2 Korinthianys 8:9 - An Bibel Kernewek 20234 (Kernewek Kemmyn)

⁹ Rag hwi a aswonn gras agan Arloedh Yesu Krist, y vos ev gyllys boghosek a-barth dhywgh, kynth o rych, mayth ewgh hwi ha bos rych der y voghosogneth.

2 Korinthianys 8:9 ပူးပေါင်းရင်းမြစ်များ

Ysay 53:2

Rag ev a devis a-ragdho avel losowenn yowynk, hag avel gwreydhenn yn-mes a dir sygh; ny'n jevo na furv na reowta, rag may firren orto, na travyth yn y semlans, rag ma'gan bo hwans anodho.

Ysay 62:1

Rag Sion ny dawav vy, ha rag Yerusalem ny vydhav kosel bys pan a hy ewnder yn-mes avel golewder ha'y selwyans avel faglenn ow flammya.

Ysay 65:8

Yndellma y lever an Arloedh: Dell yw an sugen hwath kevys yn bagas a rappys, ha den a lever, ‘Na wra y dhistrui, rag yma bennath ynno’, yn kettella my a wra a-barth ow servysi, heb distrui peub oll.

Matthew 17:27

Mes, ma na wryllyn aga sklandra, ty gwra mos dhe'n mor ha tewl higenn ha kemmer an kynsa pysk a dheu yn-bann. Wosa ty dhe igeri y anow y kevydh stater. Kemmer henna ha ro dhedha ragov vy ha ragos jy.’

Matthew 20:28

kepar dell na dheuth Mab an den dhe vos servys mes dhe servya, ha dhe ri y vewnans avel daspren rag lies.’

Matthew 8:20

Hag yn-medh Yesu dhodho, ‘Dhe'n lewern yma tell, ha neythow dhe ydhyn an ayr, mes dhe Vab an den nyns eus le may hyll powes y benn ynno.’

Mark 6:3

A nyns yw hemma an ser prenn, mab Maria, broder Jamys ha Yoses ha Yudas ha Simon? hag a nyns usi y hwerydh omma genen?’ Ha sklandrys ens i anodho.

Luk 16:11

Ytho mar ny vewgh lel y'n mammon anewn, piw a re gwir rychys yn agas charj?

Luk 2:7

ha hi a dhineythis hy mab kynsa-genys, ha'y vaylya yn lystennow, ha'y worra a'y wrowedh yn presep, rag nag esa le ragdha y'n ostel.

Luk 8:3

ha Yoanna gwreg Kusa, rennyas Herod, ha Susanna, ha lies arall, neb a venystra dhedha yn-mes a'ga fythow.

Luk 9:58

Hag yn-medh Yesu dhodho, ‘Dhe'n lewern yma tell, ha neythow dhe ydhyn an ayr, mes dhe Vab an den nyns eus tyller vyth may hworro y benn.’

Yowann 1:10

Yth esa ev y'n bys, ha'n bys a veu gwrys ganso, ha ny'n aswonnis an bys.

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Yowann 1:17

rag an lagha a veu res dre Moyses; gras ha gwirder a dheuth dre Yesu Krist.

Yowann 12:30

Yesu a worthybis ha leverel, ‘Ny dheuth an lev a'm govis vy mes ragowgh hwi.

Yowann 16:15

Pup-tra a'n jeves an Tas yw dhymm; rakhenna y leveris vy, y hwra ev kemmeres dhiworth an pyth yw dhymm ha'y dherivas dhywgh.

Yowann 17:19

Hag a-barth dhedha i omsakra a wrav ow honan, rag may fons i ynwedh sakrys y'n gwirder.

Romanyon 11:12

Mes mars yw aga threuspass rychys rag an bys, ha mars yw aga difyk devedhys ha bos rychys rag an kenedhlow, kemmys moy aga leunder!

Romanyon 15:3

Rag ny omblesya Krist; rag dell yw skrifys, ‘Kabel an re a'th kabla a goedhas warnav.’

Romanyon 5:8

Mes Duw a dhiskwa y gerensa dhyn drefenn Krist dhe verwel ragon ha ni hwath peghadoryon.

Romanyon 8:32

Neb na sparyas y Vab y honan mes y'n ros ragon ni oll, a ny vynn ev ri dhyn pup-tra ganso?

1 Korinthianys 1:4

Dhe Dhuw y grassav pup-prys ragowgh, drefenn bos gras Duw res dhywgh yn Krist Yesu,

1 Korinthianys 15:47

A'n dor yth o an kynsa den, den a dhoust; a nev yth yw an nessa den.

2 Korinthianys 6:10

keudhys, hwath prest ow lowenhe; boghosek, hwath ow kul dhe lies bos rych; heb travyth, hwath ni a bew pup-tra.

Efesianys 2:7

may tiskwettha y'n oesow ow tos, rychys dres eghenn y ras yn kuvder troha ni yn Krist Yesu.

Efesianys 3:19

ha dhe aswonn kerensa Krist a dremen dres aswonnvos, may fewgh lenwys a oll leunder Duw.

Efesianys 3:8

Dhymmo vy, yw le ages an lyha a'n syns oll, y feu res an ras ma dhe bregoth dhe'n Jentilys an rychys a Grist yw dres hwithra,

Kolossianys 1:24

Lemmyn my a lowenha y'm galarow ragowgh, ha my a gowlwra an taklow a fyll dhe baynys Krist y'm kig rag y gorf, yw an eglos.

1 Timothi 6:18

Lavar dhedha may hwrons dader, may fons rych yn gwriansow da, may fons hel, parys dhe ranna,

Ebrowyon 1:2

mes y'n dydhyow diwettha ma ev re gewsis dhyn dre Vab, neb a wrug y ordena an her a bup-tra, dredho ynwedh may hwrug an oesow,

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?

Diskwedhyans 2:9

‘My a aswonn dha wriansow ha'th halar ha'th voghosogneth (mes rych osta) ha my a aswonn blasfemi an re a lever aga bos Yedhewon, heb bos yndella, mes synaga Satnas yns i.

Diskwedhyans 21:7

Neb a feth a wra erita an taklow ma; ha my a vydh y Dhuw, hag ev a vydh ow mab.

Diskwedhyans 3:18

My a'th kusul a brena owr prevys y'n tan dhiworthiv may fi rych, ha dillas gwynn may fi gwiskys ha na omdhiskwettho an meth a'th noethedh, ha prena eli rag ura dha dhewlagas may hylli gweles.