2 Korinthianys 4:10 - An Bibel Kernewek 20234 (Kernewek Kemmyn)

¹⁰ prest ow toen a-dro yn agan korf mernans Krist, may fo diskwedhys ynwedh bewnans Yesu yn agan korf.

2 Korinthianys 4:10 ပူးပေါင်းရင်းမြစ်များ

Yowann 14:19

Hwath pols byghan ha'n bys ny'm gwel namoy; mes hwi a'm gwel, rag my a vew, ha hwi ynwedh a vew.

Romanyon 6:5

Rag mar peun ni plynsys war-barth ganso yn semlans y vernans, yn kettella y fydhyn ni yn y dhasserghyans.

Romanyon 6:8

Mes mars on marow gans Krist, ni a grys y fewyn ganso.

Romanyon 8:36

Dell yw skrifys, ‘A'th wovis jy yth on ny ledhys oll an jydh; reknys on ni avel deves dhe'n ladhva.’

2 Korinthianys 1:5

Rag kepar dell balsha godhevyans Krist genen ni, yndella dre Grist agan konfort ynwedh a balsha.

2 Korinthianys 1:9

yn hwir, ni a omglewsyn warnan breus an mernans, ma na fytthyen ynnon agan honan, mes yn Duw neb a dhrehav an re varow.

2 Korinthianys 13:4

Rag krowsys veu dre wannder, mes ev a vew dre nerth Duw. Yn tevri, gwann on ni ynno ev, mes ragowgh hwi ni a wra bewa ganso dre nerth Duw.

2 Korinthianys 4:11

Rag, ha ni yn few, prest yth on ni delivrys dhe'n mernans a-barth Yesu, may fo diskwedhys ynwedh bewnans Yesu yn agan kig marwel.

Galatianys 6:17

Alemma rag, bynner re wrello denvyth ri troblow dhymm; rag my a deg merkyow Yesu war ow horf.

Kolossianys 1:24

Lemmyn my a lowenha y'm galarow ragowgh, ha my a gowlwra an taklow a fyll dhe baynys Krist y'm kig rag y gorf, yw an eglos.

2 Timothi 2:11

Lel yw an ger: Mar merwsyn ganso, ni a wra bewa ganso ynwedh.

1 Peder 4:13

Mes, ha hwi ow kevrenna godhevyansow Krist, lowenhewgh, may lowenhahowgh ynwedh yn heudhik orth diskwedhyans y splannder.

1 Peder 4:14

Mars owgh hwi despitys yn hanow Krist, gwynn agas bys rag an Spyrys a splannder hag a Dhuw a wra powes warnowgh.

Diskwedhyans 1:17

Ha pan y'n gwelis, my a goedhas orth y dreys kepar ha pan ven marow. Hag ev a worras y dhorn dhyghow warnav, ow leverel, ‘Na borth own. My yw an kynsa ha'n diwettha,