2 Korinthianys 7:10 - An Bibel Kernewek 20234 (Kernewek Kemmyn)

¹⁰ Rag keudh duwek a ober edrek heb govisyon, bys yn selwyans; mes keudh a'n bys a ober mernans.

2 Korinthianys 7:10 ပူးပေါင်းရင်းမြစ်များ

Jenesis 30:1

Pan welas Raghel na wrussa hi dineythi flogh dhe Yakob, Raghel a borthas avi orth hy hwoer ha leverel dhe Yakob, ‘Ro dhymmo mebyon, ken my a verow.’

2 Samuel 12:13

Hag yn-medh Davydh dhe Nathan, ‘My re beghas erbynn an Arloedh.’ Ha Nathan a leveris dhe Davydh, ‘Lemmyn an Arloedh re worras dhe-ves dha begh; ny verwydh.

2 Samuel 13:4

Yn-medh ev dhodho, ‘A vab an myghtern, prag yth osta mar dhigolonnek myttin wosa myttin? A ny wre'ta leverel dhymm?’ Hag Amnon a worthybis dhodho, ‘My a gar Tamar, hwoer Absalom ow broder.’

2 Samuel 17:23

Pan welas Ahithofel na veu y gusul holys, ev a dhibras y asen ha sevel ha mones dh'y ji, dh'y sita, hag ordena y vayni, hag omgregi ha merwel, hag ev a veu ynkleudhys yn bedh y das.

1 Myghternedh 21:4

Ahab a dhehwelis dhe dre yn poes ha digolonnek drefenn an pyth a leveris dhodho Naboth an Yezreelyas; rag ev re leveris, ‘Ny rov dhis eretons ow thasow.’ Ev a wrowedhas war y weli, treylya dhe-ves y fas, ha ny vynna dybri.

Salmow 38:18

Rag my a avow ow hammweyth; troblys ov drefenn ow fegh.

Lavarow Koth 15:13

Kolonn lowen a wra min lowenek, mes dre dristyns a'n golonn an spyrys yw trogh.

Lavarow Koth 15:15

Oll dydhyow an den arweskys yw drog, mes kolonn lowen a's teves gwledh heb fin.

Lavarow Koth 17:22

Kolonn jolif yw sawment da, mes spyrys trogh a sygh an eskern.

Lavarow Koth 18:14

Spyrys gour a berth kleves, mes spyrys trogh, piw a yll y berthi?

Ekklesiastes 7:3

Gwell yw galar ages hwarth, drefenn dre dristyns an fas y teu ha bos gwell an golonn.

Yeremia 31:9

I a dheu yn-dann dhagrewi, ha gans konfort my a's hembronk, my a wra dhedha kerdhes ryb frosow dowr, yn fordh leven le ma na drebuchyons; rag my yw tas dhe Ysrael, hag Efraym yw ow hynsa-genys.

Ezekiel 7:16

Peub yw gesys a skap, hag i a vydh y'n menydhyow kepar ha kelemmi an nansow, i oll owth hanasa, peub yn y anewnder.

Yona 3:10

Ha Duw a welas aga oberow, i dhe dreylya dhiworth aga fordh dhrog; ha Duw a gemmeras edrek a'n drog a lavarsa ev dhe wul dhedha; ha ny'n gwrug.

Yona 3:8

mes bedhes den ha best kudhys gans yskar, ha kriens yn ter war Dhuw; ha treylya peub dhiworth y fordh dhrog, ha dhiworth an garowder usi yn aga diwla.

Yona 4:9

Ha Dhuw a leveris dhe Yona, ‘Yw da, ty dhe vos serrys a-dro dhe'n risinenn?’ Yn-medh ev, ‘Da yw my dhe vos serrys, bys y'n mernans.’

Matthew 26:75

Ha Peder a borthas kov a eryow Yesu, kewsys dhodho, ‘Kyns es an kulyek dhe gana ty a'm denagh teyrgweyth.’ Hag ev eth dhe-ves hag a oelas yn hwerow.

Luk 15:10

Yndella, yn-medhav dhywgh, y fydh lowena a-rag eledh Duw rag unn peghador ha dhodho edrek.’

Luk 18:13

Mes an toller a sevis a-bell ha ny vynni na hwath drehevel y dhewlagas dhe nev, mes ev a weskis y vronn ha leverel, “Duw, kemmer truedh ahanav, peghador.”

Oberow 11:18

Pan glewsons an taklow ma, i a dewis ha gordhya Duw, ow leverel, ‘Ytho dhe'n Jentilys ynwedh Duw re ros edrek a led dhe vewnans.’

Oberow 3:19

Rakhenna kemmerewgh edrek, ha treylyewgh may fo defendys dhe-ves agas peghosow,

2 Korinthianys 12:21

own a'm beus, pan dhov arta, ow Duw dhe'm uvelhe a-ragowgh, ha my dhe alari a-dro dhe lies a'n re neb re beghas kyns, heb kavoes edrek a'n plosedhes, nag a fornikasyon na drokhwans re wrussons.

2 Korinthianys 7:9

Lemmyn my a lowenha; ny'n gwrav drefenn agas bos keudhys, mes drefenn agas bos keudhys dhe edrek; rag duwek o agas keudh, ma na vewgh hwi pystigys kammenn genen.

Ebrowyon 12:17

Rag hwi a woer pan vynna erita an bennath, neghys veu a-wosa, rag ny gavas spas a edrega kyn y'n hwilas gans dagrow.

1 Samuel 30:6

Ha Davydh o grevys yn feur; rag an bobel a gewsis a'y labydha, drefenn bos oll an bobel hwerow y'n enev rag aga mebyon ha myrghes. Mes Davydh a gavas nerth y'n Arloedh y Dhuw.