2 Korinthianys 13:5 - An Bibel Kernewek 20234 (Kernewek Kemmyn)

⁵ Omhwithrewgh mars esowgh hwi y'n fydh, prevewgh agas honan; a ny wodhowgh hwi bos Yesu Krist ynnowgh – marnas hwi a fyll an prov?

2 Korinthianys 13:5 ပူးပေါင်းရင်းမြစ်များ

Salmow 119:59

My a brederis a'm fordhow ha treylya ow threys troha'th tustuniow.

Salmow 17:3

Ty re brovas ow holonn; ty re wrug vri ahanav y'n nos; ty re'm assayas ha ny gevsys sherewneth ynnov; ny vydh ow ganow ow pegha.

Salmow 26:2

Hwither vy, A Arloedh, ha prov vy; assay ow lonethi ha'm kolonn.

Yeremia 6:30

Gelwys yns ‘arghans deneghys’, drefenn an Arloedh dh'aga denagha.

Kynvannow 3:40

Hwithryn ni orth agan fordhow ha'ga studhya, ha dehweles arta dhe'n Arloedh.

Ezekiel 18:28

Rag ev dhe weles ha treylya dhiworth oll y kammweythresow re wrug, ev a vew yn sur; ny verow.

Haggay 1:5

Lemmyn ytho yndellma y lever Arloedh an luyow: Prederewgh a'gas fordhow.

Haggay 1:7

Yndellma y lever Arloedh an luyow: Prederewgh a'gas fordhow.

Yowann 14:23

Yesu a worthybis ha leverel dhodho, ‘Piwpynag a'm karro a with ow geryow, ha'm Tas a'n karvydh, ha ni a dheu dhodho ha gul agan trigva ynno.

Yowann 15:4

Trigewgh ynnov vy, ha my ynnowgh hwi. Dell na yll an skorrenn doen frut hy honan marnas hi a drig y'n gwinbrenn, yndella ny yllowgh hwi, marnas hwi a drig ynnov vy.

Yowann 17:23

my ynna i, ha ty ynnov vy, may fons i gwrys perfydh yn onan, may hwodhvo an bys ty dhe'm dannvon, ha'ga hara i kepar dell wrussys ow hara vy.

Yowann 17:26

My a dherivas dhedha dha hanow, ha my a wra y dherivas, may fo ynna i an gerensa dredhi may hwrussys ow hara vy, ha my ynna i.’

Yowann 6:56

Piwpynag a dheppro ow hig hag eva ow goes a drig ynnov vy, ha my ynno ev.

Yowann 6:6

Ev a leveris hemma dh'y brevi; rag ev y honan a wodhva pandr'a vynna y wul.

Romanyon 1:28

Ha drefenn nag o da gansa aswonnvos Duw, Duw a's gasas dhe dhrog vrys ha dhe fara divlas.

Romanyon 8:10

Mes mars usi Krist ynnowgh, kynth yw marow agas korf drefenn pegh, yn few yw agas spyrys drefenn ewnder.

1 Korinthianys 11:28

Mes preves den y honan, hag ena dybres a'n bara hag eves a'n hanaf;

1 Korinthianys 11:31

Mes mar preussen ni agan honan yn hwir, ny vien ni breusys;

1 Korinthianys 3:16

A ny wodhowgh hwi agas bos tempel Duw ha bos Spyrys Duw trigys ynnowgh?

1 Korinthianys 6:15

A ny wodhowgh bos agas korfow eseli Krist? Ytho, a wrav vy kemmeres eseli Krist ha gul dhedha bos eseli hora? Bynner re hwarvo!

1 Korinthianys 6:19

A ny wodhowgh hwi bos agas korf tempel an Spyrys Sans a-bervedh ynnowgh, hag a'gas beus dhiworth Duw? Ny berghennowgh agas honan;

1 Korinthianys 6:2

A ny wodhowgh hwi y hwra an syns breusi an bys? Ha mars yw an bys dhe vos breusys genowgh hwi, owgh hwi anwiw dhe vreusi maters byghan?

1 Korinthianys 9:24

A ny wodhowgh hwi bos an resoryon oll yn resegva ow kesstrivya, mes ny dhendil an gober marnas onan? Y'n for' ma gwrewgh ma'n kyffowgh.

1 Korinthianys 9:27

mes my a gronk ow horf ha'y wul gostydh, ma na viv evy, wosa pregoth dhe re erell, gelwys anwiw.

2 Korinthianys 6:16

Ha py akord eus dhe dempel Duw gans idolys? Rag ni yw tempel an Duw bew, dell leveris Duw, ‘My a wra triga yn aga mysk, ha my a wra kerdhes yn aga mysk; aga Duw vydhav vy, hag ow fobel vydhons i.

Galatianys 2:20

bew ov, mes na fella my ow honan, mes Krist a vew ynnov; an bewnans a'm beus y'n eur ma y'n kig my a vew yn fydh Mab Duw neb a'm karas hag omri y honan ragov.

Galatianys 4:19

Ow fleghesigow, mayth esov arta yn gloesow genesigeth ragowgh bys pan vo Krist formys ynnowgh,

Galatianys 6:4

Mes preves pubonan y ober y honan, hag ena y'n jevydh skila rag bostyans ynno ev y honan, a-der yn den arall;

Efesianys 3:17

may trikko Krist, dre fydh, yn agas kolonn, gwreydhys ha selys yn kerensa,

Kolossianys 1:23

mar kwrewgh pesya krev y'n fydh, grondys ha fyrv, heb bos removyes dhiworth govenek an aweyl a glewsowgh, pregewthys yn oll kreasyon yn-dann nev, ha my Powl, eth ha bos menyster anedhi.

Kolossianys 1:27

dhe neb Duw a vynnas diskudha pyth yw rychys splannder an mysteri ma yn mysk an Jentilys, yw Krist ynnowgh hwi, govenek an splannder.

Kolossianys 2:19

heb synsi an penn, a neb an korf oll, skoedhys ha junys war-barth der an giow ha'n skennys, a dyv gans tevyans Duw.

Kolossianys 2:7

gwreydhys ha drehevys ynno, ha kennerthys y'n fydh dell dhys'sowgh, ow palshe yn grasyans.

1 Timothi 2:15

Mes hi a vydh selwys dre dhineythi fleghes mar kwra hi gortos yn fydh ha kerensa ha sansoleth gans doethter.

2 Timothi 3:8

Kepar dell settyas Yannes ha Yambres orth Moyses, y'n keth vaner an re ma a sett orth an gwir, shyndys aga brys, anwiw a-dro dhe'n fydh.

Titus 1:13

Gwir yw an dustuni ma. Rakhenna, gwra aga heredhi yn tynn may fons i yagh y'n fydh,

Titus 1:16

I a lever i dhe aswonn Duw, mes yn aga gwriansow i a'n nagh. Kasadow ha diwostydh yns i hag anwiw rag pub gwrians da.

Titus 2:2

tus koth dhe vos divedhow, sad, fur, yagh yn fydh, yn kerensa, hag yn perthyans.

Ebrowyon 12:15

Gwaytyewgh ma na fallo nagonan a gavoes gras Duw; ma na eginno gwreydhenn hwerowder ha gul kedrynn, dredhi may teffo lies ha bos defolys;

Ebrowyon 4:1

Ytho, ha'n ambos hwath gesys dhe entra dh'y bowesva, perthyn own na vo nagonan ahanowgh breusys a fyllel dh'y attaynya.

Ebrowyon 6:8

Mes mar tre yn-rag spern hag askall yth yw heb les hag ogas milliges; ha leski vydh y dhiwedh.

Jamys 4:4

A avoutresow! A ny wodhowgh hwi kerensa an bys dhe vos eskarogeth erbynn Duw? Piwpynag a vynno bos koweth an bys a omwra eskar Duw.

1 Peder 5:9

Sevewgh orto, fyrv y'n fydh, ow kodhvos an keth godhevyans dhe hwarvos dh'agas breder usi y'n bys.

Diskwedhyans 2:5

Kovha, ytho, le may koedhsys anodho, ha kemmer edrek ha gwra an oberow dell wrussys kyns; poken dos dhiso yn skon a vynnav, ha gorra dha gantolbrenn mes a'y le, mar ny gemmerydh edrek.