2 Korinthianys 5:8 - An Bibel Kernewek 20234 (Kernewek Kemmyn)

⁸ Fydhyans a'gan beus, ytho, ha gwell via genen mos a'n korf, ha dos dhe-dre dhe'n Arloedh.

2 Korinthianys 5:8 ပူးပေါင်းရင်းမြစ်များ

Salmow 16:11

Ty a dhiskwa dhymm an fordh a vewnans; y'th wolok jy yma lanwes lowena, y'th leuv dhyghow yma joy nevra a bes.

Salmow 17:15

Mes my a hwither war dha fas yn ewnder; lowr vydh ragov, pan dhifunav, gweles dha furv.

Lavarow Koth 14:32

An tebelwas yw domhwelys der y dhroktra, mes an den gwiryon a'n jeves harber yn y lander.

Matthew 25:21

Yn-medh y vester dhodho, “Yn ta re wruss'ta, ty gethwas da ha lel, war nebes ty re beu lel, my a re dhis charj a lies tra. Ke dhejy a-bervedh yn lowena dha vester.”

Matthew 25:23

Yn-medh y vester dhodho, “Yn ta y hwruss'ta, ty gethwas da ha lel, ty re beu lel war nebes, my a re dhis charj a lies tra. Ke dhejy a-bervedh yn lowena dha vester.”

Luk 2:29

‘Lemmyn, ty a as dha was dhe omdenna, A Arloedh, herwydh dha er yn kres;

Yowann 12:26

Piwpynag a'm serfyo, gwres ev ow siwya; hag y'n tyller mayth esov, ena ynwedh y fydh ow servont. Piwpynag a'm serfyo, an Tas a wra y enora.

Yowann 14:3

Ha mar kwrav vy mos ha pareusi tyller ragowgh, my a dhehwel arta ha'gas kemmeres dhymm ow honan, may fowgh hwi ynwedh y'n tyller mayth esov vy.

Yowann 17:24

A Das, my a vynn an re a resys dhymm i ynwedh dhe vos genev vy le mayth esov, rag may hwellons ow glori a resys dhymm, rag ty a'm karas kyns gwrians an bys.

Oberow 21:13

Ena Powl a worthybis, ‘Pandr'a wrewgh hwi, owth oela ha treghi ow holonn? Rag parys ov vy dhe vos kelmys keffrys ha merwel yn Yerusalem a-barth hanow an Arloedh.’

2 Korinthianys 5:6

Prest leun a fydhyans on ni, ytho; ha ni a woer, ha ni yn chi y'n korf, agan bos a-dre dhiworth an Arloedh,

2 Korinthianys 5:9

Rakhenna, mars eson ni po yn tre po a-dre, mall yw genen ni bos plegadow dhodho.

1 Yowann 3:2

Hwi garadowyon, lemmyn yth on fleghes Duw, ha ny welir hwath pandr'a vydhyn: mes ni a woer y fydhyn haval dhodho pan omdhiskwettho; rag ni a wra y weles dell yw ev.

Diskwedhyans 22:3

Ha ny vydh kevys travyth milliges namoy, mes tron Duw ha'n Oen a vydh ynni; ha'y wesyon a wra y wordhya: