2 Korinthianys 4:5 - An Bibel Kernewek 20234 (Kernewek Kemmyn)

⁵ Rag nyns yw pregoth agan honan a wren ni, mes Krist Yesu avel Arloedh, ha ni agan honan avel agas kethyon, a-barth Yesu.

2 Korinthianys 4:5 ပူးပေါင်းရင်းမြစ်များ

Matthew 23:8

Mes hwi, na bedhewgh gelwys Rabbi; rag onan yw agas dyskador hag oll hwi yw breder.

Matthew 3:11

My a'gas besydh gans dowr dhe edrega, mes ev neb a dheu war ow lergh yw moy galloesek agesov vy ha'y eskisyow nyns o'ma gwiw dh'aga doen. Ev a'gas besydh gans an Spyrys Sans ha tan.

Yowann 7:18

Neb a gews a'y awtorita y honan a hwila y enor y honan; mes neb a hwila an enor anodho ev neb a'n dannvonas, hemma yw gwir, ha nyns eus ynno anwiryonedh.

Oberow 10:36

Hwi a woer an ger a dhannvonas ev dhe vebyon Ysrael, ow pregoth kres dre Yesu Krist neb yw Arloedh peub oll.

Oberow 2:36

Rakhenna, godhvydhes oll chi Ysrael diogel, Duw re'n gwrug hag Arloedh ha Krist, an keth Yesu ma a growssowgh hwi.’

Oberow 5:31

Duw a ughelhas an gour ma dh'y barth dhyghow avel Rewler ha Selwyas, rag ri edrek dhe Ysrael ha dehwelyans peghosow.

1 Korinthianys 1:23

mes ni a bregoth Krist krowsys, sklander dhe Yedhewon ha follneth dhe Jentilys,

1 Korinthianys 10:33

par dell blegyav evy dhe dus oll yn pup-tra a wrav, heb hwilas ow les ow honan, mes an les a lies, may fons selwys.

1 Korinthianys 12:3

Rakhenna my a afydh dhywgh na lever denvyth ‘Milliges re bo Yesu’ hag ev ow kewsel dre Spyrys Duw, keffrys na yll denvyth leverel ‘Yesu yw an Arloedh’ marnas der an Spyrys Sans.

1 Korinthianys 15:47

A'n dor yth o an kynsa den, den a dhoust; a nev yth yw an nessa den.

1 Korinthianys 2:2

Rag my a erviras na wodhyen travyth yn agas mysk marnas Yesu Krist hag ev krowsys.

1 Korinthianys 4:15

Rag kyn fo dhywgh deg mil a dhyskadoryon yn Krist, nyns eus dhywgh nameur a dasow; yn tevri my a dheuth ha bos agas tas yn Krist der an aweyl.

1 Korinthianys 8:6

hwath ragon nyni yma unn Duw, an Tas, dhiworth neb yw pup-tra, ha rag neb yth on ni, hag unn Arloedh, Yesu Krist, dre neb yw pup-tra ha dre neb yth on ni.

2 Korinthianys 1:19

Rag Mab Duw, Krist Yesu, neb a veu pregewthys genen yn aga mysk, genev vy, ha gans Silvanus ha Timothi, nyns o ev ‘Ya ha Na’, mes ynno ev pup-prys yth yw ‘Ya.’

2 Korinthianys 1:24

Nyns yw ni dhe routya agas fydh, mes kesoberoryon on ni genowgh rag agas joy: rag y'n fydh y sevowgh fyrv.

Galatianys 5:13

Rag hwi a veu gelwys dhe rydhses, a vreder, saw na wrewgh dhe'n rydhses ri spas dhe'n kig, mes dre gerensa bedhewgh servysi an eyl dh'y gila.

Filippianys 1:15

Dhe wir, re a bregoth Krist der envi ha strif, mes re ynwedh dre volonjedh da;

Filippianys 2:11

ha mayth avowa pub taves bos Yesu Krist Arloedh, dhe wordhyans Duw an Tas.

2 Timothi 2:10

Rakhenna, pup-tra a borthav rag an re yw dewisys, may kaffons i ynwedh an selwyans usi yn Krist Yesu, gans splannder heb worfenn.

Titus 1:11

Res yw gul tewel dhedha, neb a dhomhwel teyluyow dien ow tyski dhedha taklow na dhegoedh rag krefni plos.

2 Peder 2:3

Ha dre grefni gans fals lavarow hwi a vydh gwrys marchondis gansa. Ragdha i seulabrys nyns yw lent an vreus, ha ny gosk an diswrians.