2 Korinthianys 6:15 - An Bibel Kernewek 20234 (Kernewek Kemmyn)

¹⁵ Ha py kessenyans eus dhe Grist gans Beliar, po py rann eus dhe gryjyk gans diskryjyk?

2 Korinthianys 6:15 ပူးပေါင်းရင်းမြစ်များ

1 Myghternedh 18:21

Ena Elias a dheuth ogas dhe oll an bobel, ha leverel, ‘Pes termyn a vynnowgh kloppya yntra dew dybyans? Mars yw an Arloedh Duw, holyewgh ev; mes mars yw Baal, ena holyewgh ev.’ Mes ny worthybis an bobel ger dhodho.

Ezra 4:3

Mes Zerubbabel, Yeshua ha'n bennow teyluyow erell a Ysrael, a leveris dhedha, ‘Ny'gas beus travyth dhe wul genen rag drehevel chi dh'agan Duw; mes ni agan honan war-barth a vynn drehevel rag an Arloedh, Duw Ysrael, dell erghis dhyn myghtern Kyrus, myghtern Persia.’

Mark 16:16

Piwpynag a grysso hag a vo besydhys a vydh selwys, mes neb na vynno krysi a vydh dampnys.

Oberow 5:14

Ha moy a gryjygyon a veu keworrys dhe'n Arloedh, niverow bras hag a wer hag a venynes.

Oberow 8:20

Mes yn-medh Peder dhodho, ‘Dhe goll re ylli ha genes dha arghans, drefenn ty dhe dybi y hyllydh kavoes ro Duw dre vona.

1 Korinthianys 6:6

Mes broder yw breusys erbynn broder, ha hemma dherag diskryjygyon!

1 Timothi 5:8

Mes den mar ny dharbar dh'y gerens ev, ha dres oll dh'y deylu ev, ev re naghas an fydh ha gweth es diskryjyk yw ev.

1 Peder 1:21

neb a grys dredho yn Duw a wrug y dhrehevel dhiworth an re varow ha ri splannder dhodho, mayth usi agas fydh ha'gas govenek yn Duw.

Breusysi 19:22

Pan esens ow lowenhe, gwer an sita, tebelwesyon, a gylghyas an chi hag a dhallathas frappya war an daras. I a leveris dhe'n kothwas, mester an chi, ‘Dro yn-mes an gour a dheuth y'th chi rag may hyllyn kesya ganso.’

Breusysi 20:13

Lemmyn daskorrewgh an dhrogwesyon yn Gibea, rag ma's lytthyn ha kartha an drog yn-mes a Ysrael.’ Mes ny vynna an Benyaminysi goslowes orth aga breder, mebyon Ysrael.

1 Samuel 2:12

Lemmyn mebyon Eli o mebyon Belial; ny aswonnens an Arloedh.