2 Korinthianys 6:14 - An Bibel Kernewek 20234 (Kernewek Kemmyn)

¹⁴ Na vedhewgh kamm-gesyewys gans diskryjygyon; rag py kevrenn eus dhe ewnder gans anlaghedh, po py kowethyans eus dhe wolow gans tewlder?

2 Korinthianys 6:14 ပူးပေါင်းရင်းမြစ်များ

Jenesis 24:3

ha my a wra dhis ti re'n Arloedh, Duw an nevow ha Duw an norvys, na wre'ta kemmeres gwreg rag ow mab a vyrghes an Kananysi, mayth esov trigys yn aga mysk.

1 Myghternedh 18:21

Ena Elias a dheuth ogas dhe oll an bobel, ha leverel, ‘Pes termyn a vynnowgh kloppya yntra dew dybyans? Mars yw an Arloedh Duw, holyewgh ev; mes mars yw Baal, ena holyewgh ev.’ Mes ny worthybis an bobel ger dhodho.

2 Kroniklys 19:2

Yehu mab Hanani an gwelesydh eth dhe vetya ganso hag a leveris dhe vyghtern Yehoshafat, ‘Yw da ty dhe weres an tebelwas ha kara an re hag a gas an Arloedh? Rag henna sorr a dheu warnas dhiworth an Arloedh.

Ezra 10:19

I a ros aga leuv dhe worra a-denewen aga gwragedh; ha rag aga hammweyth i a offrynnas hordh a'n deves avel offrynn kammweyth.

Salmow 106:35

Mes i a veu kemmyskys gans an kenedhlow ha dyski aga gwriansow.

Salmow 119:63

Koweth ov vy dhe seul a'th own hag a syns dha arghadowyow.

Salmow 16:3

A-barth an syns usi y'n vro, ha'n re vryntin, yma oll ow lowena ynna i.

Eksodus 34:16

ha ty a gemmer a'ga myrghes dhe'th vebyon, ha'ga myrghes a wra horya war-lergh aga duwow ha gul dhe'th vebyon horya war-lergh aga duwow.

Lavarow Koth 22:24

Na vydh kothman dhe dhen a sorr, ha na goweth gans gour tesek,

Lavarow Koth 29:27

Gour anewn yw tra gasadow dhe'n re wiryon, mes an re ewnhynsek yw tra gasadow dhe'n tebelwas.

Levitikus 19:19

Hwi a syns ow ordenansow. Ny wre'ta gasa dha vestes dhe gopla gans bestes a gen eghenn. Ny wre'ta hasa dha wel gans has a dhiw eghenn; ha ny dheu warnas dillas a bann gwiys a dhiw eghenn a neus.

Malaki 2:11

Yuda re beu dislen, ha neppyth kasadow re beu gwrys yn Ysrael ha Yerusalem: rag Yuda re dhisakras an sentri a wra an Arloedh y gara, ha re dhemmedhis an vyrgh a dhuw astranj.

Malaki 2:15

A ny's gwrug an unn Duw, kig ha spyrys? Ha pandr'a vynn an unn Duw marnas agh duwek? Rakhenna gwithewgh war agas spyrys, ha na vydh dislen orth gwreg dha yowynkneth.

Yowann 7:7

Ny yll an bys agas kasa, mes ev a'm kas, rag my a dheg dustuni anodho, y wriansow dhe vos drog.

Oberow 4:23

Pan vons livrys, i eth dh'aga thus aga honan hag i a dherivas pup-tra a lavarsa an bennoferysi ha'n henavogyon dhedha.

1 Korinthianys 10:21

Ny yllowgh hwi eva hanaf an Arloedh ha hanaf dywolow; ny yllowgh hwi kevrenna a voes an Arloedh hag a voes dywolow.

1 Korinthianys 15:33

Na vedhewgh toellys: ‘Drok-keskowethyans a shynd norter da.’

1 Korinthianys 5:9

Y'm epystyl my a skrifas dhywgh na goedh dhywgh kowethya gans tus dhijast,

1 Korinthianys 6:6

Mes broder yw breusys erbynn broder, ha hemma dherag diskryjygyon!

1 Korinthianys 7:39

Kelmys dh'y gour yw an wreg hedre vo ev bew; mes mar kosk ev, livrys yw hi dhe dhemmedhi neb a vynno hi, mar kwra hi henna y'n Arloedh.

Filippianys 2:15

may fewgh divlam ha heb drog, fleghes heb namm a Dhuw, yn mysk kenedhel gamm ha treus, ha hwi a splann yn aga mysk kepar ha golowys y'n bys,

Jamys 4:4

A avoutresow! A ny wodhowgh hwi kerensa an bys dhe vos eskarogeth erbynn Duw? Piwpynag a vynno bos koweth an bys a omwra eskar Duw.