2 Kroniklys 1:12 - An Bibel Kernewek 20234 (Kernewek Kemmyn)

¹² furneth ha godhvos yw res dhis. Dres henna y rov dhis rychys, pythow, ha glori, na bewo aga farow onan vytholl a'n vyghternedh esa a-ragos, ha ny bewvydh onan vytholl hag a dheu war dha lergh.’

2 Kroniklys 1:12 ပူးပေါင်းရင်းမြစ်များ

1 Myghternedh 10:24

Oll an bys a hwila lok Solomon rag klewes y furneth, re worrsa Duw yn y vrys.

1 Kroniklys 29:12

Rychys ha glori a dheu dhiworthis, ha ty a rewl pup-tra, hag y'th leuv yma krevder ha nerth. Y'th leuv yma an galloes dhe veurhe ha dhe grevhe pup-tra.

1 Kroniklys 29:25

An Arloedh a ughelhas Solomon yn feur yn golok oll Ysrael ha ri dhodho meuredh ryel brassa es dell re bia war bub myghtern kyns yn Ysrael.

2 Kroniklys 9:22

Yndella myghtern Solomon a dremenas dres oll myghternedh an norvys yn rychys hag yn furneth.

Nehemia 13:26

A ny wrug Solomon myghtern Ysrael pegha drefenn benynes a'n par na? Yn mysk lies kenedhel nyns esa myghtern kepar hag ev, hag ev o gerys gans y Dhuw, ha Duw a'n gwrug myghtern dres oll Ysrael; mes ev ynwedh a veu gwrys dhe begha gans benynes estren.

Ekklesiastes 2:9

Yndella my a dheuth ha bos bras, brassa es dell o oll an re esa yn Yerusalem kyns ow thermyn vy; hag ow furneth a sevi rybov.

Ekklesiastes 5:19

Pubonan re wrug Duw ri dhodho rychys ha pythow, ha re ros dhodho galloes dhe dhybri dhiworta, dhe dhegemmeres y rann ha dhe lowenhe yn y lavur – hemm yw ro Duw.

Matthew 6:33

Mes kyns oll hwilewgh gwlaskor Duw ha'y ewnder, hag oll an taklow ma a vydh res dhywgh maga ta.

Efesianys 3:20

Lemmyn, dhe neb a yll gul dres pup-tra yn pals dres eghenn moy es dell bysyn na brederyn, war-lergh an galloes a ober ynnon ni,

Jamys 1:5

Mes mar fyll furneth dhe nebonan ahanowgh, govynnes ev orth Duw a re dhe bub den yn hel, heb keredhi, hag y fydh res dhodho.