2 Korinthianys 8:3 - An Bibel Kernewek 20234 (Kernewek Kemmyn)

³ dell dhustuniav, herwydh aga fygans ha dres aga fygans, a'ga bodh aga honan

2 Korinthianys 8:3 ပူးပေါင်းရင်းမြစ်များ

1 Kroniklys 29:9

An dus a lowenhas, rag an rohow dhe vos res dhe'n Arloedh a'ga bodh hag a leun golonn. Myghtern Davydh ynwedh o pur lowen.

Salmow 110:3

Yma genes mestrynses yn dydh dha nerth, yn splannderyow sansoleth. Dhiworth brys an bora y fydh genes gluth dha yowynkneth.

Eksodus 35:29

An wer ha'n benynes oll, mebyon Ysrael, ha'ga holonn movyes dhe dhri neppyth rag an ober re worhemmynnsa an Arloedh dre leuv Moyses dhe vos gwrys, a'n dros avel aga offrynn bolonjedhek dhe'n Arloedh.

Eksodus 35:5

Kemmerewgh a-dhiworthowgh offrynn dhe'n Arloedh; neb a'n jeffo kolonn volonjedhek, gas ev dhe dhri offrynn an Arloedh: owr, arghans ha brons;

Mark 14:8

Hi re wrug kemmys a ylli; hi re dheuth kyns an termyn rag untya ow horf rag ynkleudhyans.

Oberow 11:29

Rakhenna an dhyskyblon a erviras, pub huni herwydh y bygans, dannvon sokor dhe'n vreder trigys yn Yudi.

Romanyon 10:2

My a dheg dustuni ragdha, i dhe vos diwysyk war-lergh Duw mes nyns yw herwydh godhvos.

1 Korinthianys 16:2

Dhe gynsa dydh pub seythun, pub huni ahanowgh gorres neppyth a-denewen ha'y witha, dell sewenno, ma na vo edhomm a guntell pan dhyffiv.

1 Korinthianys 9:17

Rag mar kwrav hemma a'm bodh ow honan, gober a'm beus; mes mara'n gwrav a'm anvodh, charj re beu res dhymm.

Galatianys 4:15

Ple'ma agas bennesikter ytho? Rag desta a wrav, y hwrussewgh terri mes agas dewlagas, mar kallewgh, ha'ga ri dhymm.

Filippianys 2:13

Rag Duw yw neb a ober ynnowgh, ha dhe vynnes ha dhe oberi orth bodh y vrys.

Kolossianys 4:13

Rag my a dheg dustuni anodho, bos meur a lavur dhodho ragowgh ha'n re usi yn Laodikea ha'n re yn Hierapolis.

1 Thessalonianys 2:8

Ytho, ha ni hirethek war agas lergh, pes da en ni ow profya dhywgh aweyl Duw hag ynwedh agan enevow ni rag hwi dhe vos ha bos meurgerys genen.

Filemon 1:14

mes ny vynnis gul travyth heb dha gummyas, ma na ve dha dhader konstrynys, mes a'th vodh.

1 Peder 4:11

Den mar kews, kewses ev lavarow Duw; den mar konis, gonedhes gans nerth yw res gans Duw, may fo Duw gordhys yn pup-tra dre Yesu Krist, dhe neb re bo gordhyans ha nerth, trank heb worfenn. Amen.

1 Peder 5:2

bugelyewgh flokk Duw usi yn agas mysk, ow korweles heb konstryna mes bolonjedhek, war-lergh bodh Duw; heb hwansa gwayn plos, mes yn tiwysyk;