2 Korinthianys 8:1 - An Bibel Kernewek 20234 (Kernewek Kemmyn)

¹ Lemmyn ni a vynn orthowgh godhvos, breder, a-dro dhe ras Duw re beu res dhe'n eglosyow a Makedonia.

2 Korinthianys 8:1 ပူးပေါင်းရင်းမြစ်များ

Matthew 25:22

Hag ev neb a gavsa an dhew dalent a dheuth yn-rag, hag yn-medh ev, “Mester, ty a ros dhymm dew dalent; ottomma dew dalent moy a wrugavy yn prow dhedha.”

Oberow 11:23

Pan dheuth ha gweles gras Duw ev a lowenhas, hag ev a ynnias war bubonan anedha bos lel dhe'n Arloedh, furv aga holonn,

Oberow 16:9

Ha gwelesigeth a omdhiskwedhas dhe Powl y'n nos: yth esa gour a Makedonia ow sevel, hag ev a'n pysis ow leverel, ‘Deus a-dreus bys yn Makedonia, ha gweres ni.’

Oberow 24:17

Lemmyn wosa lies blydhen my a dheuth rag dri alusenow dhe'm pobel ha rag gul offrynnow.

Romanyon 15:26

Rag da o gans Makedonia hag Aghaia provia nebes rag an voghosogyon yn mysk an syns yn Yerusalem.

1 Korinthianys 15:10

mes dre ras Duw yth ov vy an pyth hag yth ov, ha nyns o euver y ras orthiv. Yn kontrari, my a lavuryas yn kreffa agessa oll, kyn nag o my, mes gras Duw usi genev.

2 Korinthianys 11:9

ha pan esen vy yn agas mysk, ha my edhommek, nyns en vy begh dhe dhenvyth; rag an vreder a dheuth dhiworth Makedonia a brovias an taklow a fylli dhymm, hag yn pub fordh my a omwitha ma na ven vy begh dhywgh, hag yndella my a wra pesya.

2 Korinthianys 9:12

drefenn bos menystrans an gonis ma ow provia rag edhommow an syns, keffrys palshe gans meur a rasow dhe Dhuw;

2 Korinthianys 9:2

rag my a woer agas frethter may fostyav dhe dus Makedonia a-dro dhywgh, ow leverel dhedha bos Aghaia parys nans yw blydhen; ha'gas diwysygneth re gentrynnas an rann vrassa anedha.

2 Korinthianys 9:4

poken mar teu tus Makedonia genev vy ha kavoes nag owgh hwi parys, ni a'gan bia meth y'n omgemmeryans ma – heb kampoella travyth a-dro dh'agas meth agas honan.

Efesianys 3:8

Dhymmo vy, yw le ages an lyha a'n syns oll, y feu res an ras ma dhe bregoth dhe'n Jentilys an rychys a Grist yw dres hwithra,

Kolossianys 1:29

Rag hemma, my a lavur, ow strivya gans y oberyans owth oberi ynnov gans nerth.

1 Thessalonianys 4:10

ha dhe wir, hwi a wra hemma rag an vreder oll der oll Makedonia. Mes ni a'gas pys, a vreder, may palshahowgh dhe voy,