 11:13

Saw ny dorrav an wlaskor oll; my a re unn loeth dhe'th vab a-barth ow gwas Davydh hag a-barth Yerusalem, re dhewisis.’

1 Kroniklys 17:14

mes my a'n sett y'm chi hag y'm gwlaskor bys vykken ha'y dron a vydh fastys bynitha.

2 Kroniklys 10:17

Mes Rehoboam a reynyas war an Ysraelysi esa trigys yn sitys Yuda.

2 Kroniklys 10:19

Yndella Ysrael re beu yn rebellyans erbynn chi Davydh bys y'n jydh hedhyw.

Salmow 132:17

Ena y hwrav dhe gorn Davydh egina; my re dhyghtyas lugarn dhe'm Untys.

Salmow 76:10

Sorr mab-den a dreyl dhe'th wormola; remenant an sorr ty a wisk a-dro dhis avel grogys.

Ysay 11:1

Egin a dheu yn-mes dhiworth kyf Yesse, ha skorrenn a dyv dhiworth y wreydh.

Amos 9:11

Y'n jydh na my a dhrehav skovva Davydh yw koedhys ha keas hy aswaow, ha daswul hy magoryow, ha'y drehevel kepar hag y'n dydhyow koth;

Luk 19:14

Mes y sojets a wre y gasa hag i a dhannvonas kannasow war y lergh ow leverel, “Ny vynnyn an den ma dhe vos myghtern warnan.”

Luk 19:27

Mes ow eskerens na, neb na vynnsons my dhe vos myghtern warnedha: gwrewgh aga dri omma ha'ga ladha a-dheragov.” ’

Yowann 6:66

Alena rag lies a'y dhyskyblon eth war-dhelergh, ha ny gerdhens ganso namoy.

Yowann 7:53

Ha pubonan eth dh'y ji y honan.

Oberow 2:30

Rakhenna, ow pos profoes hag ow kodhvos y tos Duw dhodho y hwre ev settya frut y dhiwglun war y se,

1 Korinthianys 15:25

Rag res yw dhodho reynya bys pan worro oll y eskerens yn-dann y dreys.

Diskwedhyans 22:16

‘My, Yesu, re dhannvonas ow el dhe dhustunia dhywgh an taklow ma rag an eglosyow. My yw gwreydhenn hag agh Davydh, an Vorlowenn splann.’

Breusysi 8:35

na ny dhiskwedhsons lelder dhe ji Yerubbaal (henn yw Gideon) rag oll an dader re wrug ev dhe Ysrael.

1 Samuel 20:27

Mes y'n nessa dydh, an jydh wosa an loer nowydh, tyller Davydh o gwag. Yn-medh Sowl dh'y vab Yonathan, ‘Prag na dheuth mab Yesse dhe dhybri, naneyl de, na hedhyw?’

1 Samuel 22:13

Yn-medh Sowl dhodho, ‘Prag y hwruss'ta brasa er ow fynn, ty ha mab Yesse, pan resys dhodho bara, ha kledha, ha ty a wovynnas orth Duw ragdho, may saffo er ow fynn, dhe'm kontrewaytya, kepar dell wra y'n jydh hedhyw?’

1 Samuel 22:7

Sowl a leveris dh'y wesyon esa ow sevel a-dro dhodho, ‘Goslowewgh lemmyn, hwi Benyaminysi; a vynn mab Yesse ri dhywgh hwi oll parkow ha gwinlannow, a vynn ev agas gul hwi oll kaptenyon a vilyow ha kaptenyon a gansow?

1 Samuel 22:9

Ena Doeg an Edomyas, neb o settys dres wesyon Sowl, a worthybis, ‘My a welas mab Yesse ow tos dhe Nob, dhe Ahimelek mab Ahitub;