2 Korinthianys 4:8 - An Bibel Kernewek 20234 (Kernewek Kemmyn)

⁸ yn-dann alar yn pub maner, nyns on ni yn ahwer; penndegys, nyns eson ni yn desper;

2 Korinthianys 4:8 ပူးပေါင်းရင်းမြစ်များ

Salmow 129:2

‘Lieskweyth y grevsons dhymm dhiworth ow yowynkneth, mes ny yllens ow fetha.

Salmow 37:33

Ny wra an Arloedh y asa yn y leuv, ha ny re ev drogvreus er y bynn pan yw breusys.

Lavarow Koth 14:26

Yn own an Arloedh y kevir fydhyans krev, ha'y fleghes a's tevydh skovva.

Lavarow Koth 18:10

Hanow an Arloedh yw tour krev, an den gwiryon a boen a-bervedh ynno hag yw saw.

Ysay 40:31

mes an re a worta an Arloedh a nowydhha aga nerth. I a yskynn gans eskelli avel eryon; i a boen heb bos skwith, i a gerdh heb klamdera.

Habakkuk 3:17

Kyn na vleujyow an figbrenn ha nyns eus frut war an gwinbrennyer; kyn fyll ober an olewbrenn, ha ny dhaskorr an gwelyow boes; kyn na vo an para kevys namoy y'n gorlann, ha nyns eus gwarthek y'n stallow,

Yowann 14:18

‘Ny'gas gasav omdhivas; dos a wrav dhywgh.

1 Korinthianys 10:13

Ny dheuva warnowgh temptasyon vyth nag yw kemmyn dhe vab-den. Lel yw Duw, ha ny wra ev agas gasa dhe vos temptys dres agas nerth, mes keffrys ha'n temptasyon ri fordh a dhiank a wra ev, rag may hyllowgh y berthi.

2 Korinthianys 12:10

Rakhenna pes da ov vy, yn gwannder, yn despityansow, yn edhommow, yn helghyans ha kaletteryow rag Krist; rag gwann pan ov vy, ena galloesek ov.

2 Korinthianys 6:12

nyns owgh hwi stroethys genen ni, mes stroethys owgh hwi gans agas kolonn agas honan;

2 Korinthianys 6:4

mes yn pub fordh ni a omgommend avel menystrys Duw, yn meur a wodhevyans, yn galar, yn kaletteryow, yn ahwer,

2 Korinthianys 7:5

Yn tevri, pan dheuthen ni yn Makedonia nyns esa dh'agan korf powes vyth, mes galar a berthsyn ni yn pub fordh; strifow a-ves ahanan, own a-ji dhyn.

Galatianys 4:20

my a vynna bos yn agas mysk y'n eur ma ha chanjya ow lev, rag dout a'm beus ahanowgh.

1 Samuel 28:15

Ena yn-medh Samuel dhe Sowl, ‘Prag y'm ankresys dhe'm dri yn-bann?’ Sowl a worthybis, ‘Yth esov yn ankres meur, rag yma an Filistysi ow patalyas orthiv, ha Duw re dreylyas dhe-ves ahanav ha ny worthyp dhymm namoy, na dre brofoesi na dre hunrosow; rakhenna my re'th helwis, may hyllydh leverel dhymm pandr'a wrav.’

1 Samuel 30:6

Ha Davydh o grevys yn feur; rag an bobel a gewsis a'y labydha, drefenn bos oll an bobel hwerow y'n enev rag aga mebyon ha myrghes. Mes Davydh a gavas nerth y'n Arloedh y Dhuw.

1 Samuel 31:4

Ena Sowl a leveris dhe dheger y arvow, ‘Tenn dha gledha ha'm gwana ganso ma na dheffo an wer antrodreghys ma ha'm gwana ha gul ges ahanav.’ Mes ny vynnas deger y arvow; drefenn ev dhe berthi own yn feur. Rakhenna Sowl a gemmeras y gledha y honan hag ev a goedhas warnodho.