2 Korinthianys 6:10 - An Bibel Kernewek 20234 (Kernewek Kemmyn)

¹⁰ keudhys, hwath prest ow lowenhe; boghosek, hwath ow kul dhe lies bos rych; heb travyth, hwath ni a bew pup-tra.

2 Korinthianys 6:10 ပူးပေါင်းရင်းမြစ်များ

Salmow 84:11

Rag an Arloedh Duw yw howl ha skoes; an Arloedh a re ras ha golewder, ha ny skon ev a ri dader vytholl dhe'n re a gerdh yn tivlam.

Lavarow Koth 13:7

Unn den a omwra rych, mes ny'n jeves travyth, onan arall a omwra boghosek, pan y'n jeves pyth meur.

Lavarow Koth 16:16

Ass yw gwell kavoes furneth ages owr, ha gwell yw dewis konvedhes ages arghans!

Matthew 5:12

Lowenhewgh ha bedhewgh pur heudhik, rag meur yw agas gober y'n nevow, rag yndella y hwrussons helghya an brofoesi neb a veu kyns agas prys hwi.

Matthew 5:4

‘Gwynn aga bys an re usi ow kalari, rag i a vydh konfortys.

Luk 6:21

Gwynn agas bys neb a berth nown lemmyn, rag hwi a vydh lenwys. Gwynn agas bys neb a oel, rag hwi a hwerth.

Yowann 16:22

Hag ytho, hwi a'gas beus tristyns lemmyn; mes my a'gas gwel arta, ha'gas kolonn a lowenha, ha'gas lowena ny wra denvyth hy hemmeres dhiworthowgh.

Oberow 16:25

Hag a-dro dhe hanter-nos yth esa Powl ha Silas ow pysi hag ow kormel Duw dre hymnys, hag yth esa an brisnoryon ow koslowes orta;

Oberow 3:6

Mes yn-medh Peder, ‘Ny'm beus nag arghans nag owr; mes an pyth a'm beus, henna a rov dhis: yn hanow Yesu Krist a Nazareth, sav, ha kerdh.’

Oberow 5:41

Rakhenna, i eth yn-mes dhiworth an konsel ow lowenhe, drefenn aga bos reknys gwiw dhe berthi disenor a-barth an hanow.

Romanyon 11:12

Mes mars yw aga threuspass rychys rag an bys, ha mars yw aga difyk devedhys ha bos rychys rag an kenedhlow, kemmys moy aga leunder!

Romanyon 12:15

Lowenhewgh gans an re a lowenha, oelewgh gans an re a oel;

Romanyon 15:13

Re'gas lanwo an Duw a wovenek a bub lowender hag a gres yn krysi, rag may palshahowgh yn govenek dre alloes an Spyrys Sans.

Romanyon 8:32

Neb na sparyas y Vab y honan mes y'n ros ragon ni oll, a ny vynn ev ri dhyn pup-tra ganso?

Romanyon 9:2

bos dhymm galar meur hag anken heb hedhi y'm kolonn.

1 Korinthianys 1:5

rag yn pub fordh hwi re beu gwrys kevoethek ynno ev, yn kows ha skentoleth a bub eghenn –

2 Korinthianys 2:4

My a skrifas dhywgh a alar meur ha fienasow kolonn ha gans meur a dhagrow; ny wrug vy henna may fewgh hwi keudhys, mes mayth aswonnewgh an gerensa pur vras hag a'm beus ragowgh.

2 Korinthianys 4:15

Rag pup-tra yw a-barth dhywgh hwi, may hwrello an gras, res yn hel dhe voy ha dhe voy a dus, gul grasyans dhe balshe, dhe wormola Duw.

2 Korinthianys 4:7

Ha ni a'gan beus an tresor ma yn lestri a bri, rag may fo an nerth dres eghenn dhiworth Duw, a-der ni;

2 Korinthianys 8:9

Rag hwi a aswonn gras agan Arloedh Yesu Krist, y vos ev gyllys boghosek a-barth dhywgh, kynth o rych, mayth ewgh hwi ha bos rych der y voghosogneth.

Efesianys 3:16

may rollo dhywgh hwi, war-lergh rychys y splannder, dhe vos krevhes gans galloes der y Spyrys y'n den pervedhel,

Efesianys 3:8

Dhymmo vy, yw le ages an lyha a'n syns oll, y feu res an ras ma dhe bregoth dhe'n Jentilys an rychys a Grist yw dres hwithra,

Filippianys 2:17

Mes dhe wir, mars ov skoellys avel offrynn diwes war agas sakrifis ha'n gonis a'gas fydh, my a lowenha ha keslowenhe genowgh hwi oll;

Filippianys 4:4

Lowenhewgh pup-prys y'n Arloedh; arta y lavarav, lowenhewgh.

Kolossianys 1:24

Lemmyn my a lowenha y'm galarow ragowgh, ha my a gowlwra an taklow a fyll dhe baynys Krist y'm kig rag y gorf, yw an eglos.

Kolossianys 3:16

Triges ger Krist ynnowgh yn rych, ow tyski ha keski an eyl y gila yn pub furneth, ow kana salmow, hymnys ha kanow spyrysel gans gras yn agas kolonn dhe Dhuw.

1 Thessalonianys 1:6

Ha hwi a dheuth ha bos holyoryon a'gan ensampel ni, hag a'n Arloedh, ow tegemmeres an ger yn galar bras gans lowena an Spyrys Sans,

1 Thessalonianys 5:16

Lowenhewgh pup-prys.

1 Timothi 4:8

rag lavur an korf yw nebes dhe les, mes sansoleth yw dhe les rag pup-tra, gans ambos bewnans y'n termyn ma hag yn termyn a dheu.

1 Timothi 6:18

Lavar dhedha may hwrons dader, may fons rych yn gwriansow da, may fons hel, parys dhe ranna,

Ebrowyon 10:34

Rag yn hwir hwi a geskodhevis gans an brisnoryon, ha hwi a wodhevis yn lowen ravnans agas pythow, a-ban wodhyewgh bos genowgh pythow gwell hag a bes.

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?

1 Peder 4:13

Mes, ha hwi ow kevrenna godhevyansow Krist, lowenhewgh, may lowenhahowgh ynwedh yn heudhik orth diskwedhyans y splannder.

Diskwedhyans 2:9

‘My a aswonn dha wriansow ha'th halar ha'th voghosogneth (mes rych osta) ha my a aswonn blasfemi an re a lever aga bos Yedhewon, heb bos yndella, mes synaga Satnas yns i.

Diskwedhyans 21:7

Neb a feth a wra erita an taklow ma; ha my a vydh y Dhuw, hag ev a vydh ow mab.