2 Korinthianys 9:8 - An Bibel Kernewek 20234 (Kernewek Kemmyn)

⁸ Ha Duw a yll gul dhe ras oll palshe dhywgh, ha rakhenna, prest ow kavoes pup-tra lowr, hwi a balsha yn pub ober da.

2 Korinthianys 9:8 ပူးပေါင်းရင်းမြစ်များ

2 Kroniklys 25:9

Amasia a leveris dhe wour Duw, ‘Mes pandr'a wrav a-dro dhe'n kans talent re res vy dhe lu Ysrael?’ Gour Duw a worthybis, ‘An Arloedh a yll ri dhis moy ages hemma.’

Salmow 84:11

Rag an Arloedh Duw yw howl ha skoes; an Arloedh a re ras ha golewder, ha ny skon ev a ri dader vytholl dhe'n re a gerdh yn tivlam.

Lavarow Koth 10:22

Bennath an Arloedh a wra den rych, ha ny geworr tristans gans henna.

Lavarow Koth 11:24

Unn den a re heb lett, ha devedhys yw hwath moy rych, onan arall a skon a ri hag a berth esow.

Lavarow Koth 28:27

Neb a re dhe'n voghosogyon, ny'n jevydh edhomm, mes neb a gudh y dhewlagas a'n jevydh mollothow pals.

Lavarow Koth 3:9

Enor an Arloedh gans oll dha substans, ha gans kynsa froeth a'th trevas;

Haggay 2:8

Dhymm yw an arghans, ha dhymm yw an owr, yn-medh Arloedh an luyow.

Malaki 3:10

Drewgh an dega dien a-ji dhe'n withva, may fo boes y'm chi. Prevewgh vy yn hemma, yn-medh Arloedh an luyow. A ny igorav an fenestri a nev ha diveri bennath ragowgh yw moy ages lowr?

Oberow 9:36

Lemmyn yn Yoppa yth esa unn dhyskybles henwys Tabitha, henn yw dhe styrya Dorkas; an venyn ma o leun a oberow da hag a rians alusenow.

1 Korinthianys 15:58

Rakhenna, ow breder meurgerys, bedhewgh len, fyrv, pup-prys ow palshe yn gonis an Arloedh, ow kodhvos nag yw euver agas lavur y'n Arloedh.

2 Korinthianys 13:3

a-ban hwilowgh hwi prov a Grist ow kewsel ynnov. Nyns yw ev gwann genowgh, mes galloesek yw yn agas mysk.

2 Korinthianys 8:19

ha moy es henna, dewisys veu gans an eglosyow dhe vyajya genen ni ha ni ow menystra an gras ma dhe ri gordhyans dhe'n Arloedh y honan ha dhe dhiskwedhes agan frethter.

2 Korinthianys 8:2

Yn prov sevurra a alar, leunder aga joy ha'ga boghosogneth dhown a balshas yn rychedh a'ga sempledh hel,

2 Korinthianys 8:7

Mes, yn pup-tra dell balshowgh, yn fydh hag yn kows hag yn godhvos hag yn pub diwysygneth hag yn agas kerensa dhyn ni, gwaytyewgh may palshahowgh y'n gras ma ynwedh.

2 Korinthianys 9:11

gwrys vydhowgh rych, yn oll sempledh, ha'n siwyans a henna a vydh grasyans dhe Dhuw dredhon ni,

Efesianys 2:10

Rag y wrians ev on ni, kreatys yn Krist Yesu dhe oberow da a ragbareusis Duw, may hyllyn ni kerdhes ynna.

Efesianys 3:20

Lemmyn, dhe neb a yll gul dres pup-tra yn pals dres eghenn moy es dell bysyn na brederyn, war-lergh an galloes a ober ynnon ni,

Filippianys 4:11

Nyns yw, my dhe gewsel a-dro dhe edhomm, rag my re dhyskas bos kontentys, pypynag a vo ow studh.

Kolossianys 1:10

dhe gerdhes gwiw dhe'n Arloedh, ow plegya yn tien, ow toen frut yn pub ober da hag ow tevi yn aswonnvos Duw,

2 Thessalonianys 2:17

re gennertho ha krevhe agas kolonn yn pub gwrians da ha pub ger da.

2 Timothi 2:21

Ytho, mar kwra nebonan purjya y honan dhiworth an taklow ma, lester rag enor vydh, sakrys, servabyl dhe'n mester, parys rag pub ober da.

2 Timothi 3:17

may fo den Duw gwiw ha parys yn leun rag pub ober da.

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

Titus 3:14

Ha dyskens agan tus ynwedh omri dhe oberow da rag kollenwel edhommow a res, ma na vons i heb frut vyth.

Titus 3:8

Lel yw an ger. My a vynn ty dhe ynnia an taklow ma, may prederro an re re wrug krysi yn Duw a-dro dhe omri dhe oberow da. An taklow ma yw da ha dhe les dhe vab-den.

1 Peder 4:10

Dell dhegemmeras pubonan ahanowgh ro, gwrewgh devnydh anodho an eyl rag y gila kepar ha rennysi dha a'n gras divers a Dhuw.