2 Korinthianys 7:6 - An Bibel Kernewek 20234 (Kernewek Kemmyn)

⁶ Mes Duw, neb a gonfort an re uvel, a'gan konfortyas dre dhevedhyans Titus;

2 Korinthianys 7:6 ပူးပေါင်းရင်းမြစ်များ

Ysay 12:1

Y'n jydh na ty a lever: My a'th wormel, A Arloedh, rag kyn feus serrys orthiv, dha sorr re dreylyas dhe-ves, ha ty a'm konfortyas.

Ysay 51:12

My, my yw neb a'gas konfort. Ytho piw osta jy may perthydh own a dhen hag a verow, hag a vab-den neb a wedher avel gwels?

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 57:18

My re welas y fordhow, mes my a'n yaghha; my a'n hembronk hag attyli konfort dhodho,

Yeremia 31:13

Ena an wyrghes a lowenha y'n dons, ha'n wer yowynk ha'n henavogyon a vydh lowen, my a's hebaskha, ha ri dhedha lowena yn le aga hynvann.

Matthew 5:4

‘Gwynn aga bys an re usi ow kalari, rag i a vydh konfortys.

Yowann 14:16

Ha my a vynn govynn orth an Tas, hag ev a re dhywgh konforter arall, may hwrello gortos genowgh rag nevra,

Romanyon 15:5

Re rollo dhywgh an Duw a berthyans hag a gonfort may fewewgh yntredhowgh y'n keth kessenyans herwydh Krist Yesu,

2 Korinthianys 7:13

Dre hemma ni re beu konfortys. Mes moy es agan konfort, ni a lowenhas hwath moy drefenn joy Titus, hag a veu disyghys y spyrys genowgh hwi oll;

2 Korinthianys 7:14

rag mar postis vy dhodho a-dro dhywgh, ny'm beu meth, mes par dell o gwir an traow oll a leversyn dhywgh, keffrys agan bostyans dhe Titus re beu prevys gwir.

2 Korinthianys 7:7

ha nyns o unnsel der y dhevedhyans, mes ynwedh der an konfort may feu ev konfortys a-dro dhywgh; ev a dherivas dhyn a-dro dh'agas hwans freth, agas kynvann, agas gwres a-barth dhymm, may lowenhis vy dhe voy.

Filippianys 2:1

Ytho, mars eus konfort yn Krist, mars eus solas kerensa, mars eus kowethyans a'n Spyrys, mars eus pitedh ha truedh,

1 Thessalonianys 3:2

ha ni a dhannvonas Timothi, agan broder ha kesoberer Duw yn aweyl Krist, rag agas fastya ha'gas kennertha yn agas fydh,