2 Korinthianys 3:18 - An Bibel Kernewek 20234 (Kernewek Kemmyn)

¹⁸ Mes, heb kudhlenn war agan fas, hag ow kweles golewder an Arloedh kepar hag yn gweder-mires, yth eson ni oll ow pos chanjys bys y'n keth imaj, dhiworth golewder dhe wolewder kepar ha dhiworth an Arloedh, an Spyrys.

2 Korinthianys 3:18 ပူးပေါင်းရင်းမြစ်များ

Salmow 84:7

Yth ons a nerth dhe nerth; pubonan a vydh gwelys a-rag Duw yn Sion.

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Yowann 12:41

Ysay a leveris hemma rag ev dhe weles y wolewder, hag ev a gewsis anodho ev.

Yowann 17:22

Ha'n glori a resys dhymm, my re'n ros dhedha i, may fons i onan kepar dell on ni onan,

Yowann 17:24

A Das, my a vynn an re a resys dhymm i ynwedh dhe vos genev vy le mayth esov, rag may hwellons ow glori a resys dhymm, rag ty a'm karas kyns gwrians an bys.

Romanyon 12:2

ha na vedhewgh keskonformys orth an oes ma, mes bedhewgh dasformys dre nowydhheans an brys, rag may preffowgh pandra yw bodh Duw, hag yw da ha plegadow ha perfydh.

Romanyon 13:14

Mes gwisk an Arloedh Yesu Krist, ha na dharbar dhe'n kig, rag y lustys.

Romanyon 8:29

Rag an re a ragaswonnis, ev a's ragdhestnas ynwedh dhe vos kesfurvys yn imaj y Vab, rag may fo ev an kynsa-genys yn mysk breder pals.

Romanyon 8:4

rag may fo ordenans an lagha kowlwrys ynnon ni, eus ow kerdhes a-der war-lergh an kig mes war-lergh an Spyrys.

Romanyon 8:7

Yndella an brys a wra fors a'n kig, yw eskarogeth erbynn Duw; nyns yw gostydh dhe lagha Duw, yn hwir ny yll bos yndella,

1 Korinthianys 13:12

Rag lemmyn, ni a wel yn gweder, yn tewl, mes ena fas orth fas; lemmyn my a woer yn rann, mes ena my a wra aswonn yn tien, kepar dell ov vy aswonnys yn tien.

1 Korinthianys 15:49

Par dell dhugon ni hevelep an den a dhoust, ni a wra doen ynwedh hevelep an den a nev.

2 Korinthianys 3:17

Lemmyn an Arloedh yw an Spyrys; ha plepynag usi Spyrys an Arloedh, ena rydhses yma.

2 Korinthianys 4:4

An duw a'n oes ma re dhallas brysyow an dhiskryjygyon ma na welsons i golow aweyl golewder Krist, neb yw imaj Duw.

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

2 Korinthianys 5:17

Ytho, mars eus nebonan yn Krist, kreasyon nowydh yw; tremenys dhe-ves yw an traow koth: otta, deuvons ha bos nowydh.

Galatianys 6:15

Rag ny amont mann naneyl trodreghyans nag antrodreghyans, saw unnsel kreasyon nowydh.

Kolossianys 3:10

ha wosa gwiska an den nowydh, daswrys yn godhvos war-lergh an imaj a neb a'n gwrug.

1 Timothi 1:11

war-lergh aweyl splannder an Duw benniges, a veu res y'm charj.

Titus 3:5

ny'gan selwis ev dre wriansow a wrussyn ni yn ewnder, mes war-lergh y dregeredh ev dre wolghi daskenesigeth ha nowydhheans an Spyrys Sans

Jamys 1:23

Rag den mars yw goslowyas a'n ger heb bos gwrier, ev yw kepar ha gour a wel y fas genesik yn gweder.

1 Yowann 3:2

Hwi garadowyon, lemmyn yth on fleghes Duw, ha ny welir hwath pandr'a vydhyn: mes ni a woer y fydhyn haval dhodho pan omdhiskwettho; rag ni a wra y weles dell yw ev.