2 Korinthianys 6:11 - An Bibel Kernewek 20234 (Kernewek Kemmyn)

¹¹ Agan ganow re beu igerys yn rydh dhywgh, tus Korinth, ha ledanhes yw agan kolonnow;

2 Korinthianys 6:11 ပူးပေါင်းရင်းမြစ်များ

Job 32:20

Res yw dhymm kewsel may kyffiv difres; my a iger an dhiwweus ha gorthybi.

Salmow 119:32

Poenya a wrav yn fordh dha worhemmynnow, pan redh jy kennerth dhe'm kolonn.

Salmow 51:15

A Arloedh, igor ow diwweus, ha'm ganow a dhiskwa dha wormola.

Ysay 60:5

Ena ty a wel ha splanna; dha golonn a gren gans joy hag efani, rag palster an mor a vydh dres dhis, ha rychys an kenedhlow a dheu dhis.

Ezekiel 33:22

Leuv an Arloedh a veu warnav gorthugherweyth kyns dos an dianker; mes ev re igorsa ow ganow erbynn an termyn may teuth dhymm myttin; ytho ow ganow o igerys, ha nyns en vy avlavar na fella.

Habakkuk 2:5

Rychys ynwedh yw fals, ny dhur an den goethus, neb re ledanhas y vryansenn avel ifarn, ha kepar hag ankow na yll bos gwalghys, mes ev a guntell a-dro dhodho oll an kenedhlow, hag assembla dhodho oll an poblow.

Oberow 18:1

Wosa an taklow ma ev a asas Athenys ha dos dhe Korinth.

Oberow 18:8

Lemmyn Krispus, rewler an synaga, ha ganso oll y vayni, a grysis y'n Arloedh, ha meur a dus Korinth, pan glewsons, a grysis hag a veu besydhys.

2 Korinthianys 12:15

Ytho, fest yn lowen y hwrav vy spena ha bos spenys a-barth agas enevow. Mara'gas karav dhe voy, a vydhav vy kerys dhe le?

2 Korinthianys 2:4

My a skrifas dhywgh a alar meur ha fienasow kolonn ha gans meur a dhagrow; ny wrug vy henna may fewgh hwi keudhys, mes mayth aswonnewgh an gerensa pur vras hag a'm beus ragowgh.

Galatianys 3:1

A hwi dus Galatia, dus foll! Piw re'gas husas, may feu diskwedhys dherag agas lagasow Yesu Krist dhe vos krowsys?

Galatianys 4:12

Dewgh ha bos kepar dell ov vy, my a'gas pys, a vreder, ha my a'n keth par ha hwi. Ny wrussowgh hwi kamm vyth dhymm;

Efesianys 6:19

ha ragov vy, may fo kows res dhymm, ha my owth igeri ow ganow, dhe dhyllo yn hardh mysteri an aweyl.

Efesianys 6:8

ow kodhvos pub den, py dader pynag a wrello, hag ev keth po rydh, dhe dhegemmeres hemma dhiworth an Arloedh.

Filippianys 1:8

Rag Duw yw ow thest fatell yeunav ragowgh hwi oll yn kolodhyon Krist Yesu.

Filippianys 4:15

Godhvydhewgh hwi ynwedh, a dus Filippi, yn dalleth an aweyl, pan yth yn-mes a Makedonia, na gevrennas genev eglos vyth y'n mater a ri ha degemmeres, marnas hwi yn unnsel.

Diskwedhyans 22:12

‘Otta, my a dheu yn skon, hag yma ow gober genev, dhe ri dhe beub kepar dell yw y ober.

1 Samuel 2:1

Ena Hanna a bysis ha leverel, ‘Ow holonn a lowenha y'n Arloedh; ow horn yw ughelhes y'n Arloedh. Ow ganow yw moghhes dres ow eskerens, drefenn my dhe lowenhe y'th selwyans.