2 Korinthianys 9:6 - An Bibel Kernewek 20234 (Kernewek Kemmyn)

⁶ Attendyewgh hemma: piwpynag a hasso boghes, ev a wra mysi boghes ynwedh; ha piwpynag a hasso yn pals, ev a wra mysi yn pals ynwedh.

2 Korinthianys 9:6 ပူးပေါင်းရင်းမြစ်များ

Lavarow Koth 11:18

Tebelwas a dhendil gober ansertan, mes neb a has ewnder a'n jeves pewas sur.

Lavarow Koth 19:17

Neb yw grassyes orth an voghosogyon a re kendon dhe'n Arloedh, hag ev a re dhodho attal y ober.

Lavarow Koth 22:9

Neb yw hel a vydh benniges rag ev a re a'y vara dhe'n boghosek.

Ekklesiastes 11:1

Dannvon dha vara war enep an dowrow, ha ty a wra y dhaskavoes wosa lies dydh.

Ekklesiastes 11:6

Gwra hasa dha has y'n myttin, ha na as dha leuv dhe bowes bys y'n gorthugher, rag ny wodhesta pyneyl a wra seweni, po hemma po henna, po martesen aga dew war-barth a vydh da.

Luk 6:38

Rewgh, hag y fydh res dhywgh. Musur da, gweskys yn-nans, shakys war-barth, gorlenwys, a worrons yn agas askra; rag gans an musur may fusurowgh y fydh musurys arta dhywgh.’

1 Korinthianys 1:12

An pyth a vynnav dhe styrya yw hemma: pub huni ahanowgh a lever ‘Dhe Powl yth ov evy’, po ‘Dhe Apollos yth ov evy’, po ‘Dhe Kefas yth ov evy’, po ‘Dhe Grist yth ov evy.’

1 Korinthianys 15:20

Mes Krist yn hwir re beu drehevys dhiworth an re varow, kynsa frut an re a goskas.

1 Korinthianys 7:29

Ow styr yw hemma, breder: devedhys ha bos pur verr yw an termyn; alemma rag, an re neb a's teves gwragedh, bedhens kepar ha pan vens i hebdha,

2 Korinthianys 9:10

Lemmyn ev, neb a brovi has dhe'n gonador, a wra provia bara rag boes ha palshe agas has ha kressya trevas agas ewnder;

2 Korinthianys 9:5

Rakhenna, dell dybis vy, res o pysi an vreder a vos yn-rag dhywgh dhe ordena a-brys an ro hel dedhewys genowgh; y'n fordh ma parys vydh avel ro hel, ha ny vydh avel neppyth kemmerys dre nerth.

Galatianys 3:17

Mes my a lever hemma: kevambos fastys kyns gans Duw, nyns yw defendys gans an lagha a dheuth peswar kans blydhen ha deg warn ugens a-wosa, may fo an ambos diswrys.

Galatianys 5:16

Y lavarav, kerdhewgh war-lergh an Spyrys, saw na wrewgh kollenwel lust an kig.

Efesianys 4:17

Hemma a lavarav ha dustunia y'n Arloedh, na wrellowgh kerdhes namoy kepar dell gerdh an Jentilys yn euveredh aga brys;

Kolossianys 2:4

Hemma a lavarav, ma na'gas toello denvyth gans fekyl lavarow.

Ebrowyon 6:10

Rag nyns yw Duw kammhynsek owth ankevi agas ober ha'n gerensa a dhiskwedhsowgh a'y wovis ev ow servya an syns, ha dell wrewgh hwath lemmyn.