2 Korinthianys 5:15 - An Bibel Kernewek 20234 (Kernewek Kemmyn)

¹⁵ hag ev a verwis a-barth oll, ma na vewa an re vew dhedha aga honan na fella, mes dhodho ev neb a verwis hag a veu dastrehevys a-barth dhedha.

2 Korinthianys 5:15 ပူးပေါင်းရင်းမြစ်များ

2 Myghternedh 5:17

Ena Naaman a leveris, ‘Mar ny gemmerydh, my a'th pys, bedhes res dhe'th was kemmys dor hag yw begh dew vul, rag ny wra dha was offrynna nevra namoy offrynn leskys na sakrifis dhe dhuwow erell, saw dhe'n Arloedh.

Ezekiel 16:6

My a dremenas dresos, ha'th weles ow potya a-dro y'th woes; ha my a leveris dhis y'th woes, ‘Bew!

Ezekiel 37:14

Ha my a worr ow spyrys ynnowgh, ha hwi a vew, ha my a'gas sett yn agas tiredh agas honan. Ena hwi a woer my, an Arloedh, dhe gewsel, ha my a'n kollenow’, yn-medh an Arloedh.

Ezekiel 37:9

Ev a leveris dhymm, ‘Profoes dhe'n anall, gwra profoesa, A vab den, ha lavar dhe'n anall: Yndellma y lever an Arloedh Duw: Deus dhiworth an peswar gwyns, A anall, hag anella war an dus ledhys ma, may fons bew.’

Habakkuk 2:4

Awotta, goethus yw an den nag yw y enev ewn ynno, mes an den gwiryon a vew der y lelder.

Zekaria 10:9

Kyn y's skattrav avel has yn mysk an poblow, hwath yn gwlasow pell i a berth kov ahanav. I ha'ga fleghes a vew, hag i a dhehwel.

Luk 1:74

ma'n serfyn ev heb own, livrys mes a dhorn agan eskerens

Yowann 5:24

Yn hwir, yn hwir y lavarav dhywgh, ev neb a glew ow ger hag a grys yn neb a'm dannvonas, yma dhodho bewnans heb diwedh, ha ny dheu dhe'n vreus, mes re dremenas a vernans dhe vewnans.

Yowann 6:57

Dell y'm dannvonas an Tas bew, ha my a vew der an Tas, yndella neb a'm deber, henna a'n jevydh bewnans dredhov vy.

Romanyon 12:1

My a'gas pys, a vreder, dre druedhow Duw, may proffyowgh agas korf avel sakrifis bew, sans, plegadow dhe Dhuw, hag yth yw agas gwir wonis spyrysel;

Romanyon 4:25

neb a veu res dhe'n mernans drefenn agan drogoberow ha drehevys rag may fen ni kevys ewn.

Romanyon 6:2

Kammenn vyth! Fatell yllyn ni neb a verwis dhe begh bewa hwath ynno?

Romanyon 6:6

Ni a woer y feu agan den koth krowsys ganso rag may fe an korf a begh distruys, ha rag na serfyn pegh na fella.

Romanyon 8:10

Mes mars usi Krist ynnowgh, kynth yw marow agas korf drefenn pegh, yn few yw agas spyrys drefenn ewnder.

Romanyon 8:2

Rag lagha Spyrys bewnans yn Krist Yesu re'th tigolmas dhiworth lagha pegh ha mernans.

Romanyon 8:6

Rag brys an kig yw mernans, mes brys an Spyrys yw bewnans ha kres.

1 Korinthianys 10:33

par dell blegyav evy dhe dus oll yn pup-tra a wrav, heb hwilas ow les ow honan, mes an les a lies, may fons selwys.

2 Korinthianys 12:10

Rakhenna pes da ov vy, yn gwannder, yn despityansow, yn edhommow, yn helghyans ha kaletteryow rag Krist; rag gwann pan ov vy, ena galloesek ov.

2 Korinthianys 3:6

neb a'gan gwrug gwiw dhe vos menystrys a gevambos nowydh, a-der a lytherenn mes a spyrys; rag an lytherenn a ladh, mes an spyrys a vewha.

2 Korinthianys 5:16

Ytho, alemma rag, ny aswonnyn ni denvyth yn maner dhenel; yn tevri, mar aswonnsyn ni Krist yn maner dhenel, lemmyn ny'n aswonnyn yndella na fella.

Galatianys 5:25

Mar pewyn der an Spyrys, kerdhyn ynwedh der an Spyrys.

Efesianys 4:17

Hemma a lavarav ha dustunia y'n Arloedh, na wrellowgh kerdhes namoy kepar dell gerdh an Jentilys yn euveredh aga brys;

Efesianys 5:14

rag pup-tra a veu diskwedhys yw golow. Rakhenna, leverys yw, ‘Sav, ty neb a gosk, ha sav yn-bann mes a'n re varow, ha Krist a re dhis golow.’

Kolossianys 2:12

Ynkleudhys vewgh ganso yn besydhyans may fewgh drehevys ynwedh ganso der oberyans Duw, neb a'n drehevis dhiworth an re varow.

Kolossianys 3:1

Ytho mar pewgh drehevys gans Krist, hwilewgh an taklow usi war-vann, le mayth usi Krist owth esedha a dhyghow dhe Dhuw.

Kolossianys 3:17

Ha pup-tra oll a wrewgh yn ger po yn gwrians, gwrewgh pup-tra yn hanow an Arloedh Yesu, ow krassa dhe Dhuw an Tas dredho ev.

Kolossianys 3:23

Pypynag a wrewgh, gwrewgh y oberi a'n enev, kepar dell ve dhe'n Arloedh, a-der dhe vab-den,

1 Thessalonianys 5:10

neb a verwis ragon, may fewen war-barth ganso, ha ni difun po yn kosk.

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

1 Peder 4:6

Rakhenna y feu an aweyl pregewthys hwath dhe'n re varow, may fewens yn spyrys war-lergh Duw, kyn fens i breusys avel mab-den y'n kig war-lergh mab-den.

1 Yowann 4:9

Dre hemma y feu diskwedhys kerensa Duw orthyn, drefenn Duw dhe dhannvon y unn Vab dineythys y'n bys, rag may fewen dredho.

Diskwedhyans 1:18

ha neb a vew; hag yth eth ha bos marow; hag otta, bew ov vy trank heb worfenn, hag y'm beus alhwedhow ankow hag ifarn.