2 Korinthianys 6:4 - An Bibel Kernewek 20234 (Kernewek Kemmyn)

⁴ mes yn pub fordh ni a omgommend avel menystrys Duw, yn meur a wodhevyans, yn galar, yn kaletteryow, yn ahwer,

2 Korinthianys 6:4 ပူးပေါင်းရင်းမြစ်များ

Ysay 61:6

Hwi a vydh gelwys oferysi an Arloedh, ha hwi a vydh henwys menystrys agan Duw. Hwi a dheber rychys an kenedhlow, ha bostya yn aga glori.

Yoel 1:9

Treghys dhe-ves yw offrynn greun hag offrynn diwes a-dhiworth chi an Arloedh; an oferysi a gyn, menystrys an Arloedh.

Yoel 2:17

Gwres an oferysi, menystrys an Arloedh, oela ynter an porth ha'n alter, ha leverens, ‘Spar, A Arloedh, dha bobel, ha na ro dha ertach yn disenor, ensampel dhe'n kenedhlow. Prag y leverons yn mysk an poblow, “Ple'ma aga Duw?” ’

Luk 21:19

Der agas perthyans hwi a wayn agas enev.

Yowann 16:33

My re leveris hemma dhywgh, rag ma'gas bo kres ynnov. Y'n bys hwi a'gas bydh govisyon; mes bedhewgh a gonfort da! My re fethas an bys.’

Oberow 2:22

‘Gwer Ysrael, klewewgh an geryow ma: Yesu a Nazareth, gour kommendys dhywgh gans Duw, gans oberow galloesek ha marthusyon hag toknys hag a wrug Duw dredho yn agas mysk, dell wodhowgh hwi agas honan,

Oberow 20:34

hwi agas honan a woer an dhiwla ma dhe venystra dhe'm edhommow vy hag edhommow an re esa genev.

Oberow 9:16

rag my a wra diskwedhes dhodho pygemmys y telledh ev dhe wodhav a-barth ow hanow.’

Romanyon 14:18

neb a serv Krist yndella yw plegadow gans Duw ha kevys da gans tus.

Romanyon 16:10

Salusewgh Apelles, neb yw kommendys yn Krist. Salusewgh eseli teylu Aristobulus.

Romanyon 3:5

Mes mar tiskwa agan droktra ewnder Duw, pandr'a wren leverel? Duw dhe vos anewn pan y'gan kessydh yn sorr? (Avel den y kowsav.)

Romanyon 5:8

Mes Duw a dhiskwa y gerensa dhyn drefenn Krist dhe verwel ragon ha ni hwath peghadoryon.

1 Korinthianys 3:5

Ytho, pyth yw Apollos? Pyth yw Powl? Gwesyon dredha may kryssowgh par dell ros an Arloedh dhe gettep onan.

1 Korinthianys 4:1

Yndella y koedh dhe dus agan akontya avel gwesyon Krist ha rennysi kevrinyow Duw.

1 Korinthianys 9:11

Mar konedhsyn ni has a daklow spyrysel yntredhowgh, yw tra veur mar mysyn agas dader a'n bys ma?

2 Korinthianys 11:23

Menystoryon Krist yns i? (My a gews kepar hag onan mes a'y rewl) onan gwell ov vy: my re lavuryas kalessa meur, my re beu prisonys moy menowgh, my re beu kastigys moy a-has, my re beu ogas dhe'n mernans lieskweyth.

2 Korinthianys 11:27

yn lavur ha gweyth kales, yn meur a nosow heb kosk, yn nown ha syghes, yn divoetteryow menowgh, yn yeynder ha noethedh.

2 Korinthianys 11:9

ha pan esen vy yn agas mysk, ha my edhommek, nyns en vy begh dhe dhenvyth; rag an vreder a dheuth dhiworth Makedonia a brovias an taklow a fylli dhymm, hag yn pub fordh my a omwitha ma na ven vy begh dhywgh, hag yndella my a wra pesya.

2 Korinthianys 12:10

Rakhenna pes da ov vy, yn gwannder, yn despityansow, yn edhommow, yn helghyans ha kaletteryow rag Krist; rag gwann pan ov vy, ena galloesek ov.

2 Korinthianys 12:12

Yn hwir, toknys abostol a veu oberys yn agas mysk gans perthyans meur, dre doknys ha dre varthusyon ha der oberow galloesek.

2 Korinthianys 2:17

Rag nyns on ni gwikoryon a er Duw, kepar ha lies; mes dell ve a lenduri, yn hwir dell ve dhiworth Duw, ha dherag Duw, ni a gews yn Krist.

2 Korinthianys 3:6

neb a'gan gwrug gwiw dhe vos menystrys a gevambos nowydh, a-der a lytherenn mes a spyrys; rag an lytherenn a ladh, mes an spyrys a vewha.

2 Korinthianys 4:17

Rag yma agan galar ydhil na dhur marnas dres pols ow kwaynya ragon ni poes a wolewder a dhur bynitha, dres musur oll,

2 Korinthianys 4:2

mes ni re hepkorras traow kevrinek ha divlas; ny wren ni gul devnydh a felder, na gul kamm ger Duw, mes dre dhiskwedhyans a'n gwiryonedh ni a omgommend dhe gowses pub huni dherag Duw.

2 Korinthianys 4:8

yn-dann alar yn pub maner, nyns on ni yn ahwer; penndegys, nyns eson ni yn desper;

2 Korinthianys 7:11

Otta lemmyn, an keudh duwek ma, dredho pana frethter a veu oberys ynnowgh, pana omaskusyans, pana sorrvann, pana own, pana hwans ter, pana dhiwysygneth, pana gessydhyans. Yn pup-tra hwi re ombrovas ankablus y'n mater ma.

Kolossianys 1:11

nerthys gans pub galloes war-lergh krevder y splannder dhe bub perthyans ha godhevyans; gans lowena

Kolossianys 1:24

Lemmyn my a lowenha y'm galarow ragowgh, ha my a gowlwra an taklow a fyll dhe baynys Krist y'm kig rag y gorf, yw an eglos.

1 Thessalonianys 3:7

rakhenna kennerthys en ni, a vreder, a-dro dhywgh, yn agan galar ha'gan anken oll der agas fydh.

1 Thessalonianys 5:14

Ha ni a'gas pys, a vreder, a geski an re yw diek, a hebaskhe an re yw digolonnek, a skoedhya an re yw gwann, hir agas godhevyans troha pub den oll.

1 Timothi 2:15

Mes hi a vydh selwys dre dhineythi fleghes mar kwra hi gortos yn fydh ha kerensa ha sansoleth gans doethter.

1 Timothi 4:6

Mar profydh an taklow ma dhe'n vreder, gwas da dhe Grist Yesu vydhydh, megys gans geryow an fydh ha'n dyskas da re siwsys.

1 Timothi 6:11

Mes ty, a dhen Duw, fi dhiworth an taklow ma ha ke war-lergh ewnder, sansoleth, fydh, kerensa, perthyans, klorder.

2 Timothi 1:8

Ytho, na gemmer meth a dhustuni agan Arloedh, nag ahanav vy, y brisner, mes bydh kevrenner yn godhevyans rag an aweyl war-lergh galloes Duw,

2 Timothi 2:24

Ny goedh dhe was an Arloedh kedrynna, mes bos kuv orth pub den, yn dyskador da, meur y berthyans,

2 Timothi 4:5

Mes ty bydh sad yn pup-tra, godhav drog, gwra ober aweyler, kollanw dha venystri.

Ebrowyon 12:1

Ytho, ni ynwedh, a-ban eus kommolenn mar veur a dhustunioryon a-dro dhyn, tewlyn a-denewen pub ankombrans ha pegh hag a len mar ogas, ha dre bargh, resyn an resegva yw settys a-dheragon,

Diskwedhyans 1:9

My Yowann, agas broder, ha'gas kevrenner yn anken hag y'n wlaskor, hag yn perthyans yn Yesu, esa y'n ynys gelwys Patmos, rag ger Duw ha dustuni Yesu.

Diskwedhyans 3:10

Rag ty dhe witha ger ow ferthyans, my a vynn dha witha rag eur an prevyans a wra dos war oll an bys, dhe brevi an re a drig war an norvys.