2 Korinthianys 9:5 - An Bibel Kernewek 20234 (Kernewek Kemmyn)

⁵ Rakhenna, dell dybis vy, res o pysi an vreder a vos yn-rag dhywgh dhe ordena a-brys an ro hel dedhewys genowgh; y'n fordh ma parys vydh avel ro hel, ha ny vydh avel neppyth kemmerys dre nerth.

2 Korinthianys 9:5 ပူးပေါင်းရင်းမြစ်များ

Jenesis 33:11

Kemmer, my a'th pys, ow bennath yw dres dhiso, rag Duw re beu grassyes dhymm, hag yma dhymm pup-tra.’ Ev a ynnias warnodho, hag ev a'n kemmeras.

2 Myghternedh 5:15

Ena ev a dhehwelis dhe wour Duw, ev hag oll y gowethas, ha dos ha sevel a-ragdho ha leverel, ‘Lemmyn my a woer nag eus Duw yn oll an norvys, marnas yn Ysrael. Lemmyn kemmer, my a'th pys, ro dhiworth dha was.’

1 Korinthianys 16:2

Dhe gynsa dydh pub seythun, pub huni ahanowgh gorres neppyth a-denewen ha'y witha, dell sewenno, ma na vo edhomm a guntell pan dhyffiv.

2 Korinthianys 8:6

Ytho ni a bysis Titus, a-ban dhallathsa seulabrys, a gowlwul an ober ma a ras yn agas mysk.

2 Korinthianys 9:3

Ha my a dhannvonas an vreder ma na ve gwrys koeg agan bostyans a-dro dhywgh y'n mater ma, mes may fewgh hwi parys, dell leveris vy;

2 Korinthianys 9:6

Attendyewgh hemma: piwpynag a hasso boghes, ev a wra mysi boghes ynwedh; ha piwpynag a hasso yn pals, ev a wra mysi yn pals ynwedh.

Filippianys 4:17

Nyns yw my dhe hwilas an ro; mes my a hwila an frut owth ynkressya dh'agas reken.

Breusysi 1:15

Yn-medh hi dhodho, ‘Ro dhymm bennath; rag ty dhe'm settya yn tir an Negeb, ro dhymm fentynyow dowr ynwedh.’ Ytho Kaleb a ros dhedhi fentynyow gwartha ha fentynyow isella.

1 Samuel 25:27

Ha lemmyn bedhes an ro ma re dhros dha vaghteth dhe'm arloedh, res dhe'n wer yowynk neb a hol ow arloedh.

1 Samuel 30:26

Pan dheuth Davydh dhe Siklag, ev a dhannvonas rann a'n preydh dh'y gowetha, henavogyon Yuda, ha leverel, ‘Otta ro ragowgh dhiworth preydh eskerens an Arloedh.’