2 Korinthianys 5:21 - An Bibel Kernewek 20234 (Kernewek Kemmyn)

²¹ A-barth dhyn ni ev a wrug dhodho, neb na wodhva pegh, bos pegh, may teffen ni ha bos ewnder Duw ynno ev.

2 Korinthianys 5:21 ပူးပေါင်းရင်းမြစ်များ

Yeremia 23:26

Pes termyn y fydh hemma yn kolonn an brofoesi a brofoes gowyow, hag a brofoes toell aga holonn aga honan?

Yeremia 33:16

Y'n dydhyow na Yuda a vydh selwys ha Yerusalem a drig yn sawder. Ha hemm yw an hanow may fydh henwys: ‘An Arloedh agan gwiryonedh.’

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Daniel 9:26

Ha wosa an dhiw seythun ha tri-ugens, an den untys a vydh treghys dhe-ves, ha ny'n jevydh travyth; ha pobel an pryns usi ow tos a wra distrui an sita ha'n sentri. Hy diwedh a dheu dre liv, ha bys y'n diwedh y fydh bresel, ha terroes yw ordenys.

Zekaria 13:7

‘Difun, A gledha, erbynn ow bugel, erbynn an den yw ow howeth!’ yn-medh Arloedh an luyow. Gwask an bugel, ha'n deves a vydh skattrys, ha my a dreyl ow leuv erbynn an re vyghan.

Niverow 21:9

Ytho Moyses a wrug sarf a vrons, ha'y gorra war beul; ha mar prattha sarf den vytholl, ev a virsa orth an sarf vrons ha bewa.

Niverow 7:45

unn tarow yowynk, unn hordh, unn oen gorow a unn bloedh, rag offrynn leskys;

Niverow 7:64

unn bogh rag offrynn pegh;

Luk 1:35

Ha'n el a worthybis dhedhi, ‘An Spyrys Sans a dheu warnas, ha nerth an Ughella a'th worskeus; rakhenna an flogh a vydh genys a vydh gelwys Mab Duw.

Oberow 3:14

Mes hwi a naghas an Sans ha Gwiryon, ha govynn moldrer dhe vos grontys dhywgh,

Romanyon 1:17

Rag ewnder Duw yw diskwedhys ynni a fydh dhe fydh dell re beu skrifys, ‘An den gwiryon a vew dre fydh.’

Romanyon 4:25

neb a veu res dhe'n mernans drefenn agan drogoberow ha drehevys rag may fen ni kevys ewn.

Romanyon 5:19

Ytho dell veu lies gwrys peghadoryon dre dhiwostytter unn den, yndella dre wostytter unn den lies a vydh gwrys gwiryon.

1 Korinthianys 1:30

Anodho ev yth esowgh hwi yn Krist Yesu, neb a dheuth ha bos ragon ni skentoleth dhiworth Duw, hag ewnder ha sansheans ha daspren.

2 Korinthianys 5:17

Ytho, mars eus nebonan yn Krist, kreasyon nowydh yw; tremenys dhe-ves yw an traow koth: otta, deuvons ha bos nowydh.

Galatianys 3:13

Krist a'gan dasprenas dhiworth molleth an lagha hag ev gwrys molleth ragon, rag skrifys yw, ‘Milliges vydh peub yw kregys war brenn’,

Efesianys 5:2

ha kerdhewgh yn kerensa, kepar dell wrug Krist agas kara hag omri y honan ragon ni yn offrynn ha sakrifis dhe Dhuw, sawer plegadow.

Filippianys 3:9

ha may fiv kevys ynno, heb kavoes ow ewnder vy a dheu a'n lagha mes an ewnder a dheu dre fydh yn Krist, an ewnder a dheu a Dhuw, selys war fydh;

Ebrowyon 4:15

Rag ny'gan beus arghoferyas na yll keskodhevel gans agan gwannder, mes onan neb re beu temptys avelon yn pub tremmynn, heb pegha hogen.

Ebrowyon 7:26

Rag gwiw o bos dhyn arghoferyas a'n par na, sans, divlam, andhefolys, diberthys a'n beghadoryon, ughelhes a-ugh an nevow.

1 Peder 3:18

Rag Krist a wodhevis unnweyth rag peghosow, den gwiryon rag tus kammhynsek, ma'gas drollo dhe Dhuw, ledhys y'n kig mes bewhes y'n spyrys;

1 Yowann 3:5

Ha hwi a woer y feu diskwedhys rag doen agan peghosow dhe-ves; hag ynno nyns eus peghes.