2 Korinthianys 6:17 - An Bibel Kernewek 20234 (Kernewek Kemmyn)

¹⁷ Rakhenna dewgh yn-mes a-dhiworta, ha bedhewgh diberthys, yn-medh an Arloedh, ha na dochyewgh travyth avlan, ha my a wra agas degemmeres,

2 Korinthianys 6:17 ပူးပေါင်းရင်းမြစ်များ

Ezra 10:11

Lemmyn ytho rewgh grasyans dhe'n Arloedh, Duw agas tasow, ha gwrewgh y vodh: omdhiberthewgh a-dhiworth poblow an pow, hag a-dhiworth an gwragedh estren.’

Ezra 6:21

Mebyon Ysrael hag a dhehwelis mes a'n divroedh, hag oll an re a junyas gansa ha diberth aga honan a-dhiworth mostedhes kenedhlow an tir, rag hwilas an Arloedh, Duw Ysrael, a dhybris,

Lavarow Koth 9:6

Gesewgh sempledh ha bewewgh, ha kerdhewgh y'n fordh a gonvedhes.’

Ysay 52:11

Treylyewgh, treylyewgh, dewgh yn-mes alena, na dochyewgh tra avlan. Dewgh yn-mes anodho ha bedhewgh glan, hwi neb a dheg lestri an Arloedh.

Yeremia 15:17

Ny esedhis yn kuntelles an re a wra ges, na ny lowenhis; my a esedhas ow honan drefenn dha leuv: rag ty a'm lenwis a sorrvann.

Yeremia 51:6

Fiewgh yn-mes a Babylon, re sawyo peub y vewnans! Na ewgh dhe goll drefenn hy anewnder, rag hemm yw termyn dial an Arloedh; ev a attal dhedhi hy gober.

Niverow 16:21

Diberthewgh dhiworth an kuntelles ma, ma'n kowlloskav yn unn lamm.

Niverow 16:26

Hag ev a leveris dhe'n kuntelles, ‘Diberthewgh, my a'gas pys, a dyldow an debel wer ma, ha na dochyewgh travyth yw dhedha ma na vowgh diswrys gans aga feghosow oll.’

Niverow 16:45

‘Kewgh dhe-ves a-dhiworth an kuntelles ma, may hylliv aga howlleski yn unn lamm.’ Hag i a goedhas war aga fas.

Oberow 2:40

Ha gans meur a eryow erell ev a dhug dustuni ha'ga ynnia, ow leverel, ‘Bedhewgh selwys a'n henedh gorth ma.’

Romanyon 15:7

Kemmerewgh ytho an eyl y gila, par dell re'gas kemmeras Krist rag glori Duw.

2 Korinthianys 7:1

Rakhenna a-ban eus dhyn an ambosow ma, karadowyon, gwren glanhe agan honan dhiworth pub defolans a gig hag a spyrys, ow kul dhe sansoleth bos perfydh y'n own a Dhuw.

Dewteronomi 14:6

Pub best folsys y garn, gans karn rynnys dhe dhew, hag a dhaskni, yn mysk an bestes oll, ty a yll aga dybri.

Diskwedhyans 18:4

Ha my a glewas ken lev dhiworth nev, ow leverel, ‘Dewgh yn-mes anedhi, ow fobel, ma na vewgh kevrennogyon a'y feghosow, ha ma na dhegemmerrowgh a'y flaow.