2 Korinthianys 7:7 - An Bibel Kernewek 20234 (Kernewek Kemmyn)

⁷ ha nyns o unnsel der y dhevedhyans, mes ynwedh der an konfort may feu ev konfortys a-dro dhywgh; ev a dherivas dhyn a-dro dh'agas hwans freth, agas kynvann, agas gwres a-barth dhymm, may lowenhis vy dhe voy.

2 Korinthianys 7:7 ပူးပေါင်းရင်းမြစ်များ

Salmow 141:5

Gwres den gwiryon ow gweskel, gwres den len ow rebukya. Na as dhe oyl an tebelwas untya ow fenn, rag ow fysadow a vydh prest erbynn aga drogoberow.

Salmow 30:5

Rag ny dhur y sorr saw pols byghan; yn y ras yma bewnans. Oelva a dhur dres an nos, mes lowena a dheu y'n myttin.

Salmow 38:18

Rag my a avow ow hammweyth; troblys ov drefenn ow fegh.

Salmow 51:1

Bydh grassyes orthiv, A Dhuw, herwydh dha dregeredh; herwydh dha druedh meur defend dhe-ves ow hammweythresow.

Matthew 26:75

Ha Peder a borthas kov a eryow Yesu, kewsys dhodho, ‘Kyns es an kulyek dhe gana ty a'm denagh teyrgweyth.’ Hag ev eth dhe-ves hag a oelas yn hwerow.

Matthew 5:4

‘Gwynn aga bys an re usi ow kalari, rag i a vydh konfortys.

Luk 22:44

Ha devedhys yn angoes ev a bysi moy ter; ha'y hwys a dheuth ha bos kepar ha bannaghow a woes ow troppya war an dor.

Oberow 11:23

Pan dheuth ha gweles gras Duw ev a lowenhas, hag ev a ynnias war bubonan anedha bos lel dhe'n Arloedh, furv aga holonn,

Romanyon 1:12

hemm yw, rag may fyn ni kennerthys an eyl gans fydh y gila, keffrys agas fydh hwi hag ow fydh vy.

1 Korinthianys 5:2

Ha goethus yth owgh hwi. A ny goedhvia dhywgh oela, ha tewlel yn-mes a-dhiworthowgh ev neb re wrug an drogober ma?

2 Korinthianys 1:14

dell y'gan konvedhsowgh yn rann seulabrys, rag yn dydh agan Arloedh Yesu, agas bost hwi on ni, kepar dell owgh hwi agan bost ni.

2 Korinthianys 1:4

neb a'gan konfort yn oll agan poenvos, may hyllyn ni konfortya an re usi yn pub poenvos, der an konfort mayth on ni agan honan konfortys gans Duw.

2 Korinthianys 2:9

rag hemm yw an acheson may skrifis vy: rag previ agas gnas, ha godhvos mars owgh hwi gostydh yn pup-tra.

2 Korinthianys 5:2

Yn hwir, ni a gyn y'n tylda ma, ow yeuni gwiska agan trigva nevek a-dro dhyn;

2 Korinthianys 7:6

Mes Duw, neb a gonfort an re uvel, a'gan konfortyas dre dhevedhyans Titus;

2 Korinthianys 7:8

Rag mara'gas keudhis vy der ow lyther, ny'm beus edrek; kynth y'm bo edrek yn tevri, rag my a wel ow lyther dh'agas keudhi, mes unnsel a verr spas.

2 Korinthianys 8:16

Lemmyn grasow re bo dhe Dhuw, neb re worras yn kolonn Titus an keth frethter a-barth dhywgh hwi,

Filippianys 1:20

war-lergh ow gwaytyans ha'm govenek na vydhav shamys yn travyth, mes y fydh Krist meurhes gans bolder leun avel pup-prys, hag y'n eur ma ynwedh y'm korf, po dre vewnans po dre vernans.

Kolossianys 2:5

Rag mar nyns esov vy omma y'n korf, byttegyns y'n spyrys yth esov genowgh, ow lowenhe ha gweles aray da ha krevder agas fydh yn Krist.

1 Thessalonianys 3:6

Mes Timothi re dheuth nammnygen dhyn ni dhiworthowgh, ha derivas dhyn nowodhow da a'gas fydh ha'gas kerensa, ha hwi dhe berthi kov da ahanan pup-prys, ha hwi hwansek dh'agan gweles, kepar dell on ni dh'agas gweles hwi;

1 Thessalonianys 3:8

Rag ni a vew lemmyn mar sevowgh hwi y'n Arloedh.

Ebrowyon 2:1

Rakhenna y tegoedh dhyn koela dhe voy orth an traow yw klewys, ma nag ellen gans an liv.

Jamys 5:17

Elias o den kehaval y gnas dhyn ni hag ev a bysis yn pysadow na wrella glaw, ha glaw ny wrug war an dor teyr blydhen ha hwegh mis.

2 Yowann 1:4

My a lowenhas meur drefenn my dhe gavoes re a'th fleghes ow kerdhes yn gwirder, dell re gevsyn gorhemmynn gans an Tas.

Lyther Yud 1:3

Hwi garadowyon, ha genev mall dres eghenn a skrifa dhywgh a-dro dh'agan selwyans kemmyn, res o dhymm skrifa dhywgh ow pysi may striffyewgh a-barth an fydh re beu unnweyth kemmynnys dhe'n syns.