2 Kroniklys 1:1 - An Bibel Kernewek 20234 (Kernewek Kemmyn)

¹ Solomon mab Davydh a grevhas y dhalghenn yn y wlaskor; y feu an Arloedh y Dhuw ganso hag ev a'n gwrug meur dres eghenn.

2 Kroniklys 1:1 ပူးပေါင်းရင်းမြစ်များ

Jenesis 21:22

Hag y'n termyn na, Abimelek, ha Fikol pennhembrenkyas y lu, a leveris dhe Abraham, ‘Yma Duw genes yn pup-tra a wre'ta.

Jenesis 39:2

Yth esa an Arloedh gans Yosep hag ev o gour sewen; hag yth esa ev yn chi y arloedh ejyptek.

Jenesis 39:21

Mes yth esa an Arloedh gans Yosep. Ev a dhiskwedhas tregeredh dhodho ha gorra dhodho favour yn golok gwithyas an prison.

Jenesis 39:3

Ha'y arloedh a welas bos an Arloedh ganso, ha'n Arloedh dhe wul pup-tra esa ow kul dhe seweni yn y dhorn.

1 Myghternedh 2:12

Ena Solomon a esedhas war dron Davydh y das; ha'y vyghterneth o fastys yn fyrv.

1 Myghternedh 2:46

Ena an myghtern a worhemmynnis dhe Benaya mab Yehoyada; hag ev eth yn-mes, ha koedha warnodho, may ferwis. Yndella an vyghterneth a veu fastys yn leuv Solomon.

1 Kroniklys 17:8

ha my re beu genes plepynag yth ythys, ha my re droghas dhe-ves oll dha eskerens a-dheragos; ha my a wra ragos hanow meur kepar ha hanow tus veur an norvys.

1 Kroniklys 22:11

Lemmyn, ow mab, re bo an Arloedh genes, may sewenni ha drehevel chi an Arloedh dha Dhuw dell gewsis ev ahanas.

1 Kroniklys 22:16

yn owr, arghans, brons ha horn, na yllir aga nivera. Sav yn-bann ha dalleth an ober ha re bo an Arloedh genes.’

1 Kroniklys 29:23

Y'n eur na Solomon a esedhas war dron an Arloedh avel myghtern yn le Davydh y das; hag ev a sewenis, hag oll Ysrael a'n obayas.

1 Kroniklys 29:25

An Arloedh a ughelhas Solomon yn feur yn golok oll Ysrael ha ri dhodho meuredh ryel brassa es dell re bia war bub myghtern kyns yn Ysrael.

1 Kroniklys 29:30

gans oll y reyn ha'y alloes ha'n termynyow a dremenas warnodho ha war Ysrael ha war oll gwlaskordhow an bys.

2 Kroniklys 32:23

Lies a dhros offrynnow dhe'n Arloedh yn Yerusalem ha rohow fethus dhe Hezekia myghtern Yuda. Wosa henna y feu ughelhes yn golok oll an kenedhlow.

Eksodus 3:12

Ev a leveris, ‘Yn sur, my a vydh genes; ha hemma a vydh tokyn dhis my dhe'th tannvon: pan dhresys an bobel yn-mes a Ejyp, ty a wra servya Duw war an menydh ma.’

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Yoshua 3:7

An Arloedh a leveris dhe Yoshua, ‘An jydh ma my a dhalleth dha veurhe yn dewlagas oll Ysrael, hag i a woer my dhe vos genes, par dell esen vy gans Moyses.