2 Korinthianys 7:11 - An Bibel Kernewek 20234 (Kernewek Kemmyn)

¹¹ Otta lemmyn, an keudh duwek ma, dredho pana frethter a veu oberys ynnowgh, pana omaskusyans, pana sorrvann, pana own, pana hwans ter, pana dhiwysygneth, pana gessydhyans. Yn pup-tra hwi re ombrovas ankablus y'n mater ma.

2 Korinthianys 7:11 ပူးပေါင်းရင်းမြစ်များ

Nehemia 13:25

Ha my a's keredhis ha'ga mollethi ha gweskel re anedha ha tenna yn-mes aga blew; ha my a wrug dhedha ti re Dhuw, ow leverel, ‘Na rewgh agas myrghes dh'aga mebyon, na kemmeres aga myrghes rag agas mebyon na ragowgh hwi agas honan.

Job 42:6

rakhenna my a'm kas ow honan, ha koedha yn edrek yn doust ha lusu.’

Salmow 119:139

Tan ow holonn re'm distruis, drefenn ow eskerens dhe ankevi dha eryow.

Salmow 130:6

ow enev a worta an Arloedh moy es dell worta an woelyadoryon an bora, devri moy es goelyadoryon an bora.

Salmow 145:19

Ev a gollenow bodh an re a berth own anodho, hag ev a glew aga kri, hag ev a's selow.

Salmow 2:11

Servyewgh an Arloedh gans own, ha lowenhewgh gans krena.

Salmow 35:13

Pan ens i klav, my a omwiskas yn yskar, hag uvelhe ow enev gans penys, ha'm pysadow a dhehwelis heb gorthyp.

Salmow 38:9

A Arloedh, yma oll ow yeunes a-dheragos; ha nyns yw ow hanas kudhys ragos.

Salmow 42:1

Kepar dell yeun an karow war-lergh goverow dowr, yn kettella y yeun ow enev war dha lergh, A Dhuw.

Salmow 69:9

Rag tan ow holonn a-barth dha ji re'm kollonkas, ha despit an re a'th skorn jy re goedhas warnav vy.

Lavarow Koth 14:16

Den fur yw war hag a dreyl dhiworth droktra, mes an den foll a sorr heb fronn hag yth yw dibreder.

Lavarow Koth 28:14

Gwynnvys an den neb a'n jeves own pup-prys, mes neb yw kales y golonn a goedh yn anfeus.

An Gan a Ganow 8:6

Desedh vy avel sel war dha golonn, avel sel war dha vregh, rag bos kerensa mar grev avel ankow, hy avi mar dhibita avel ifarn; hy flammow yw lughes a dan, losk a'n kreffa.

Ysay 26:8

Yn hyns dha vreusow, ni a'th worta A Arloedh; dha hanow ha dha govadh yw hwans an enev.

Ysay 66:2

Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Daniel 6:14

Pan glewas an geryow ma, an myghtern a veu troblys meur, hag ervira delivra Daniel; ha bys pan sedhas an howl y hwila y sawya.

Mark 3:5

Ha wosa ev dhe vires a-dro orta gans sorr, hag ev grevys drefenn kaletter aga holonn, yn-medh ev dhe'n den, ‘Ystynn dha leuv.’ Hag ev a's ystynnas, ha'y leuv a veu restorys.

Yowann 2:17

Ha'y dhyskyblon a borthas kov bos skrifys, ‘Avi a-barth dha ji a'm devor.’

Oberow 17:16

Hag yn Athenys, ha Powl orth aga gortos, grevys veu y spyrys ynno pan welas an sita leun a idolys.

Romanyon 11:20

Gwir yw! Drefenn diskryjyans y fons i terrys, ha ty dre gryjyans a sev. Na gemmer goeth, mes porth own!

Romanyon 14:18

neb a serv Krist yndella yw plegadow gans Duw ha kevys da gans tus.

Romanyon 3:5

Mes mar tiskwa agan droktra ewnder Duw, pandr'a wren leverel? Duw dhe vos anewn pan y'gan kessydh yn sorr? (Avel den y kowsav.)

1 Korinthianys 12:25

ma na vo fols vyth y'n korf, mes may kemmerro an eseli an keth bern an eyl a'y gila.

1 Korinthianys 5:13

Duw a vreus an re a-ves. ‘Tewlewgh an tebelwas yn-mes ahanowgh agas honan.’

1 Korinthianys 5:2

Ha goethus yth owgh hwi. A ny goedhvia dhywgh oela, ha tewlel yn-mes a-dhiworthowgh ev neb re wrug an drogober ma?

2 Korinthianys 13:7

Lemmyn ni a bys Duw na wryllowgh drog vyth; nyns yw henna may fo gwelys agan bos sewen y'n prov, mes may hwryllowgh hwi an pyth yw da, kyn havallo ni dhe fyllel.

2 Korinthianys 2:6

An kessydhyans ma gans an rann vrassa a'n dus yw lowr rag den a'n par na;

2 Korinthianys 6:4

mes yn pub fordh ni a omgommend avel menystrys Duw, yn meur a wodhevyans, yn galar, yn kaletteryow, yn ahwer,

2 Korinthianys 7:1

Rakhenna a-ban eus dhyn an ambosow ma, karadowyon, gwren glanhe agan honan dhiworth pub defolans a gig hag a spyrys, ow kul dhe sansoleth bos perfydh y'n own a Dhuw.

2 Korinthianys 7:7

ha nyns o unnsel der y dhevedhyans, mes ynwedh der an konfort may feu ev konfortys a-dro dhywgh; ev a dherivas dhyn a-dro dh'agas hwans freth, agas kynvann, agas gwres a-barth dhymm, may lowenhis vy dhe voy.

2 Korinthianys 7:9

Lemmyn my a lowenha; ny'n gwrav drefenn agas bos keudhys, mes drefenn agas bos keudhys dhe edrek; rag duwek o agas keudh, ma na vewgh hwi pystigys kammenn genen.

2 Korinthianys 9:2

rag my a woer agas frethter may fostyav dhe dus Makedonia a-dro dhywgh, ow leverel dhedha bos Aghaia parys nans yw blydhen; ha'gas diwysygneth re gentrynnas an rann vrassa anedha.

Efesianys 4:26

‘Bedhewgh serrys ha na wrewgh pegha.’ Na wres an howl sedhi war agas sorr,

Efesianys 5:11

Ha na gemmerewgh rann gans gwriansow difrut an tewlder; gwell yw aga heredhi.

Filippianys 2:12

Ytho, ow howetha garadow, kepar dell vewgh pup-prys gostydh pan esen genowgh hwi, oberewgh agas selwyans agas honan gans own ha kren hwath moy lemmyn pan esov dhe-ves.

1 Thessalonianys 4:6

heb treuspassya na gul kamm dh'y vroder na'y doella y'n dra ma, rag bos an Arloedh dialor yn oll an taklow ma, kepar dell leversyn dhywgh kyns ha desta.

1 Timothi 5:20

An re a begh, gwra aga heredhi a-dherag pub den oll may portho an re erell own.

2 Timothi 2:15

Bydh freth dhe omdhiskwedhes kemmeradow dhe Dhuw, gonisyas heb meth, ow styrya yn ewn an ger a wiryonedh,

Titus 3:8

Lel yw an ger. My a vynn ty dhe ynnia an taklow ma, may prederro an re re wrug krysi yn Duw a-dro dhe omri dhe oberow da. An taklow ma yw da ha dhe les dhe vab-den.

Ebrowyon 4:1

Ytho, ha'n ambos hwath gesys dhe entra dh'y bowesva, perthyn own na vo nagonan ahanowgh breusys a fyllel dh'y attaynya.

Jamys 3:17

Mes an furneth a-wartha yw kyns oll glan, ena ow kara kres, klor, es y berswadya, leun a versi ha frut da, heb faverans, heb falsuri.

1 Peder 1:17

Ha mar kelwowgh warnodho avel Tas, ev neb a vreus heb plegyans war-lergh gwrians pub den, gwrewgh spena termyn agas godrik yn own.

1 Peder 2:2

Kepar ha fleghes nowydh genys, hwansewgh leth spyrysel pur may teffowgh dhe selwyans dredho,

Lyther Yud 1:23

sawyewgh re erell orth aga hibya yn-mes a'n tan; kemmerewgh truedh a re erell yn own, ha kesewgh ynwedh an dhillasenn hy honan re beu mostys gans an kig.

Diskwedhyans 3:19

Myns a garav, a geredhav ha keski. Bydh diwysyk, ytho, ha kemmer edrek.