2 Korinthianys 4:17 - An Bibel Kernewek 20234 (Kernewek Kemmyn)

¹⁷ Rag yma agan galar ydhil na dhur marnas dres pols ow kwaynya ragon ni poes a wolewder a dhur bynitha, dres musur oll,

2 Korinthianys 4:17 ပူးပေါင်းရင်းမြစ်များ

Jenesis 15:1

Wosa an taklow ma, ger an Arloedh a dheuth dhe Abram yn gwelesigeth, ow leverel, ‘Na borth own, Abram, my yw dha skoes, dha wober pur vras.’

Salmow 119:67

Kyns my dhe vos yn anken, my a gammdremenas, mes lemmyn my a syns dha lavar.

Salmow 119:71

Da yw ow bos yn anken, rag may tyskiv dha ordenansow.

Salmow 30:5

Rag ny dhur y sorr saw pols byghan; yn y ras yma bewnans. Oelva a dhur dres an nos, mes lowena a dheu y'n myttin.

Salmow 31:19

Ass yw meur dha dhader, a dharbarydh dhe'n re a'th own, a wrussys rag an re a hwila skovva ynnos jy a-dherag mebyon den!

Salmow 73:24

Gans dha gusul ty a'm lew, ha wosa henna ow hemmeres yn golewder.

Ysay 26:20

Ke ow fobel, enter dhe'th chambour ha dege dha dharas a-dryv dhis; omgudh prysweyth bys pan dremen sorrvann.

Ysay 54:8

Yn liv a gonnar my a gudhas ow fas dhiworthis pols, mes gans tregeredh heb diwedh my a gemmer truedh ahanas, yn-medh an Arloedh, dha Dhasprenyas.

Ysay 64:4

A-henys tus ny glewas, na ny woslowas skovarn, na ny welas lagas duw marnas ty, neb a ober ragdho ev neb a'n gorta.

Niverow 5:28

Mes mar ny omdhefolas an venyn hag yw glan, ena hi a vydh rydh hag a yll dineythi fleghes.

Matthew 5:12

Lowenhewgh ha bedhewgh pur heudhik, rag meur yw agas gober y'n nevow, rag yndella y hwrussons helghya an brofoesi neb a veu kyns agas prys hwi.

Luk 6:23

lowenhewgh y'n jydh na, ha lemmewgh gans heudhder, rag otta, meur yw agas gober yn nev; rag y'n keth vaner y hwre aga thasow dhe'n brofoesi.

Oberow 20:23

marnas an Spyrys Sans a dheg dustuni dhymm yn pub sita, ow leverel bos kolmow ha galarow orth ow gortos.

Romanyon 2:7

dhe'n re a hwila, dre berthyans ow kul da, gordhyans hag enor hag anvarwoleth, y fynn ev ri bewnans heb diwedh.

Romanyon 8:18

My a dyb na dal galarow an termyn ma bos kehaval dhe'n golewder usi ow tos dhe vos diskwedhys dhyn.

Romanyon 8:34

Piw a guhudh? Yesu Krist yw, neb a verwis, yn hwir, hag a veu drehevys a'n mernans, hag usi a'n dhyghowbarth dhe Dhuw, hag a bys ragon.

Romanyon 8:37

Mes yn oll an taklow ma moy es tryghoryon on dredho ev neb a'gan kara.

1 Korinthianys 2:9

Mes, dell yw skrifys, ‘An pyth na welas lagas bythkweth ha na glewas skovarn ha na dheuth yn kolonn mab-den, an pyth re beu darbarys gans Duw dhe'n re a'n kar’ –

2 Korinthianys 3:18

Mes, heb kudhlenn war agan fas, hag ow kweles golewder an Arloedh kepar hag yn gweder-mires, yth eson ni oll ow pos chanjys bys y'n keth imaj, dhiworth golewder dhe wolewder kepar ha dhiworth an Arloedh, an Spyrys.

Filippianys 1:19

rag my a woer siwyans hemma dhe vos ow selwyans der agas pysadow, ha gweres res gans Spyrys Yesu Krist,

2 Thessalonianys 1:4

may hwren ni bostya ahanowgh yn eglosyow Duw, a'gas perthyans ha'gas fydh yn oll an helghyans ha'n galar a wodhevowgh.

2 Thessalonianys 1:6

Rag gwiryon yw dhe Dhuw dhe attyli galar dhe'n re a wra agas duwenhe,

2 Timothi 2:10

Rakhenna, pup-tra a borthav rag an re yw dewisys, may kaffons i ynwedh an selwyans usi yn Krist Yesu, gans splannder heb worfenn.

Jamys 1:12

Gwynnvys an gour a bes yn-dann brevyans rag, wosa bos prevys, ev a dhegemmer an gurun a vewnans a ambosas Duw dhe'n re a'n kar.

1 Peder 4:7

Gorfenn pup-tra re dheuth nes; ytho bedhewgh doeth ha sad orth pysadow.

1 Peder 5:10

Lemmyn, Duw pub ras, neb a'gas gelwis dh'y splannder heb diwedh yn Krist Yesu, wosa hwi dhe wodhevel pols, a wra y honan agas gul perfydh, fastya, krevhe ha selya.

1 Yowann 3:2

Hwi garadowyon, lemmyn yth on fleghes Duw, ha ny welir hwath pandr'a vydhyn: mes ni a woer y fydhyn haval dhodho pan omdhiskwettho; rag ni a wra y weles dell yw ev.

Lyther Yud 1:24

Lemmyn dhe neb a yll agas gwitha rag koedha ha'gas gorra heb namm a-rag y wolewder gans heudhder,