2 Korinthianys 8:8 - An Bibel Kernewek 20234 (Kernewek Kemmyn)

⁸ Ny lavarav hemma avel arghadow, mes yth esov vy ow previ gwiryonsys agas kerensa dre dhiwysygneth re erell.

2 Korinthianys 8:8 ပူးပေါင်းရင်းမြစ်များ

Ezekiel 33:31

I a dheu dhis, kepar dell yw usadow an bobel dhe wul, hag i a esedh a-ragos, ha klewes dha eryow, mes ny wrons war aga lergh. Rag yma gowyow yn aga ganow, hag yma aga holonn ow mos war-lergh aga gwayn anewn.

Romanyon 12:9

Gwres kerensa bos gwiryon; kesewgh an drog, glenewgh orth an da;

1 Korinthianys 7:12

Dhe'n re erell y lavarav evy (nyns yw an Arloedh): broder mara'n jeves gwreg dhiskryjyk ha hy owth assentya triga ganso, ny goedh dhodho diberth dhiworti;

1 Korinthianys 7:25

Lemmyn a-dro dhe wyrghesow, nyns eus dhymm gorhemmynn a'n Arloedh, mes ow brys a rov avel onan neb yw lel, dre dregeredh an Arloedh.

1 Korinthianys 7:6

Hemma my a lever avel kummyas, a-der gorhemmynn.

2 Korinthianys 6:6

yn glander, yn godhvos, yn perthyans, yn kuvder, y'n Spyrys Sans, yn kerensa wiryon,

2 Korinthianys 8:10

Hag y'n mater ma kusul a rov vy: rag y telledh hemma dhywgh, neb a dhallathas y wul mes ynwedh mynnes y wul, nans yw blydhen;

2 Korinthianys 8:24

Rakhenna, yn apert dherag an eglosyow, diskwedhewgh prov a'gas kerensa keffrys a'gan bostyans dhedha a-dro dhywgh.

2 Korinthianys 9:2

rag my a woer agas frethter may fostyav dhe dus Makedonia a-dro dhywgh, ow leverel dhedha bos Aghaia parys nans yw blydhen; ha'gas diwysygneth re gentrynnas an rann vrassa anedha.

2 Korinthianys 9:7

Res yw dhe bub huni ri an pyth a erviras yn y golonn, heb anvodh po heb bos ynniys: rag Duw a gar riyas lowenek.

Efesianys 4:15

Mes ow kewsel an gwir yn kerensa, res yw dhyn tevi ynno ev yn pup-tra, neb yw an penn, Krist,

Efesianys 6:24

Re bo gras gans pubonan a gar agan Arloedh Yesu Krist gans kerensa anvarwel.

Ebrowyon 10:24

hag ombrederyn fatell ynniyn an eyl y gila dhe gerensa hag oberow mas,

Yoshua 24:14

‘Lemmyn ytho perthewgh own a'n Arloedh, ha'y servya yn lenduri hag yn gwirder, ha treyl dhiworth an duwow a wrug agas tasow aga servya dres an avon hag yn Ejyp; ha servyewgh an Arloedh.

1 Peder 1:22

Wosa glanhe agas enev der wostytter dhe'n gwir, dhe gerensa broder heb fayntys, kerewgh an eyl y gila yn tiwysyk, yn-mes a golonn lan.